Mateus 5:15 - O Novo Testamento na língua Kaingáng

¹⁵ Ri ke ti nĩ, néj gru ti. Ẽg tỹ grug kỹ ẽg pijé lata krẽm fẽg tĩ'. Ti fẽg jafã hã kri ẽg tóg fẽg tĩ. Kỹ ĩn kã tá nỹtĩ kar tóg ẽn vég tĩ sir.

Mateus 5:15 Iomraidhean Croise

Marcos 4:21

Kỹ tóg ag mỹ: “ẽg pijé néj grug kỹ kẽj krẽm fẽg tĩ', ẽg pijé kỹmỹ krẽm fẽg tĩ',” he mũ. “Ti fẽg jafã kri ẽg tóg fẽg tĩ, ti tỹ ẽg mỹ jẽngrẽ han jé.

Lucas 11:33

“Ẽg tỹ néj grug kỹ ẽg pijé, péju kỹ fẽg tĩ'. Ẽg pijé, kẽj krẽm fẽg tĩ'. Ti fẽg jafã kri ẽg tóg fẽg tĩ. Kỹ ẽg tóg ẽg tỹ ĩn kã ra kãge kỹ ve há han tĩ,” he tóg.

Lucas 11:36

Ãjag jo kurã nĩn kỹ tóg há tãvĩ nĩ. Ãjag jykre há tãvĩ nĩn kỹ tóg, ãjag jo kurã ri ke nĩ sir. Kỹ ãjag tóg sir néj gru ri ke nỹtĩ gé. Néj gru mág nĩn kỹ tóg ẽg kanẽ jo jẽngrẽ há han tĩ. Ge ẽg nỹtĩ, ẽg jykre há tãvĩ nĩn kỹ,” he tóg Jesus ti.

Lucas 8:16

Kỹ tóg: “ẽg tỹ néj grug kỹ ẽg pijé, kẽj krẽm fẽg tĩ',” he mũ. “Ẽg pijé, kỹmỹ krẽm fẽg tĩ gé'. Ti fẽg jafã kri ẽg tóg fẽg tĩ. Kỹ vẽnh kar tóg vég mũ sir, ag tỹ ẽg ĩn kã ra kãgen kỹ.

Filipos 2:15

Hã tugnĩn ũ tóg ãjag to jykrén kónãn ke tũ nĩ, ãjag tỹ kygnẽg tũ nĩn kỹ. Kỹ ãjag tóg tỹ Topẽ krẽ nỹtĩ gé, ãjag tỹ ti jykre há han kỹ. Ẽprã ke kar vỹ jykre pãno nỹtĩ, Topẽ vĩ mranh kỹ. Kỹ ãjag tóg ag mỹ jẽngrẽ ri ke nỹtĩ, ãjag tỹ ag mỹ Topẽ vĩ kãmén kỹ.

Hebreu 9:2

Kỹ ag tóg, kur tỹ ĩn ẽn han, ti tỹ tỹ Topẽ ĩn jẽ jé. Hã ra tóg vẽnh kãpãm kỹ nĩ, kỹ ag tóg ĩn vãfynyn nĩg vén kỹ nĩ ẽn to: “Topẽ mré vĩ jafã,” he tĩ. Ẽn tá mesa kri vela tỹ kri vin jafã vỹ jẽ, kar kỹ mesa tỹ kri ẽmĩ vin jafã ẽn ke gé.

Nén Venh Ke 2:5

Ãjag tỹ vãsỹ iso tar ẽn mĩ ẽkrén nĩ. Ãjag jykre kórég tovãnh nĩ. Ãjag tỹ inh ki ge vén ja ẽn ri ke nỹtĩ mãn nĩ. Ãjag tỹ tag han sór tũ nĩn kỹ sóg ãjag ki jun kỹ, ãjag tỹ néj tỹ kri vin jafã ẽn ma tĩg ke mũ, ha vem nĩ.