Mateus 5:25 - O Novo Testamento na língua Kaingáng

²⁵ “Kejẽn ã tóg, ã mré ke ũ mỹ név jẽ, ã mré ke ũ fi mỹ ke gé. Kỹ fi tóg pã'i ag mỹ ã kãmén tĩg ke mũ. Fi tỹ tónh tĩg ke ẽn jo fi mré vĩm nĩ, ti mré ke gé. “Kajãm jé sóg ke mũ,” hem nĩ. Ke tũ nĩ mũ ra pã'i vỹ, ã jykre pãno venh ke mũ, kỹ tóg ti porisa mỹ: “ti se ra,” henh ke mũ.

Mateus 5:25 Iomraidhean Croise

Mateus 26:58

Hã ra Pedro tóg, Jesus nón kãtĩ mũ, kuvar há tá, kỹ tóg Topẽ tũ to pã'i mág ĩn kã ra rã mũ. Ti tỹ ag tỹ Jesus tỹ hẽn ri ke ẽn ve sór vẽ.

Lucas 18:3

Ẽn jamã tá ũ fi tóg nĩgtĩ gé, ũn mén ter ja fi. Ẽn fi vỹ kejẽn ti mỹ: “inh lograr he sór mũ ẽn ag jo inh ki rĩr,” he mũ.

2 Corinto 6:2

Ti hã ne tóg: “sỹ ãjag jagãgtan ke kurã ki sóg ãjag tỹ inh mỹ nén to vĩ mũ ẽn han ke mũ,” he mũ. “Ãjag krenkren ke kurã ki sóg ãjag krenkren han ke mũ,” he ja tóg nĩ, Topẽ ti. Ũri ke vẽ.

Hebreu 12:17

Kar kỹ tóg, ti panh tỹ ti mỹ vĩ há han ke ti mẽ sór ja nĩ, hã ra tóg mẽg tũ nĩ sir. Kỹ tóg fỹ ja nĩgtĩ. Vãhã tóg ti mỹ e tĩ ja nĩgtĩ, hã ra tóg sir rãké ja nỹ. Kỹ Esaú ri ke han sór tũg nĩ.

Hebreu 3:13

Jagnẽ jyvẽn nĩ, kurã kar ki, ũri mỹr. Ãjag tỹ jagnẽ jyvẽn to tar nỹtĩn kỹ ãjag tóg Topẽ to tar nỹtĩnh ke mũ gé, ha vem nĩ. Kỹ ãjag kã mĩ ũ vỹ vẽnh kutu han ke tũ nĩ. Ẽg tỹ ti vĩ mranh kỹ ẽg tóg kutu nỹtĩ.

Hebreu 3:7

Topẽ vỹ ti kuprĩg tỹ: “ãjag tỹ ũri inh vĩ mẽ kỹ vẽnh kutu han tũg nĩ,” he ja nĩ.