Mateus 5:9 - O Novo Testamento na língua Kaingáng

⁹ “Topẽ vỹ ãjag ve há han mũ, ãjag tỹ jagnẽ krĩ tỹ kãnhvy' hen kỹ. Kỹ Topẽ tóg ãjag to: “inh krẽ ag vẽ,” henh ke mũ,” he tóg.

Mateus 5:9 Iomraidhean Croise

Mateus 5:45

Kỹ ãjag tóg tỹ Topẽ krẽ nỹtĩ, ãjag tỹ ẽg jóg tỹ kanhkã tá nĩ ẽn ri ke han kỹ. Ti hã ne tóg rã han', ti tỹ vẽnh kar kri jẽngrẽg kỹ san jé, ũn jykre kuryj ag kri, ũn jykre pãno ag kri ke gé, fag kri ke gé. Ta han ti ke gé, ti tỹ vẽnh kar há han jé, ũn jykre kuryj ag, ũn jykre pãno ag ke gé, fag ke gé. Ver tóg vẽnh kar to há nĩ, Topẽ ti,” he tóg.

Mateus 5:48

Hã kỹ vẽnh kar to vẽjykre kuryj han kỹ nỹtĩm nĩ, ũ tỹ ãjag kato vãsãnsãn mũ ag mré hã, fag mré hã. Ẽg jóg tỹ kanhkã tá nĩ ẽn ri ke han nĩ. Ti hã ne tóg, vẽnh kar to vẽjykre kuryj han kỹ nĩ nĩ'. Ti ri ke han nĩ,” he tóg, Jesus ti.

Lucas 20:36

Ter mãn ke tũ ag tóg nĩ gé, mỹr, ha mẽ. Hã kỹ ag prũg mãn ke tũ nĩ. Kỹ fag mén mãn ke tũ nĩ gé. Topẽ tỹ jẽgnẽ jafã ag ri ke fag nỹtĩnh mũ. Topẽ krẽ vỹ tỹ fag nỹtĩ sir, fag tỹ fag kãgter ja tá rĩnrĩr mãn kỹ.

Lucas 6:35

Ag jãvo ũ tỹ ãjag kato vãsãnsãn mũ ag to há nỹtĩm nĩ, ha mẽ. Vẽnh kar mỹ prestar hem nĩ, ag tỹ ãjag mỹ ãjag tũ nĩm tũ hã ra. Kỹ ãjag tóg kanhkã tá venh ke mũ, ãjag tỹ ũri nén han mũ tag ri ke ti. Hã ki ãjag tóg tỹ Topẽ krẽ nỹtĩ, ãjag tỹ ti ri ke han kỹ. Ti hã ne vẽnh kar mỹ vĩ há han kãn tĩ ver', ũn jykre kórég kar ag mré hã.

Han Kãme 7:26

“Tỹ vaj kỹ tóg ag to tĩg mãn mũ, ti kanhkã ag to. Kỹ ũn régre ag tóg jagnẽ to jũ nỹtĩ. Kỹ tóg ag tỹ jagnẽ to há han sór mũ. Hã kỹ tóg ag mỹ: tỹ ãjag tóg jagnẽ kanhkã nỹtĩ vẽ, hã ra ãjag tóg jagnẽ vóg kónãn sór mũ, he mũ.

Roma 12:18

Vãsãn nĩ, ãjag tỹ ũ to krĩ rỹ han tũ nĩ jé, ãjag tỹ vẽnh kar to krĩ kuprã nỹtĩ jé.

Roma 8:14

Ẽg tỹ Topẽ kuprĩg tỹ ẽg mỹ nén tó tĩ ẽn han kỹ ẽg tóg tỹ Topẽ krẽ nỹtĩ. Jesus jãvy vỹ tỹ ẽg nỹtĩ mỹr, ti ve fag ke gé, ha mẽ.

Roma 8:16

Topẽ kuprĩg hã ne ẽg mỹ tó tĩ', ẽg tỹ tỹ Topẽ krẽ nỹtĩ ti, Jesus jãvy, ti ve. Hã kỹ ẽg ki kanhró nỹtĩ.

Roma 8:19

Topẽ vỹ ti krẽ tỹ ũn mág han ke mũ. Kỹ Topẽ tỹ ũn han mũ kar ag tóg tag hã ve sór mũ gé, misu kar, ka kar, ẽkré kar ke gé, nén kar ti.

1 Corinto 6:6

Vẽnh mỹ ti nĩ, irmão tỹ irmão ũ tón kỹ, ũ tỹ Jesus ki rã kỹ nĩ tũ mỹ, ti tỹ ãjag tũ ven jé.

2 Corinto 13:11

Inh kanhkã', sỹ ãjag mỹ rán kãn hã vẽ. Hã ra sóg ver tag tó sór mũ, ha mẽ: vẽnh ki ẽmẽm nĩ, ãjag tỹ kygnẽg tũ nĩ jé. Inh vĩ jẽmẽm nĩ. Vẽjykre pir han nĩ. Krĩ kuprã nỹtĩm nĩ. Topẽ ne ẽg to há nĩ'. Ti ne ẽg krĩ kuprãg tĩ'. Ti ne ãjag ki rĩr mũ', ãjag tỹ ti jykre há han kỹ.

2 Corinto 5:20

Cristo hã ne inh jẽnẽg mũ', isỹ ti jiji tó jé. Kỹ Topẽ tóg vẽnh kar jyvẽn tĩ. Hã kỹ sóg, Cristo jiji tó kỹ ãjag mỹ: “Topẽ to há nỹtĩm nĩ, ti kato vãsãn mãn sór tũg nĩ,” he mũ.

Galácia 5:22

Topẽ kuprĩg tỹ ẽg kanhrãn mũ vỹ kórég tũ nĩ. Há kar ti nĩ. Ti tỹ ẽg kanhrãn to ken hã vẽ, hã vỹ: jagnẽ to há, he mũ, mỹ sér tĩ, krĩ kuprã, jagnẽ to fe há nỹtĩ, komẽr hã vĩ, jagnẽ jagãgtãn tĩ, jagnẽ mỹ ón vãnh,

Éfeso 4:1

Kỹ sóg ãjag jyvẽn sór mũ ha. Se kỹ inh jẽ nĩ, ẽg Senhor tugrĩn. Mũ há han sórm nĩ. Topẽ vỹ ãjag kuprẽg, kỹ ãjag tỹ vẽjykre há han ke hã to vãsãn nĩ.

Filipos 4:2

Vãhã sóg Evódia fi jyvẽn sór mũ, Síntique fi ke gé, ha mẽ. “Jagnẽ mré vẽjykre pir hã han nĩ,” he sóg mũ, ãjag mỹ. “Jesus mré ke vỹ tỹ ãjag nỹtĩ, kỹ jagnẽ kato vãsãn tũg nĩ,” he sóg tĩ.

Colossos 3:13

Jagnẽ to jũ tũg nĩ. Jagnẽ mỹ vẽnh pãte fón nĩ, ũ tỹ ãjag mỹ vĩ kónãn kỹ. Ẽg Senhor vỹ ẽg mỹ vẽnh pãte fón tĩ gé. Kỹ jagnẽ mỹ vẽnh pãte fón nĩ, ti ri kén.

Hebreu 12:14

Vẽnh kar mré vẽjykre kuryj han sórm nĩ. Kỹ Topẽ vĩ han kỹ kygnẽ sór tũg nĩ. Ẽg tỹ tag to vãsãn tũ nĩn kỹ ẽg pijé ẽg jóg mág venh ke mũ'.