Mateus 7:21 - O Novo Testamento na língua Kaingáng

²¹ “Vẽnh kar tóg iso: “pã'i vẽ, pã'i vẽ,” he tĩ. Hã ra ũ ag tóg, Topẽ tỹ nén tó mũ ẽn han tũ nĩgtĩ. Hã kỹ ag tóg, Topẽ tỹ tỹ ẽg pã'i mág nĩ venh ke tũ nĩ. Ũ tỹ inh jóg vĩ han mũ ẽn ag hã vỹ, Topẽ tỹ tỹ ẽg pã'i mág nĩ venh ke mũ, fag ke gé.

Mateus 7:21 Iomraidhean Croise

Mateus 12:50

“Ũ tỹ inh panh tỹ kanhkã tá nĩ ẽn vĩ ki króm mũ ag hã vỹ tỹ, inh jãvy pẽ nỹtĩnh mũ, inh ve pẽ fag ke gé, inh mỹnh pẽ fi ke gé,” he tóg, Jesus ti.

Mateus 16:17

Kỹ Jesus tóg ti mỹ: “Simão', João kósin',” he mũ. “Ẽprã ke tỹ ã mỹ tó pijé', inh jóg tỹ kanhkã tá nĩ ẽn tỹ ã mỹ tó vẽ. Hã kỹ tóg ã ve há han mũ, Topẽ ti,” he tóg.

Mateus 18:10

“Hã kỹ gĩr to é he tũg nĩ. Ũ tỹ ag ki rĩr mũ ag vỹ kanhkã tá nỹtĩ, mỹr, ha mẽ. Topẽ tỹ jẽgnẽ jafã ũ ag vẽ. Inh jóg mré ag tóg nỹtĩ, ti vég ag tóg nỹtĩ.

Mateus 18:19

“Ha mẽ, sỹ ãjag mỹ nén tónh ke mũ ti. Kejẽn ãjag kã mĩ ũn régre ag tóg nén ũ to jykrén mũ, ag tỹ Topẽ mỹ nén ũ to vĩ jé. Kỹ ag tóg ti mỹ to vĩ mũ sir. Kỹ inh jóg tỹ kanhkã tá nĩ tóg ag mỹ han ke mũ, ag tỹ nén to vĩ mũ ẽn ti, fag mỹ ke gé,” he tóg.

Mateus 18:3

Kỹ tóg: “gĩr tag ri ke han nĩ, ãjag tỹ Topẽ tỹ tỹ ẽg pã'i nĩ ve sór kỹ. Ke tũ nĩ mũ ra ãjag tóg venh ke tũ nĩ. Hã kỹ ãjag jykre tovãnh nĩ, gĩr jykre han jé,” he mũ.

Mateus 18:35

“Hã han jé tóg ke mũ, inh jóg tỹ kanhkã tá nĩ ti, ãjag tỹ ãjag régre ag mỹ vẽnh pãte fón pẽ han sór tũ nĩn kỹ, ag tỹ kygnẽ ja ti,” he tóg.

Mateus 19:24

“Kãvãru pãnĩ sór vỹ préj nor fĩn kutẽ tũ nĩgtĩ mỹr. Ti tỹ fĩn kutẽ há nĩ ra tóg há tĩ vẽ, ũn riko tỹ Topẽ tỹ tỹ ẽg pã'i nĩ venh ke ti,” he tóg.

Mateus 25:10

Kỹ fag tóg mũ mũ. Fag gunja tá tóg jun mũ sir, ũn prũg mũ ti. Kỹ fag tóg ti mré mũ mũ sir, ũn lampião gru nỹtĩ fag. Tá junjun kỹ ag tóg jãnkã ti nĩfénh mũ sir, ũn jykre kórég fag jy.

Mateus 25:21

Kỹ tóg ti mỹ: “jykre há ã nĩ,” he mũ. “Ã tũ ki rĩr há han ja ã nĩ mỹr, nén sĩ ki. Kỹ sóg ã mỹ nén ũ e vin sór mũ,” he tóg.

