Mateus 6:6 - O Novo Testamento na língua Kaingáng

⁶ Ag jãvo ãjag tỹ Topẽ mré vẽmén kỹ ãjag ĩn kã ra gem nĩ. Kỹ jãnkã nĩfénh nĩ. Kỹ tá Topẽ mré vĩm nĩ sir, ẽg jóg mré, ẽg tỹ ũn vég tũ ẽn mré. Kỹ tóg kanhkã tá ãjag mỹ nĩm ke mũ, ãjag ganho ti. Ẽg tỹ vẽnh kar vatánh tá nén han mũ ẽn vég tóg tĩ mỹr, Topẽ ti,” he tóg, Jesus ti.

Mateus 6:6 Iomraidhean Croise

Mateus 14:23

Ag mũ kar kỹ tóg, ti pir mỹ krĩ ra tãpry mũ, Topẽ mré vĩ jé. Ti tỹ tá nĩ ra tóg kutyg mũ sir.

Mateus 6:18

Hã kỹ ag tóg vég tũ nĩ, ãjag vãkrég mũ ti. Ẽg jóg hã ne vég mũ inhhã', ẽg tỹ ũn vég tũ ẽn hã vỹ vég mũ. Kỹ tóg kanhkã tá ãjag mỹ ãjag ganho nĩm ke mũ. Ẽg tỹ vẽnh kar vatánh tá nén han mũ vég tóg tĩ, Topẽ ti,” he tóg, Jesus ti.

Mateus 6:4

Kỹ ãjag tỹ ag jagãgtãn kỹ ẽg jóg tỹ kanhkã tá nĩ ẽn tóg, ãjag vég mũ sir, kỹ tóg ãjag mỹ nĩm ke mũ sir, ãjag ganho ti. Ẽg tỹ vẽnh vatánh tá nén han mũ ẽn ve kãn tóg tĩ, Topẽ ti,” he tóg, Jesus ti.

João 1:48

Hã ra Natanael tóg ti vĩ tag mẽg mũ. Kỹ tóg ti mỹ: “kỹ ã mỹ inh ki kanhró nĩ'?“ he mũ. Kỹ tóg: “Filipe tỹ ã jé prẽr to hã sóg ã vé, ã tỹ ka tỹ figueira krẽm jẽ ẽn kã,” he mũ.

João 20:17

Hã ra tóg fi mỹ: “inh vóg tũg nĩ ver,” he mũ. “Isỹ inh panh ra tãprynh ke vẽ. Inh kanhkã ag mỹ tónh tĩg nĩ, hã ra. Ag mỹ: “isỹ inh panh venh tĩg ke vẽ, hã ra tóg tỹ ãjag panh nĩ gé, he tóg,” hem nĩ. “Isỹ inh Topẽ to tãprynh ke vẽ, hã ra tóg tỹ ãjag Topẽ nĩ gé, he ti,” hem nĩ, ag mỹ,” he tóg Jesus ti, Maria Madalena fi mỹ.

Han Kãme 10:30

Kỹ Cornélio tóg ti mỹ: “4 dias vẽ ha, ũri,” he mũ. “Kỹ sóg inh ĩn krẽm Topẽ mré vĩnh ke nĩ nĩ, jẽg tũ nĩn kỹ. 3 óra vẽ. Kỹ sóg ũ vég nĩ nĩ. Ti kur tóg kókov nĩ.

Han Kãme 10:9

Tỹ vaj kỹ ag tóg ẽmã ẽn to hã nỹtĩ, meio dia ki. Kỹ Pedro tóg ĩn to tãpry mũ, tá Topẽ mré vĩ jé.

Han Kãme 9:40

Kỹ Pedro tóg vẽnh kar mỹ: “ha pa jẽg,” he mũ. Kỹ tóg ti jakrĩ tỹ jẽg kỹ Topẽ mré vĩ mũ. Kỹ tóg vẽser fi mỹ: “Tabita', nĩ ra,” he mũ. Kỹ fi tóg mrin ke mũ. Kỹ fi tóg nĩ mũ, fi tỹ Pedro ven kỹ.

Roma 8:5

Ẽg tỹ ẽg tỹ nén to én mũ ẽn han kỹ ẽg tóg tỹ Topẽ vĩ mranh jafã nỹtĩ. Ẽg tỹ hã ra Topẽ kuprĩg tỹ jagrẽ nĩn kỹ ẽg tóg ti hã tỹ ẽg mỹ nén tó mũ ẽn han tĩ.

Éfeso 3:14

Hã jé sóg Topẽ mré vẽmén tĩ. Ẽg jóg vẽ mỹr.