Mateus 7:16 - O Novo Testamento na língua Kaingáng

¹⁶ Ãjag tỹ ag jykre tugnỹm kỹ ãjag tóg, ag tỹ Topẽ vĩ mranh mũ ẽn ki kanhró nỹtĩ, fag ke gé. Ha vé, vãnh tỹ jóhó ki ẽg tóg, uva vég tũ nĩgtĩ mỹr. Kỹ ẽg tóg sónh ki pẽnva vég tũ nĩgtĩ gé.

Mateus 7:16 Iomraidhean Croise

Mateus 12:33

“Ẽg tỹ ka kanẽ ko há krãn kỹ ti kanẽ vỹ, ko há nĩ, ẽg tỹ ka kanẽ ko vãnh krãn kỹ ti kanẽ vỹ, ko kórég nĩ gé. Ẽg tỹ ti kanẽ ve kỹ ẽg tóg: “ũn kanẽ ko vãnh ja vẽ,” he tĩ. Ge ti nĩgtĩ, ẽg jykre ti. Ũn jykre há tóg há nĩ, jãvo ũn jykre kórég tóg kórég nĩ gé.

Mateus 7:20

Ge ag nỹtĩ, ón kỹ Topẽ vĩ tó tĩ ag. Ag tỹ Topẽ vĩ mranh mũ ra ag tóg, ón kỹ Topẽ vĩ tó tĩ. Ag tỹ nén han mũ ki ẽg tóg, ag jykre kórég vég mũ, fag ke gé“ he tóg, Jesus ti.

Galácia 5:22

Topẽ kuprĩg tỹ ẽg kanhrãn mũ vỹ kórég tũ nĩ. Há kar ti nĩ. Ti tỹ ẽg kanhrãn to ken hã vẽ, hã vỹ: jagnẽ to há, he mũ, mỹ sér tĩ, krĩ kuprã, jagnẽ to fe há nỹtĩ, komẽr hã vĩ, jagnẽ jagãgtãn tĩ, jagnẽ mỹ ón vãnh,

Tiago 2:18

Ãjag kã mĩ ũ tóg hẽn ri ke mũn: “ũ tóg Jesus ki rã kỹ nĩ, jãvo ũ tóg ti jykre han tĩ,” he sór mũ, ãjag tỹ ti jykre han sór tũ nỹtĩn kỹ. Ã tỹ ti jykre ki króm vãnh nĩn kỹ sóg ki kagtĩg nĩ. “Ti mỹ Jesus ki rã kỹ nĩ vỹ?“ he jé sóg ke mũ, ã to. Ã jãvo sóg ti jykre han tĩ inhhã. Hã to ã tóg ki kanhró nĩ, sỹ ti ki rã kỹ nĩ ti,” he jé sóg ke mũ, ãjag mỹ.

Tiago 3:12

Kỹ ka kanẽ to jykrén nĩ gé. Ka tỹ pẽnva ki ẽg tóg jymi vég tũ nĩgtĩ mỹr. Pir ti nĩ, ka kanẽ ti. Ge ti nĩ gé, goj ti. Ti kajã nĩn kỹ tóg kajã nĩ gé. Kỹ gem nĩ gé, ãjag nũnẽ tỹ. Vĩ pir han nĩ.