Mateus 4:3 - O Novo Testamento na língua Kaingáng

³ Kỹ Japo tóg, ti to kãtĩ mũ sir, ũ tỹ ẽg tỹ Topẽ vĩ mranh han sór tĩ ẽn ti. Kỹ tóg ti mỹ: “Topẽ kósin vỹ tỹ ã nĩ,” he mũ. “Hã kỹ pó tag tỹ ẽmĩ han, ã tỹ ko jé,” he tóg ti mỹ.

Mateus 4:3 Iomraidhean Croise

Mateus 14:33

Kỹ tóg ag mỹ há tĩ. Kỹ ag tóg Jesus ki ge há han kỹ ti mỹ: “Topẽ kósin vỹ tỹ ã nĩ, mỹr,” he mũ.

Mateus 16:16

Kỹ Simão Pedro tóg ti mỹ: “tỹ ã Cristo nĩ. Topẽ kósin vỹ tỹ ã nĩ. Ũn rĩr nĩ ẽn kósin vỹ tỹ ã nĩ,” he mũ.

Mateus 26:63

Hã ra Jesus tóg nén ũ tó tũ nĩ. Kỹ pã'i mág tóg ti mỹ: “Topẽ vỹ rĩr nĩ,” he mũ. “Ti rĩnve sóg ã ki jẽmẽg mũ. Ã mỹ tỹ Cristo nĩ', ã mỹ tỹ Topẽ kósin nĩ'? Ha ẽg mỹ tó,” he tóg, pã'i mág ti.

Mateus 3:17

Kỹ vẽnh vĩ tóg mẽ há tĩ, kanhkã tá, kỹ tóg: “inh kósin pir vẽgtĩ,” he mũ. “Inh fe pẽ vẽgtĩ,” he tóg.

Marcos 1:1

Sỹ Jesus Cristo kãme sér tónh ke vẽ, Topẽ kósin ti.

Marcos 3:11

Kỹ ũn jagrẽ kórég ag vỹ tá nỹtĩ gé. Ag tỹ Jesus ve kỹ ag tóg prẽnprẽr mũ sir. “!..Tỹ ã Topẽ kósin ne..!“ he ag tóg mũ.

Marcos 5:7

Prẽr tóg mũ, kỹ tóg: “!..Jesus'..!“ he mũ, “!..kynhmỹ Topẽ kósin'..! Ã isỹ hẽ ri kenh mũ,” he tóg. “!..Topẽ jiji tó kỹ sóg ã mỹ to vĩ mũ, ã tỹ inh vóg kónãn tũ nĩ jé..!” he tóg.

Lucas 1:35

Kỹ tóg fi mỹ: “Topẽ kuprĩg vỹ ã kri tĩnh ke mũ, ti kãnhvég ti,” he mũ, “kỹ tóg ti jykre tỹ ã kósin ti han ke mũ. Hã kỹ ag tóg ti to: Topẽ kósin vẽ, henh ke mũ.

Lucas 22:70

Kỹ ag kar tóg ti mỹ: “kỹ ã mỹ tỹ Topẽ kósin nĩ?“ he mũ. Kỹ tóg ag mỹ: “ki hã ãjag tóg tó mũ,” he mũ. “Inh hã vẽ,” he tóg ag mỹ.

Lucas 4:3

Ti kókĩr nĩn kỹ Japo vỹ ti mỹ: “tỹ ã tóg Topẽ kósin nĩ mỹr. Hã kỹ pó tag tỹ ẽmĩ han nĩ, ã tỹ ko jé,” he mũ.

Lucas 4:41

Vẽjagrẽ kórég pan kãn tóg mũ gé, ag to jũ kỹ. Ag panh ke to hã ag tóg prẽr tĩ, kỹ ag tóg: “Topẽ kósin vỹ tỹ ã nĩ,” he tĩ. Ti ki kanhró ag tóg nỹtĩ, ti tỹ tỹ Cristo nĩ ti. Hã ra tóg ag mỹ: “vĩ tũg ra,” he mũ.

Lucas 4:9

Kỹ tóg ti mré tĩg mãn mũ, Jerusalém ra. Tá ag tóg Topẽ ĩn to jãpry kỹ ti nĩno tá nỹtĩ nĩ. Kỹ tóg tá Jesus mỹ: “Topẽ kósin vỹ tỹ ã nĩ,” he mũ.“ Kỹ ki hũm nĩ.

João 1:34

Tag ve inh, hã kỹ sóg ãjag mỹ: ti hã vỹ tỹ Topẽ kósin nĩ, he mũ,” he tóg.

