Mateus 5:3 - O Novo Testamento na língua Kaingáng

³ “Topẽ vỹ ãjag ve há han mũ, ãjag tỹ: “kórég inh nĩ,” hen kỹ. “Sỹ Topẽ kuprĩg tỹ jagrẽn kỹ nĩ tũ nĩ ra sóg tỹ, ũn kórég nĩnh mũ vẽ,” hem nĩ. Kỹ ãjag tóg, ti tỹ tỹ ẽg pã'i nĩ venh ke mũ, kanhkã tá,” he tóg.

Mateus 5:3 Iomraidhean Croise

Mateus 11:25

Kỹ tóg: “jóg',” he mũ. “Tỹ ã kanhkã tãn ag kãfór kar nĩ, kar kỹ ã tỹ ẽprã ke ag kãfór kar nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: ki kanhró mág inh nĩ, he mũ ag mỹ ã tóg, ã jykre ven ja tũ nĩ. Ag mỹ ã tóg kãmén ja tũ nĩ gé. Ũ tỹ gĩr ri ke ki kagtĩg ag hã mỹ ã tóg ven ja nĩ, ã jykre ti,” he tóg.

Mateus 11:6

Kỹ tóg ti tỹ iso jykrén kónãn tũ nĩn kỹ há tĩ. Kỹ Topẽ tóg ti ve há han mũ gé. Tag tóm nĩ, ti mỹ,” he tóg.

Mateus 13:16

“Ag jãvo ãjag hã vỹ, nĩgrẽg há nỹtĩ, hã kỹ ãjag tóg, jẽmẽ há han mũ.

Mateus 19:14

Hã ra Jesus tóg ag mỹ: “vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ,” he mũ. “Ũ tỹ ge hã vỹ ũ tỹ kanhkã tá nĩ ẽn tỹ tỹ pã'i nĩ ẽn krẽm nỹtĩ nĩ,” he tóg.

Mateus 24:46

Ti tỹ ag ki rĩr há han kỹ ti patrão vỹ ti mỹ vĩ há han ke mũ, ti kãtĩg mãn ke ẽn kã.

Mateus 25:34

Tỹ sóg vẽnh kar kri pã'i mág nĩnh mũ, kurã ẽn kã. Kỹ sóg inh pẽgja tá nỹtĩnh ke mũ ag mỹ: inh panh vỹ ãjag mỹ vĩ há han ke mũ. Topẽ tỹ ga tãg mré kanhkã tãg venh kãmũ jẽg. Ti tỹ ga si han kurã ẽn kã tóg ãjag hã kuprẽg ja nĩ.

Mateus 3:2

“Ãjag jykre pãno tovãnh nĩ, Topẽ tỹ tỹ ãjag pã'i nĩ jé,” he tóg.

Mateus 8:11

“Ha vé, ũ tỹ hẽn ri ke ag vỹ kãmũnh ke mũ, rã jur ja tá, rã pur ja tá ke gé. Abraão mré ag tóg ũ tỹ kanhkã tá nĩ ẽn tỹ tỹ ẽg pã'i nĩ venh ke mũ, Isaque mré, Jacó mré ke gé. Topẽ tóg ag ki rĩr ke mũ.

Marcos 10:14

Kỹ tóg vég mũ, kỹ tóg ti mré mũ tĩ ag to jũ mũ. “Vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ. Ũ tỹ ge hã vỹ Topẽ krẽm nỹtĩ nĩ, ti tũ vỹ tỹ fag nỹtĩ',” he tóg.

Lucas 11:28

Kỹ Jesus tóg fi mỹ: “hỹ,” he mũ. “Hã ra Topẽ vỹ ã ve há han ke mũ gé, ã tỹ ti vĩ mẽ kỹ ki króm kỹ,” he tóg.

Lucas 18:14

“Ha mẽ, Topẽ vỹ ti mỹ vẽnh pãte fón, hã kỹ tóg jatun mỹ vyr. Jãvo tóg Fariseu ẽn mỹ vẽnh pãte fón tũ nĩ. Ge ti nĩgtĩ. Ẽg tỹ vẽso: “há inh nĩ,” hen kỹ Topẽ tóg ẽg mỹ vẽnh pãte fón ke tũ nĩ. Ẽg tỹ hã ra vẽso: “jykre kórég inh nĩ,” hen kỹ Topẽ vỹ ẽg to há nĩ, kỹ tóg ẽg tỹ ũn mág han ke mũ gé sir, ẽg jykre kurynh kỹ,” he tóg, Jesus ti.

