Mateus 5:11 - O Novo Testamento na língua Kaingáng

¹¹ “Topẽ vỹ ãjag ve há han mũ, ag tỹ isugrĩn ãjag mỹ vĩ kónãn mũ ra, ag tỹ ãjag vóg kónãn mũ ra. Ag tỹ ón kỹ ãjag to vĩ vĩ he kỹ tóg há tĩ, ag tỹ ón kỹ: “jykre pãno ag nỹtĩ,” he mũ ra.

Mateus 5:11 Iomraidhean Croise

Mateus 10:18

Fóg tỹ pã'i mág mỹ ag tóg, ãjag ven ke mũ, pã'i mág ũ ag mỹ ke gé. Isugrĩn ãjag tóg, vẽnh jagtar tag venh ke mũ, ãjag tỹ ag mỹ inh vĩ ti tó jé, fóg ag kar mỹ, kanhgág ag kar mỹ ke gé.

Mateus 10:22

Vẽnh kar vỹ ãjag to jũ kỹ ãjag vóg kónãn sór nỹtĩ, isugrĩn. Hã ra ũ tỹ isovãnh tũ ẽn ag hã vỹ, krenkren ke mũ, kurã tỹ ẽgno ẽn kã,” he tóg.

Mateus 10:25

Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.

Mateus 10:39

Ãjag tỹ iser ri ke han sór tũ nĩn kỹ ãjag tóg nũgme ki vár ke mũ, ãjag tỹ ãjag jykre tovãnh sór tũ nĩn kỹ. Ãjag tỹ isugrĩn kãgter sór kỹ ãjag tóg rĩr krỹg ja tũ ẽn venh ke mũ, ãjag tỹ ãjag jykre tovãnh kỹ,” he tóg, Jesus ti.

Mateus 19:29

“Jó ũ tóg isugrĩn ti jamã ré kỹ tĩ mũ, ti kãke, ti jãvy, ti ve, ti panh, ti mỹnh, ti japỹ ré kỹ tóg tĩ mũ, inh jykre tugrĩn. Ẽn vỹ tóg vẽnh kato ti tỹ ẽprã ré kỹ tĩg ja ẽn e ri ke venh ke mũ, tag ki, ẽprã. Kỹ tóg rĩr krỹg ja tũ ẽn venh ke mũ gé,” he tóg.

Mateus 24:9

“Kar kỹ ãjag jagtar ke mũ, ãjag tỹ inh ki ge kỹ nỹtĩ tugrĩn. Ãjag vóg kónãn jé ag tóg ke mũ, ãjag kãgtén jé ag tóg ke mũ gé. Nação kar vỹ, ãjag to vĩ kónãn ke mũ, ãjag tỹ inh jiji tó tugrĩn.

Mateus 27:39

Kỹ ũ tỹ mĩ mũ mũ ag tóg, ti nyg mũ gé, vỹn vỹn hen kỹ.

Marcos 13:13

Vẽnh kar vỹ tóg ãjag to vĩ kónãn ke mũ gé, ijiji tugrĩn. Hã ra ũ tỹ isovãnh tũ pẽ ẽn kren ke vẽ,” he tóg.

Marcos 13:9

“Rẽngag nĩ. Ãjag jyvẽn tar han jé ag tóg ke mũ. Vẽnh kanhrãn jafã krẽm ag tóg ãjag mrãnmrãn ke mũ, isũgrĩn. Ãjag jé ag tóg prẽr ke mũ gé, pã'i mág tỹ ãjag ve jé, pã'i mág kar ti, ãjag tỹ ag mỹ inh vĩ tugtó jé.

Marcos 4:17

Hã ra ag tóg nén fy kré jãre tũ ri ke nỹtĩ, kỹ ag tóg mũ sĩ han mũ, Topẽ mré. Nén ũ jagy kutẽ kỹ ag tóg sir tovãnh mũ vẽsỹmér, ũ tỹ Topẽ tugrĩn ag kato tẽ kỹ.

Marcos 8:35

“Ãjag tỹ ãjag jykre hã han sór kỹ ãjag tóg nũgme ki vár ke mũ. Jãvo ãjag tỹ isugrĩn ãjag jykre tovãnh kỹ ãjag krenkren ke mũ,” he tóg.

Lucas 21:12

“Tag to hã ag tóg ãjag sigsenh ke mũ gé. Ãjag vóg kónãn jé ag tóg ke mũ gé. Vẽnh kanhrãn jafã krẽm ag tóg ãjag jykre vigvenh ke mũ gé. Pã'i mág ag mỹ ag tóg ãjag venven ke mũ, pã'i tỹ governador ag mỹ ke gé, ãjag tỹ ijiji tó ja tugrĩn.