João 1:49

Kỹ tóg ti mỹ e tĩ. “Topẽ kósin vỹ tỹ ã nĩ, Rabi',” he tóg. “Ẽg povo tỹ Israel kri pã'i vỹ tỹ ã nĩ,” he tóg.

João 20:31

Sỹ vẽnh rá tag han vẽ, ũ tỹ vég mũ kar ẽn tỹ Jesus ki ge sór jé, ti to: “Cristo vỹ tỹ ti nĩ, Topẽ kósin vỹ tỹ ti nĩ,” he jé. Kỹ ag tóg ti ki ge kỹ rĩr krỹg ja tũ ẽn venh ke mũ, ti tugrĩn, fag mré hã, mỹr, ha mẽ.

João 9:35

Hã ra Jesus tóg mẽg mũ, ag tỹ ti kutẽm ja ti. Kỹ tóg ti venh tĩ mũ. Kỹ tóg ti mỹ: “ã mỹ ẽprã ke fi kósin ẽn ki rã sór tũ?“ he mũ.

Han Kãme 9:20

Kỹ tóg vẽsỹmér Jesus kãmén mũ, Judeu ag vẽnh kanhrãn jafã krẽm. “Tỹ tóg Topẽ kósin nĩ,” he tóg mũ vãhã, Jesus to.

2 Corinto 1:19

Ti kósin jykre hã han sóg tĩ, Jesus Cristo jykre ti. Inh hã ne ãjag mỹ ti kãmén ja nĩ', Silas mré, Timóteo mré ke gé. Ti pijé ti tỹ: “he,” he mũ ra han ke tũ nĩ'.

Galácia 2:20

Ẽg jykre si vỹ tũ' hé. Hã kỹ ẽg tóg ti tũ hã han tĩ, ẽg tỹ ver ga kri mũn kỹ. Topẽ kósin ki ge tugrĩn ẽg tóg sir rĩnrĩr nỹtĩ. Ti fe vỹ tỹ ẽg nỹtĩ, ẽg kar. Kỹ tóg ẽg jagfy vẽnh fẽg kỹ ter ja nĩ.

1 Tessalônica 3:5

Hã kỹ sóg Timóteo jẽnẽ, isỹ ãjag to krĩ kufy ja nĩn kỹ. “Ag mỹ Topẽ tovãnh tũ nĩ vỹ?“ he ja sóg nĩ. “Ẽg krĩn kónãn tĩ ẽn mỹ ag krĩn tũ nĩ vỹ? Ti tỹ ag krĩn kónãn kỹ sóg fagrĩnh mỹ ag mỹ tó ja nĩ mỹr',” he ja sóg nĩ.

Hebreu 12:16

Vẽnh ki rĩr há han nĩ gé, ãjag kã mĩ ũ tỹ Esaú jykre kórég ẽn ri ke han tũ nĩ jé, ũ tỹ Topẽ kato vãsãn tũ nĩ jé. Esaú vỹ Topẽ to é he ja nĩgtĩ, kỹ tóg vẽjẽn tugrĩn ti panh tỹ ti mỹ vĩ há han ke ẽn kren. Ti jãvy mỹ tóg tovãnh, ti panh tỹ ti mỹ vĩ há han ke ẽn ti. Ti tỹ ti panh tỹ ti mỹ vĩ há han ke ẽn to é hen hã vẽ.

Hebreu 4:14

Ti to tar nỹtĩm nĩ, ha mẽ. Ti ki ge kỹ ãjag nỹtĩ. Ẽg jagfy Topẽ tũ ki rĩr tĩ to pã'i mág vỹ nĩ nĩ, hã vỹ: Jesus, he mũ. Ẽn vỹ kanhkã tá jun huri.

Hebreu 7:3

Panh tũ ti nĩ, mỹnh tũ ke gé, jógjóg ve tũ ti nĩ gé. Ũ ki mur ja tũ ti nĩ, kỹ tóg ter ja tũ nĩ gé. Topẽ kósin ri ke ja ti nĩ. Topẽ tũ ki rĩr kỹ tóg nĩ nĩ, ti kurã vỹ krỹg ja tũ nĩ, Melquisedeque kurã ti.

1 João 3:8

Ũ tỹ Topẽ vĩ mranh mũ ẽn vỹ tỹ Japo mré ke nĩ. Japo hã ne ti vĩ mranh tĩgtĩ'. Topẽ tỹ nén ũ kar han mũ ẽn kã Japo ne ti vĩ mranh vén'. Kỹ tóg ũri mranh tĩ nĩ gé. Hã ra Topẽ kósin vỹ Japo tỹ nén han mũ kókén ja nĩ. Hã jé tóg mur ja nĩ.

Nén Venh Ke 2:10

Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.