Mateus 6:7 - O Novo Testamento na língua Kaingáng

⁷ “Ãjag tỹ ti mré vẽmén kỹ fagrĩnh mỹ ti mré vẽmén mág han tũg nĩ. Ũ tỹ Topẽ vĩ ki kagtĩg ag ri ke han tũg nĩ. Ag jãnjãn kỹ ag tóg ón kỹ vĩ jagy han tĩ. “Ẽg tỹ vĩ jagy han kỹ ti hỹn ẽg vĩ mẽnh mũ,” he ag tóg tĩ, ón kỹ, fag ke gé.

Mateus 6:7 Iomraidhean Croise

Mateus 18:17

Ti tỹ ãjag vĩ jẽmẽ sór tũ nĩn kỹ vẽnh kar mỹ tóm nĩ sir, ãjag mré ke kar ag mỹ, fag mỹ ke gé. Ti tỹ vẽnh kar vĩ mẽ sór tũ nĩn kỹ ti mré vĩ mãn tũg nĩ sir. “Topẽ vĩ ki kagtĩg ti nĩ, fóg kórég ag ri ke ti nĩ,” hem nĩ ti to. “Topẽ vĩ mranh sór ti mũ, governo mỹ jãnkamy mãg tĩ ag ri ke,” hem nĩ ti to.

Mateus 26:39

Kỹ tóg tĩg sĩ han kỹ mũg ke mũ sir, ga kri tóg nỹ mũ. Topẽ mré tóg vĩ mũ. “Panh',” he tóg. “Mỹ ã tỹ inh jagtar ke tag tỹ tũ' he jãvãnh?“ he tóg. “Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he tóg.

Mateus 26:42

Kỹ tóg tĩg mãn mũ sir, kỹ tóg Topẽ mré vĩ mãn mũ. Kỹ tóg: “panh',” he mãn mũ. “Ã tỹ inh jagtar ke tag tỹ tũ' he jãvãnh tĩn kỹ sóg jagtar ke mũ. Ã tỹ isỹ nén han ke mũ ẽn han nĩ,” he tóg.

Mateus 26:44

Kỹ tóg ag mỹ vĩ mẽ kã tĩ mũ sir, Topẽ mré vĩ mãn jé. Ti mỹ tóg ti tỹ tó ja ẽn tó mãn mũ.

Mateus 6:32

Ũ tỹ Topẽ vĩ ki kagtĩg ag vỹ tag to jykrén mág tĩ. Hã ra ẽg jóg tỹ Topẽ vỹ ẽg vég tĩ. Kỹ to krĩ kufy han tũg nĩ.

Han Kãme 19:34

Kỹ ag tóg ti tỹ tỹ Judeu nĩ vég mũ sir. Hã ra tá fóg ag tóg Judeu ag to jũgjũ nỹtĩ. Kỹ vẽnh kar tóg prẽnprẽr kỹ: “!..Éfeso tá ke fi vỹ vẽnh kar kãfór ne..! !..Artemis he mũ fi vỹ vẽnh kar kãfór ne..!“ he mũ. Óra régre han ag tóg mũ sir, prẽnprẽr kỹ.