Mateus 5:5 - O Novo Testamento na língua Kaingáng

⁵ “Topẽ vỹ ãjag ve há han mũ, ãjag tỹ vẽnh kar mỹ komẽr hã vĩn kỹ. Kỹ ãjag tóg ga kar kri tỹ pã'i nỹtĩnh ke mũ,” he tóg.

Mateus 5:5 Iomraidhean Croise

Mateus 11:29

“Inh mré kãmũ jẽg. Ãjag kanhrãn jé sóg ke mũ. Komẽr hã sóg vĩ tĩ. Inh pijé vẽsỹ ũn mág han tĩ'. Vĩ tar han vãnh sóg nĩ. Ãjag tỹ iso kãmũ kỹ ãjag krĩ vỹ há' henh mũ, ha vem nĩ.

Mateus 21:5

“Sião tá ke fag mỹ: “ha vé, ãjag pã'i mág tóg ãjag ki jun ke mũ,” hem nĩ. Vẽnh kar to tóg fe há nĩ, jũ vãnh nĩn kỹ, ãjag Senhor ti. Burrica kri tóg nĩ nĩ, fi kósin kri, ẽg tu tĩ ẽn fi kósin kri mỹr,” he tóg, Topẽ vĩ tỹ rán kỹ nĩ ki.

Roma 4:13

Topẽ vỹ Abraão mỹ: “ã krẽ vỹ ga kar mĩ mũnh mũ, kỹ tóg tỹ ag tũ kar nĩnh mũ,” he ja nĩgtĩ. Ti tỹ Topẽ vĩ kri fi tugrĩn tóg ti mỹ tag tó. Vẽjykre pãno ki króm tugrĩn ke pijé'. Ti tỹ Topẽ ki rã kỹ tóg ti mỹ tỹ ũn há nĩ, hã kỹ Topẽ tóg ti mỹ tag tó ja nĩ.

Galácia 5:23

vẽsỹ ũn mág han sór tũ, vẽso jykrén tĩ, he mũ. Topẽ pijé tag kato tẽ tĩ'. Ti tỹ vãsỹ ẽg jyvẽn ti vỹ tag ri ke ja nĩgtĩ gé, Moisés jykre si ẽn ti.

Éfeso 4:2

à régre to: “ti kãfór vỹ tỹ inh nĩ,” he sór tũg nĩ. Jagnẽ mỹ komẽr hã vĩm nĩ. Jagnẽ to fe nỹtĩm nĩ. Jagnẽ to há nỹtĩm nĩ. Jagnẽ ajudar hem nĩ.

Colossos 3:12

Topẽ vỹ ãjag kuprẽg, ãjag tỹ tỹ ti tũ nỹtĩ jé, ti tỹ ãjag to há tãvĩ nĩn kỹ. Kỹ ti jykre hã han nĩ. Jagnẽ jagãgtãn nĩ. Jagnẽ mỹ vĩ há han nĩ. Vẽsỹ ũn mág han sór tũg nĩ. Komẽr hã vĩm nĩ. Jagnẽ to fe nỹtĩm nĩ.

1 Timóteo 6:11

Ag jãvo ã hã vỹ tỹ Topẽ tũ nĩ. Kỹ vẽjykre kórég tag tovãnh kãn. Ã tỹ nén han ken hã vẽ, hã vỹ: vẽjykre kuryj, he mũ, Topẽ kamẽg mũ, ti ki rã kỹ tĩ, vẽnh kar to há nĩ, he mũ, komẽr hã vĩ, he mũ gé.

2 Timóteo 2:25

Ũ tóg ti vĩ kafãn sór mũ. Ẽn mỹ ã tóg vĩ há han ke mũ. Komẽr hã ã tóg ag mỹ Topẽ vĩ tónh ke mũ, Topẽ tỹ ag jagãgtãn jé, ag tỹ ag jykre pãno tovãnh kỹ vẽnh vĩ há hã nón mũ jé.

Tito 3:2

“Ũ to vĩ kónãn tũg nĩ,” hem nĩ ag mỹ. “Ũ vĩ kafãn tũg nĩ. Vẽnh kar mỹ vĩ há han nĩ. Vẽnh kar mỹ komẽr hã vĩm nĩ,” hem nĩ ag mỹ.

Tiago 1:21

Hã kỹ nén tỹ ẽg kavénh tĩ ẽn tovãnh kãn nĩ, vẽjykre pãno mré hã. Ẽg kókég tóg tĩ, ẽg fãn tóg tĩ, vẽjykre pãno ti. Jatun mỹ Topẽ vĩ mẽm nĩ. Topẽ hã ne ti vĩ tỹ ẽg kanhrãn'. Ẽg tỹ kri fi kỹ ẽg tóg krenkren ke mũ.

Tiago 3:13

Ãjag mỹ krĩ há nỹtĩ'? Ãjag mỹ Topẽ vĩ ki kanhró nỹtĩ'? Kỹ tóg há tĩ. Kỹ vẽjykre há kar han kỹ nỹtĩm nĩ. Hã ki vẽnh kar vỹ ãjag krĩ há venh ke mũ sir. Hã ra tỹ vĩ mág han tũg nĩ. Tỹ vẽnh kãfór han tũg nĩ gé.

1 Pedro 3:15

“Cristo vỹ tỹ inh pã'i nĩ, kỹ sóg ti hã kamẽg tĩ,” hem nĩ. Tag hã mĩ ẽkrén nĩ. Kejẽn ũ tóg ãjag mỹ: “ne to ke nẽ, hã vỹ: Cristo ki rã, he mũ?“ he tĩ. Ẽn mỹ kãmén kãn nĩ.

1 Pedro 3:4

Vẽjykre sĩnvĩ tag vỹ há nĩ, Topẽ mỹ, kỹ tóg tũ' henh ke tũ nĩ gé.