Mateus 7:11 - O Novo Testamento na língua Kaingáng

¹¹ Jykre pãno ãjag nỹtĩ. Ge ra ãjag tóg ãjag krẽ mỹ nén ũ há vin tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há tãvĩ hã vin jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ẽn ti,” he tóg, Jesus ti.

Mateus 7:11 Iomraidhean Croise

Mateus 23:9

Kỹ ũ mỹ: “ẽg jóg,” he tũg nĩ gé, ẽprã. Ũn pir vỹ tỹ ãjag jóg nĩ, hã vỹ: Topẽ, he mũ, kanhkã tá nĩ ẽn ti.

Mateus 7:10

Ti tỹ ãjag mỹ: “isỹ pirã konh há tóg tĩ,” hen kỹ ãjag pijé ti mỹ pỹn nĩm ke mũ'.

João 3:16

Topẽ vỹ ga kri mũ ag to há nĩ. Hã kỹ tóg ti kósin pir fẽg, vẽnh kar tỹ ti ki ge jé, ãjag tỹ tũ' he tũ nĩ jé, ãjag tỹ ẽg rĩr krỹg ja tũ ẽn ve jé.

Roma 3:19

Hã ra ẽg kar vỹ tag ki kanhró nỹtĩ, ha mẽ. Ẽg hã mỹ ti rán kỹ nĩ, Topẽ vĩ ti, ẽg tỹ ki króm jé. Hã ra ẽg tóg mranh kãn. Kỹ Topẽ tỹ ẽg mỹ: “ti kórég han ã,” he mũ ra, ẽg tỹ ti mỹ ne tónh ke tóg tũ tĩ. Hã jé tóg ẽg mỹ ti vĩ jẽnẽ ja nĩgtĩ, ẽg tỹ to ẽg kórég nĩ tag ki kanhrãn jé.

Roma 3:9

Kỹ isỹ Judeu ag to ne tó nẽ? Ẽg mỹ fóg ag kãfór nỹtĩ, ẽg tỹ tỹ Judeu nỹtĩn kỹ? Vó, ag kãfór tũ ẽg nỹtĩ. Topẽ vĩ mranh kãn ẽg mỹr, Judeu, fóg, kanhgág, ag, fag, ẽg kar mỹr. Tag tó inh huri. Hã ra tóg ge nĩ.

Roma 8:32

Topẽ vỹ ti kósin pir fẽg, ti tỹ ẽg jagfy ter jé. Ti kósin pir nenh ja tũ tóg nĩ. Hã kỹ tóg ẽg mỹ nén ũ há nenh ke tũ pẽ nĩ, ti tỹ ti kósin pir nenh ja tũ nĩn kỹ.

Galácia 3:22

Hã kỹ tóg: “vẽnh kar vỹ Topẽ vĩ mranh kãn ja nĩgtĩ,” he mũ, ti vĩ rá ki. Ẽg tỹ Jesus ki ge hã tugrĩn ẽg tóg krenkren ke mũ sir.

Tiago 1:17

Topẽ hã ne ti pin kỹ ẽg mỹ nén ũ há kar han tĩ'. Nén ũ há tãvĩ han tóg tĩ, ẽprã ke ag mỹ. Ti hã tóg jẽngrẽ han'. Rã tỹ ẽg pũn tũ nĩn kỹ tóg fẽnja tĩ. Hã ra Topẽ tóg ge tũ nĩgtĩ. Ti pijé kejẽn ẽg ki rĩr tũ nĩgtĩ'. Ẽg ki rĩr tóg nĩ nĩ mỹr.

1 João 3:1

Ha vé, ẽg jóg mág tóg ẽg to há tãvĩ nĩ, hã kỹ tóg ẽg to: “inh krẽ,” he mũ sir. Ti krẽ vỹ tỹ ẽg nỹtĩ, Jesus jãvy ag, ti ve fag. Hã kỹ ẽprã ke ũ ag vỹ ẽg jykre ki kagtĩg nỹtĩ. Ag pijé Topẽ ki kanhró nỹtĩ'. Hã kỹ ag tóg ẽg jykre ki kagtĩg nỹtĩ gé, ẽg tỹ tỹ ti krẽ nỹtĩn kỹ.

1 João 4:10

Ẽg pijé ti to há nỹtĩ ja nĩgtĩ'. Ti hã ne ẽg to há nĩ vén'. Hã kỹ tóg ti kósin jẽnẽ, ti tỹ ẽg jagfy ter jé, ti tỹ ẽg tỹ ti vĩ mranh tỹ tũ' he jé. Ti tỹ ẽg to há nĩn hã vẽ.