Lucas 21:17

Vẽnh kar vỹ ãjag to kórég tãvĩ nỹtĩnh mũ, ijiji tugrĩn.

Lucas 6:22

“Topẽ vỹ ãjag ve há han mũ, ag tỹ isugrĩn ãjag to kórég nỹtĩn kỹ, ãjag mỹ: “ha mũ jẽg, hen kỹ. Ag tỹ isugrĩn ãjag mỹ vĩ kónãn kỹ tóg há tĩ, ag tỹ ón kỹ ãjag jykre kórég tó kỹ. Tỹ sóg ẽprã ke fi kósin nĩ mỹr,” he tóg.

Lucas 9:24

“Ãjag tỹ ãjag jykre hã han kỹ ãjag tóg nũgme ki vár ke mũ. Jãvo ãjag tỹ isugrĩn ãjag jykre tovãnh kỹ ãjag tóg krenkren ke mũ, ãjag kãgter ke mũ hã ra.

João 15:21

Hã ra ag tóg ãjag vóg kónãn ke mũ gé, ãjag tỹ tỹ inh mré ke nỹtĩn kỹ. Ag pijé ũ tỹ inh jẽnẽg mũ ẽn ki kanhró nỹtĩ'.

João 9:28

Kỹ ag tóg ti nyg mũ. “Ã hã vỹ tỹ ti mré ke nĩ. Jãvo ẽg tóg tỹ Moisés mré ke nỹtĩ,” he ag tóg, pã'i ag.

Han Kãme 9:16

“Isugrĩn tóg jagtar ke mũ, ha vem nĩ,” he tóg.

Roma 8:36

Kejẽn ẽg tóg ti jagy tag vég tĩ, hã kỹ tóg rán kỹ nĩ, ha mẽ: “ẽg tỹ ã to há nỹtĩ tugnĩn ag tóg ẽg tén sór tĩ, kurã kar ki. Carneiro tãnh ẽg tóg tĩ, ẽg tỹ ko jé. Tag ri ke ẽg nỹtĩ, ag mỹ,” he ja tóg nĩ, Topẽ vĩ rá ki. Hã ra tóg ge nĩ.

1 Corinto 4:10

Krĩ tũ nĩ ve sóg nĩ mỹr, Cristo tugrĩn. Inh jãvo ãjag tóg krĩ há nỹtĩ ve nĩ, Cristo jykre ki. Krój inh nĩ, jãvo ãjag tóg tar nỹtĩ ve nĩ. Ãjag to ag tóg vĩ há han tĩ, jãvo ag tóg iso é he tĩ.

2 Corinto 4:11

Kurã kar ki sóg ter kren tĩ, Jesus tugrĩn. Hã ki Jesus rĩr nĩ tóg inh ki ve há tĩ, inh fár vag ke mũ ra.

Filipos 1:29

Cristo ki ge kỹ ãjag nỹtĩ. Kỹ ãjag tóg ti tugrĩn jagtar nỹtĩnh ke mũ gé. Hã jé tóg ãjag kuprẽg.

1 Pedro 2:23

Ag tỹ ti mỹ vĩ kónãn mũ ra tóg ag mỹ vĩ kónãn ja tũ nĩ. Ag tỹ ti vóg kónãn mũ ra tóg ag mỹ vĩ ja tũ nĩ gé. Topẽ hã mĩ tóg ẽkrén ja nĩgtĩ. “Ti hã ne ag jykre tugnỹm ke mũ', inh jykre ti ke gé,” he ja ti nĩ, Cristo ti.

1 Pedro 4:14

Hỹ, tá tóg ãjag mỹ sér tãvĩ tĩnh mũ, ag tỹ ũri ãjag mỹ vĩ kónãn mũ ra, ãjag tỹ Cristo ki ge kỹ nỹtĩ tugrĩn. Kỹ ãjag tóg ki kanhró nỹtĩnh ke mũ, Topẽ kuprĩg tỹ tỹ ãjag jagrẽ nĩ ti. Ti kuprĩg vỹ ãjag tỹ ũn mág han ke mũ, Topẽ tỹ tỹ ũn mág nĩ ẽn ri ke.

Nén Venh Ke 2:3

Iso tar ãjag tóg nỹtĩ. Isugrĩn ãjag tóg jagtar, ge ra ãjag tóg iso krónh ke ja tũ nĩ.