Mateus 26:39

Kỹ tóg tĩg sĩ han kỹ mũg ke mũ sir, ga kri tóg nỹ mũ. Topẽ mré tóg vĩ mũ. “Panh',” he tóg. “Mỹ ã tỹ inh jagtar ke tag tỹ tũ' he jãvãnh?“ he tóg. “Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he tóg.

Mateus 26:42

Kỹ tóg tĩg mãn mũ sir, kỹ tóg Topẽ mré vĩ mãn mũ. Kỹ tóg: “panh',” he mãn mũ. “Ã tỹ inh jagtar ke tag tỹ tũ' he jãvãnh tĩn kỹ sóg jagtar ke mũ. Ã tỹ isỹ nén han ke mũ ẽn han nĩ,” he tóg.

Marcos 3:35

“Ũ tỹ Topẽ vĩ han mũ ẽn ag hã vỹ tỹ inh jãvy nỹtĩ, inh ve fag ke gé, inh mỹnh fi ke gé,” he tóg.

Marcos 9:47

à tỹ nén ũ ki vẽ'ĩ to Topẽ vĩ mranh kỹ ã kanẽ tỹ nám kem nĩ, ã tỹ ke mãn tũ nĩ jé. Jagy ti nĩ, ã kyvó nĩ ti. Jãvo tóg há nĩ, ã tỹ Topẽ tỹ tỹ ẽg pã'i nĩ ven kỹ. à tỹ ã kanẽ régre ra nũgme ki kutẽn kỹ tóg jagy kãfór tĩnh mũ.

Lucas 11:28

Kỹ Jesus tóg fi mỹ: “hỹ,” he mũ. “Hã ra Topẽ vỹ ã ve há han ke mũ gé, ã tỹ ti vĩ mẽ kỹ ki króm kỹ,” he tóg.

Lucas 13:25

Ðn ki rĩr tĩ ẽn tỹ nĩfénh ja vẽ mỹr, hã kỹ ag tóg, kã ra genh ke tũ nĩ ha. Kanhkã to ken hã vẽ, ĩn ti. Ðn ki rĩr tĩ ẽn hã ne nĩfénh ke mũ', kỹ ãjag tóg sir re tá nỹtĩ kỹ tỹ tórón' tórón' kenh ke mũ.“Senhor', ẽg mỹ róm, ẽg jy nón, jãnkã ti,” he jé ãjag tóg ke mũ. Hã ra tóg sir ãjag mỹ: “ãjag ki kagtĩg sóg nĩ,” henh ke mũ.

Lucas 18:25

“Kãvãru pãnĩ sór vỹ préj nor fĩn kutẽnh ke tũ nĩ,” he tóg. “Ti tỹ fĩn kutẽ há nĩ ra tóg há tĩ vẽ, ũn riko tỹ Topẽ tỹ tỹ ẽg pã'i nĩ venh ke ti,” he tóg.

Lucas 6:46

“Ãjag ne tóg inh mỹ: Senhor', he tĩ'. Hã ra ãjag tóg isỹ ãjag mỹ nén tó mũ ẽn han vãnh nỹtĩgtĩ. Kỹ tóg vẽnh mỹ nỹ.

João 14:7

Ãjag tỹ inh ki kanhró nỹtĩn kỹ ãjag tóg inh panh ki kanhró nỹtĩ gé. Inh ki kanhrãn ãjag tóg huri, inh ve ãjag tóg huri,” he tóg.

João 15:23

Ũ tỹ iso jũ nỹtĩ ẽn ag vỹ inh panh to jũ nỹtĩ gé.

João 3:5

Hã ra tóg: “vó,” he mũ. “Ẽprã ke ag krẽ vỹ tỹ ẽprã ke nỹtĩ, ag mỹnh fag ri ke. Jãvo Topẽ kuprĩg tỹ ũ han kỹ tóg Topẽ kuprĩg tỹ jagrẽ nĩ. Mur mãn to ken hã vẽ, hã vỹ: inh ki rã, he mũ. Goj tỹ ke vẽ, Topẽ kuprĩg tỹ ke vẽ gé. Ũ tỹ gen kỹ mur mãn ja tũ nĩn kỹ tóg Topẽ tỹ tỹ ẽg pã'i nĩ venh ke tũ pẽ nĩ.