Lucas 22:29

Inh panh vỹ isỹ pã'i han ke mũ, kỹ sóg ãjag tỹ pã'i han ke mũ gé, ti kóm,

Lucas 22:30

ãjag tỹ inh mré jẽn jé tá. Kỹ ãjag tóg ãjag nĩgja kri nĩgnĩ kỹ nỹtĩnh mũ, ãjag tỹ povo tỹ Israel ag jykre tugnỹm jé, povo tỹ 12 (ke) ẽn ag,” he tóg, Jesus ti.

Lucas 4:18

“Topẽ kuprĩg vỹ inh krĩn mũ. Inh jagrẽ vẽ mỹr. “Ũn jagtar ag mỹ inh vĩ tóm nĩ,” he tóg inh mỹ. Inh jẽnẽg tóg mũ, isỹ ũn sigse kỹ nỹtĩ ag kygvãn jé, isỹ ũn kyvó ag tỹ ẽvãnh há han jé, isỹ ag tỹ ũn vóg kónãn mũ ag ki rĩr há han jé, ag jatu nỹtĩ jé,

João 20:29

Kỹ tóg ti mỹ: “vãhã ã tóg kri fi sór mũ ha, ã tỹ inh ve kỹ,” he mũ. “Ũ tỹ ti tỹ inh vég tũ ra kri nĩm mũ ẽn mỹ tóg vĩ hapẽ han ke mũ, Topẽ ti,” he tóg.

Tiago 1:10

Ẽg Senhor tỹ Jesus mré ke ũ ag tóg riko nỹtĩ hã ra. Ag tỹ ẽg Senhor ki ge kỹ nỹtĩn kỹ ag tóg ũn jagtar ri ke nỹtĩ, Topẽ mỹ. Re fej ri ke ẽg tóg nỹtĩ, ẽg kar.

Tiago 1:12

Kejẽn ũ tóg Jesus tugrĩn ẽg to jũ nĩ. Ẽg tỹ hã ra Topẽ tovãnh tũ nĩn kỹ tóg há tĩ. Kỹ ẽg Senhor tóg ẽg mỹ ẽg rĩr krỹg ja tũ ven ke mũ. Kỹ tóg ũ tỹ carreira ki ka féj tỹ coroa gỹjỹ he mũ ẽn ri ke nĩ sir. Ẽg Senhor vỹ ẽg mỹ: “rĩr krỹg ja tũ ve jé ãjag tóg ke mũ, ãjag tỹ iso há nỹtĩn kỹ,” he ja nĩgtĩ.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

Nén Venh Ke 19:9

Kỹ Topẽ tỹ jẽnẽ jafã tóg inh mỹ: “inh vĩ tag rán nĩ,” he mũ. “Ũ tỹ hẽn ri ke ag tóg cordeiro prũg to fénhta konh ke mũ. Kỹ Topẽ vỹ ag kar ve há han mũ,” he tóg. Kỹ tóg: “Topẽ tỹ tón hã vẽ,” he mũ gé. “Hã ra Topẽ tóg ón vãnh nĩgtĩ,” he tóg, Topẽ tỹ jẽnẽ jafã ti.

Nén Venh Ke 22:14

“Ũ ag tóg ag jykre kugrynh sór tĩ. Hã kỹ ag tóg ẽg tỹ ẽg kur kygfa ri ke han tĩ. Ẽn ag mỹ tóg vĩ há han ke mũ, Topẽ ti. Ka kanẽ tỹ ẽg rĩnrĩr han tĩ ẽn ko jé ag tóg ke mũ. Kỹ ag tóg ẽmã ẽn jãnkã ra genh ke mũ gé.

Nén Venh Ke 3:17

Vẽso ãjag tóg: “riko ẽg nỹtĩ, há ẽg nỹtĩ, nén ũ tóg ẽg mỹ tũ' he tũ pẽ nĩ,” he tĩ. Hã tũ tó ãjag tóg tĩ. Jagtar ãjag tóg nỹtĩ, mỹr, ha mẽ. Tỹ nén tũ ãjag tóg nỹtĩ. Jykre kórég ãjag tóg nỹtĩ. Kur tũ ãjag tóg nỹtĩ. Kyvó ãjag tóg nỹtĩ. Hã ra ãjag tóg ki kagtĩg nỹtĩ, ãjag kórég nỹtĩ tag ki.