Mateus 6:12 - O Novo Testamento na língua Kaingáng

¹² Kỹ ẽg mỹ vẽnh pãte fón nĩ, ẽg tỹ ã vĩ mranh ja ti. Hã jé ẽg tóg, ẽg tỹ jagnẽ to jũ tỹ jagnẽ mỹ vẽnh pãte fón ke mũ gé.

Mateus 6:12 Iomraidhean Croise

Mateus 26:28

“Inh kyvénh hã vẽ,” he tóg, vinho to. “Inh kyvénh tỹ vẽnh kar jagfy kutẽnh ke vẽ. Sỹ vẽnh e mré vẽjykre tãg han to ken hã vẽ, hã vỹ tỹ inh kyvénh ti nĩ. Hã tugrĩn Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” he tóg.

Mateus 9:2

Ti tỹ ti jamã tá jun kỹ ag tóg vãhã, ti mỹ ũn kãnhgrĩ vyn kỹ junjun mũ. Kỹmỹ kri tóg nỹ nĩ. Kỹ Jesus tóg, ag tỹ ti ki ge kỹ nỹtĩ vég mũ sir. Hã kỹ tóg ũn kãnhgrĩ ẽn mỹ: “inh kósin',” he mũ. “Ã fe tỹ há' hé. Ã tỹ Topẽ vĩ mranh ja ẽn tỹ tũ' hen hã vẽ ha,” he tóg.

Marcos 11:25

“Ãjag tỹ kejẽn Topẽ mré vĩ kỹ, ãjag tỹ ũ to jũ mũ mĩ ẽkrén kỹ, ti mỹ vẽnh pãte fón nĩ. Ãjag tỹ gen kỹ tóg vẽnh kato ãjag mỹ vẽnh pãte fón ke mũ gé, ẽg jóg mág tỹ kanhkã tá nĩ ti.

Lucas 11:4

Kỹ ẽg mỹ vẽnh pãte fón nĩ, ẽg tỹ ã vĩ mranh ja ti, hã jé ẽg tóg ẽg tỹ jagnẽ to jũ tỹ jagnẽ mỹ vẽnh pãte fón ke mũ gé. Kỹ ẽg tỹ ã vĩ mranh sór kỹ ẽg kren han nĩ, ẽg tỹ mranh tũ nĩ jé,” hem nĩ,” he tóg.

Lucas 13:4

“Ũ tỹ 18 (ke) ẽn ag to jykrén nĩ, ũ tỹ goj tỹ Siloé tá kãgter mũ ẽn ag. Ðn téj ẽn tóg, ag kri kutẽ, hã kỹ ag tóg kãgter mũ. Jerusalém tá ke kar ag jykre ri ke ja ag tóg nỹtĩ. Ag pijé, ag jykre pãno kãfór ja nỹtĩ', ha mẽ.

Lucas 6:37

“Kãnhmar ũ to vĩ kónãn tũg nĩ, kỹ Topẽ vỹ ãjag to vĩ kónãn ke tũ nĩ gé. Kãnhmar ũ to: “kórég ti nĩ,” he tũg nĩ, kỹ Topẽ vỹ ãjag to: “kórég ti nĩ,” henh ke tũ nĩ gé. Vẽnh kar mỹ vẽnh pãte fón nĩ, ke tũ nĩ mũ ra Topẽ vỹ ãjag mỹ vẽnh pãte fón ke tũ nĩ gé.

Han Kãme 13:38

“Ha vé, inh kanhkã'! Jesus tugrĩn Topẽ vỹ ãjag mỹ vẽnh pãte fón sór mũ, ãjag tỹ ti vĩ mranh ja ti. Hã kỹ sóg ãjag mỹ tó mũ.

Éfeso 1:7

Ti hã ne ẽg kren han', ti kyvénh tỹ ẽg jagfy ti ki kãkutẽ ja nĩn kỹ. Tỹ tóg ẽg tỹ Topẽ vĩ mranh ja ẽn tỹ tũ' he ja nĩgtĩ. Topẽ tỹ ẽg mỹ nén ũ há han hã vẽ.

Éfeso 4:32

Jagnẽ to vĩ há han nĩ. Jagnẽ mỹ komẽr hã vĩm nĩ. Jagnẽ mỹ vẽnh pãte fón nĩ, Topẽ tỹ Cristo tugrĩn ẽg mỹ vẽnh pãte fón ja ẽn ri ke.

Colossos 3:13

Jagnẽ to jũ tũg nĩ. Jagnẽ mỹ vẽnh pãte fón nĩ, ũ tỹ ãjag mỹ vĩ kónãn kỹ. Ẽg Senhor vỹ ẽg mỹ vẽnh pãte fón tĩ gé. Kỹ jagnẽ mỹ vẽnh pãte fón nĩ, ti ri kén.