João 5:17

Hã ra tóg pã'i ag mỹ: “inh panh vỹ rãnhrãj nĩ nĩ, ẽg jóg mág ti. Kỹ sóg ver ti kóm isũ han ke mũ gé,” he mũ.

João 6:40

Hỹ, tag vỹ inh panh mỹ há nĩ. Ũ tỹ ti kósin to kãmũ mũ ẽn mỹ tóg rĩr krỹg ja tũ ven ke mũ, ũ tỹ inh ki ge kỹ nỹtĩ ag kar mỹ. Kỹ sóg kurã tỹ ẽgno kã ag rĩnrĩn mãn kãn ke mũ, ha vem nĩ,” he tóg, Jesus ti.

João 7:17

Ũ tỹ Topẽ vĩ ki króm sór mũ ag vỹ ki kanhró nỹtĩnh mũ, sỹ ti jykre tó mũn ki. Isỹ vẽsóg ki sỹ nén to jykrén mũ tó pijé'.

Han Kãme 14:22

Vỹnvỹn ke kỹ ag tóg Jesus mré ke ag jyvẽn mũ sir, ag tỹ Jesus vĩ kri fi to krónh ke tũ nĩ jé, ag tỹ to fe tar nỹtĩ jé ke gé. “Ẽg tỹ Topẽ tỹ tỹ ẽg pã'i nĩ ve sór kỹ ẽg tóg vẽnh jagtar jagy venh ke mũ,” he ag tóg.

Roma 12:2

Ẽprã ke ag jykre han sór tũg nĩ. Topẽ vỹ ãjag krĩ tãg han sór mũ. Kỹ ãjag tóg nén há han ki kanhró nỹtĩnh mũ. Vẽjykre kuryj han jé ãjag tóg ke mũ. Kygnẽnh ke tũ ãjag tóg nĩ. Tag ve sór tóg mũ, Topẽ ti. Tag hã to tóg ẽg kanhrãn ke mũ.

Roma 2:13

Ha vé, ẽg tỹ Topẽ vĩ mẽg mũ ra han tũ nĩn kỹ ẽg Topẽ mỹ há tũ nỹtĩ. Ẽg tỹ ti vĩ ki króm kỹ ẽg tóg ti mỹ kuryj nỹtĩ.

Éfeso 6:6

Ũ tóg kejẽn ón kỹ ti patrão tũ ki rĩr tĩ, ti patrão tỹ ti mỹ vĩ há han jé. Tag han tũg nĩ. Ãjag patrão tũ ki rĩr hapẽ han nĩ, ãjag tỹ tỹ Cristo mỹ rãnhrãj tĩ nỹtĩn kỹ, Topẽ jykre tỹ ãjag mỹ sér tĩn kỹ.

Colossos 4:12

Epafras vỹ ãjag mĩ ẽkrég tĩ gé, ãjag mré ke tag ti. Jesus Cristo rãnhrãj han kỹ tóg jẽ nĩ. Ãjag to tóg Topẽ mré vẽmén tĩ. To krónh ke tũ ti nĩgtĩ, ãjag tỹ kygnẽg tũ nĩn jé, ãjag tỹ Topẽ tỹ ẽg ki nén ve sór mũ ẽn hã han sór jé, ãjag tỹ tag hã to tar nỹtĩ jé.

1 Tessalônica 4:3

Topẽ vỹ ãjag to jykrén, ãjag tỹ ti jykre hã han jé. Kỹ ãjag prũ tũ fag mré nỹ tũg nĩ, ãjag mén tũ ag mré nỹ tũg nĩ gé.

1 Tessalônica 5:18

Nén ũ kar to ti mỹ: “inh mỹ tóg há tĩ,” hem nĩ gé. Topẽ jykren hã vẽ. Jesus Cristo nón ẽg tóg ti jykre han ke mũ. Ẽg tỹ nén ũ vég mũ kar to ẽg tóg: “inh mỹ tóg há nĩ,” henh ke mũ.

