Mateus 5:8 - O Novo Testamento na língua Kaingáng

⁸ “Topẽ vỹ ãjag ve há han mũ, ãjag jãnhkri nỹtĩn kỹ. Kỹ ãjag tóg Topẽ venh mũ,” he tóg.

Mateus 5:8 Iomraidhean Croise

Han Kãme 15:9

Hã kỹ Topẽ tóg ag to: vyr mỹ ke ag vẽ, he tũ nĩgtĩ. Ag tỹ ti ki ge kỹ nỹtĩn kỹ tóg ag fe tỹ jãnhkri' he mũ, fóg ag fe tỹ.

1 Corinto 13:12

Ũri ẽg tóg ve há han tũ nĩgtĩ ver, ẽg Senhor jykre ti. Kỹ tóg ẽg tỹ vẽnh ve jafã ki vẽnh ve há han tũ ri ke nĩ. Kurã ẽn kã ẽg tóg nén kar ve há han kãn ke mũ, hã ra. Ẽg hã vỹ tóg ti venh ke mũ. Ũri ẽg tóg sĩn kỹ ti ki kanhró nỹtĩ. Kurã ẽn kã ẽg tóg ki kanhrãn kãn ke mũ, ti tỹ ẽg ki kanhró kar ẽn ri ke.

2 Corinto 7:1

Inh kanhkã', inh fe vỹ tỹ ãjag nỹtĩ. Topẽ tóg ẽg hã mỹ tó mũ, ti tỹ tỹ ẽg jóg mág nĩ tag ti. Ti ve jé ẽg tóg ke mũ. Hã kỹ ẽg nén ũ kavéj han ke tũ nĩ. To jykrén ke tũ ẽg nĩ gé. Topẽ tũ vỹ tỹ ẽg nỹtĩ, kỹ ẽg ti hã kamẽg ke mũ. Ti jykre kuryj ẽn mĩ mũm nĩ.

Tito 1:15

Ha vé, ũ tỹ vẽjykre kuryj han mũ mỹ tóg kuryj kar nĩ. Jãvo ũ tỹ vẽjykre pãno han mũ mỹ tóg pãno kar nĩ gé. Kỹ ag tóg ag jykre pãno to: “há ti nĩ,” he tĩ. Jãvo ag tóg vẽjykre há to: “kórég ti nĩ,” he tĩ gé.

Hebreu 10:22

Kỹ jatun mỹ Topẽ mré vẽmén nĩ. Ti ki rã há han nĩ. Ãjag fe tỹ ti ki gem nĩ, ãjag tỹ ti nĩgja tá junjun jé. Ón kỹ ti ki ge sór tũg nĩ. Ẽg jykre pãno kar tỹ tóg tũ' hé, ẽg tỹ to jykrén mãn tũ nĩ jé. Ẽg jãnhkri han tóg, ẽg tỹ goj jãpri tỹ vẽnh kype ẽn ri ke. Kỹ ẽg há nỹtĩ.

Hebreu 12:14

Vẽnh kar mré vẽjykre kuryj han sórm nĩ. Kỹ Topẽ vĩ han kỹ kygnẽ sór tũg nĩ. Ẽg tỹ tag to vãsãn tũ nĩn kỹ ẽg pijé ẽg jóg mág venh ke mũ'.

Hebreu 9:14

Hã ra Cristo vỹ, ti kyvénh hã tỹ ẽg jãnhkri pẽ han. Topẽ kuprĩg tỹ ti krĩn kỹ tóg Topẽ mỹ vẽnh fẽg. Kygnẽ ja tũ pẽ ti nĩ, hã kỹ tóg há kar nĩ. Kỹ ẽg tóg vẽjykre kórég han mãn ke tũ nĩ sir, ẽg tỹ ẽg jykre si tugrĩn ter ke mũ ẽn ti. Vãhã ẽg tóg Topẽ tũ han há nỹtĩ, ũn rĩr nĩ ẽn tũ ti.

Tiago 3:17

Ẽg tỹ hã ra Topẽ tỹ ẽg kanhrãn mũ han kỹ ẽg tóg jãnhkri nỹtĩ, kavéj tũ mỹr. Jagnẽ to ẽg tóg krĩ kusa nỹtĩ. Jagnẽ mỹ ẽg tóg komẽr hã vĩ tĩ gé. Jagnẽ jagãgtãn ẽg tĩ sir. Nén kar há han ẽg tĩ. Topẽ vĩ to ẽg tar nỹtĩ. Jykre régre tũ ẽg nỹtĩ.

Tiago 4:8

Topẽ mré vĩ kỹ nỹtĩm nĩ, kỹ tóg ãjag to há nĩ sir. Ãjag mré ti nĩ nĩ, ẽg jóg mág ti. Ti vĩ mranh tĩ vỹ tỹ ẽg nỹtĩ. Kỹ ti vĩ mranh tovãnh nĩ. Jykre régre ẽg nỹtĩ gé. Kỹ vẽjykre pir han kỹ nỹtĩm nĩ, hã vỹ: Topẽ jykre, he mũ.

1 Pedro 1:22

Topẽ vĩ pẽ ki króm ãjag tóg tĩ. Hã kỹ ãjag tóg jãnhkri nỹtĩ ha, ũri. Ãjag mré ke kar ag to ãjag tóg há tãvĩ nỹtĩ gé. Kỹ jagnẽ to há nỹtĩ to tar nỹtĩm nĩ gé. Ón kỹ jagnẽ to há nỹtĩ tũg nĩ.

Nén Venh Ke 22:4

Topẽ ve jé ag tóg ke mũ. Kỹ ti jiji vỹ ag kakã ki rán kỹ nĩnh mũ.