Tito 1:16

“Topẽ ki kanhró ẽg tóg nỹtĩ,” he ag tóg tĩ, ón kỹ. Hã ra ag tóg ti jykre han tũ nĩgtĩ. Ag tỹ ti jykre han vãnh ki ẽg tóg vég tĩ, ag ón mũ ti. Ũ tỹ ge to ti kórég nĩ, Topẽ ti.

Hebreu 13:21

Topẽ hã mỹ sóg to vĩ tĩ, ti tỹ ãjag tar han jé, ãjag tỹ nén ũ tỹ ti mỹ há nĩ ẽn hã han jé. Ti hã vỹ Jesus Cristo mỹ: “ag tar han nĩ,” he ja nĩ. Kỹ tóg tũ' henh ke tũ nĩ, ẽg tỹ ti mỹ vĩ há han ke ti. Hã vẽ.

Hebreu 4:6

Vãsỹ Topẽ tóg ẽg jógjóg ve ag mỹ ag vẽnhkánkán ke tag tó ja nĩgtĩ vẽ, hã ra ag tóg ti vĩ jẽmẽ ja tũ nĩgtĩ. Kỹ Topẽ tóg ũ ag kuprẽg ja nĩgtĩ, kỹ tóg ag hã mỹ ag vẽnhkánkán ke ti nĩm mũ sir, ẽg hã mỹ.

Tiago 1:22

Kỹ Topẽ vĩ han kỹ nỹtĩm nĩ. Ãjag tỹ mẽg mũ ra ki króm tũ nĩn kỹ ãjag tóg krenkren ke tũ nĩ. Ón kỹ ãjag tóg: “kren jé sóg ke mũ,” henh ke mũ.

1 Pedro 2:15

Ũ tỹ ki kagtĩg ag vỹ ãjag to vĩ kónãn tĩ. Kỹ nén ũ há tãvĩ hã han nĩ. Kỹ ag tỹ ãjag kato ne tónh ke tóg tũ tĩnh mũ, ha vem nĩ. Tag vỹ há nĩ, Topẽ mỹ.

1 Pedro 4:2

Hã kỹ ũri Topẽ vĩ hã han sórm nĩ. Ti vĩ tovãnh tũg nĩ, ãjag tỹ ga kri mũn kỹ. Ãjag tỹ nén to én mũ ẽn han sór tũg nĩ.

Nén Venh Ke 2:27

ãjag tỹ inh kóm tỹ povo kri pã'i nỹtĩ jé. Kỹ ãjag tóg ag to vãsãn ke mũ, ferro tỹ ag mrãnmrãn kỹ, ẽg tỹ go'or tỹ kukrũ há gãm mũ ẽn ri ke.

Nén Venh Ke 22:14

“Ũ ag tóg ag jykre kugrynh sór tĩ. Hã kỹ ag tóg ẽg tỹ ẽg kur kygfa ri ke han tĩ. Ẽn ag mỹ tóg vĩ há han ke mũ, Topẽ ti. Ka kanẽ tỹ ẽg rĩnrĩr han tĩ ẽn ko jé ag tóg ke mũ. Kỹ ag tóg ẽmã ẽn jãnkã ra genh ke mũ gé.

Nén Venh Ke 3:5

Ũ tỹ isovãnh tũ ẽn ag vỹ kur kupri ẽn rĩnh kãn ke mũ. Ag jigji kykũnh ke tũ inh nĩ, inh livro ki. Ũn rĩnrĩr ke mũ ag jygji vỹ ki ránrán kỹ nỹtĩ. Ẽn ag jigji tó jé sóg ke mũ, inh panh mỹ, ti tỹ jẽgnẽ jafã kar ag mỹ ke gé, he tóg, hem nĩ, vẽnh rán ki,” he tóg, inh mỹ, ũ tỹ tỹ ẽprã ke nĩ ve ẽn ti.