Mateus 4:24 - O Novo Testamento na língua Kaingáng

²⁴ Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Mateus 4:24 Iomraidhean Croise

Mateus 12:22

Kejẽn ag tóg, Jesus to ũ pére kãmũ mũ, ũn kyvó. Vĩ vãnh tóg nĩ gé. Hã ra tóg jagrẽ kórég nĩ gé. Kỹ Jesus tóg ti tỹ há' he mũ sir. Kỹ tóg vĩ há' he mũ sir. Vãhã tóg ve há han mũ gé sir.

Mateus 14:1

Kỹ kejẽn pã'i mág tỹ Herodes vỹ mẽg mũ, Jesus kãme ti.

Mateus 15:22

Ti tỹ tá jun kỹ fóg ũ fi tóg ti venh kãtĩ mũ. Ga tỹ Canaã tá ke fi vẽ. Kỹ fi tóg Jesus tá jun kỹ prẽr mũ. “!..Senhor, Davi krẽ'krẽ..!“ he fi tóg. “!..Inh jagãgtãn ra..!“ he fi tóg. “!..Inh kósin fi vỹ jagrẽ kórég tãvĩ nĩ, inh mỹ tóg ã tỹ fi mỹ kutẽm há tĩ..!“ he fi tóg, prẽr kỹ.

Mateus 17:15

“Senhor,” he mũ. “Inh kósin jagãgtãn nĩ. Ter tĩ han tĩ tóg nĩgtĩ, to tóg jagtar tĩ. Kejẽn tóg pĩ ki kutẽ tĩ, ter tĩ ẽn han kỹ, kejẽn tóg goj ki kutẽ tĩ gé.

Mateus 17:18

Ag tỹ ti mré kãmũ kỹ Jesus tóg ti jagrẽ mỹ vĩ jũ han mũ sir, ti tỹ ti tovãnh jé. Kỹ tóg vẽsỹmér ti ki kãkutẽ mũ sir, kỹ tóg há' he mũ vãhã, kyrũ ti.

Mateus 4:23

Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.

Mateus 8:28

Kỹ Jesus tóg ti mré mũ tĩ ag mré fĩn rãm kỹ kafã ũ tá jun mũ sir, Gadara tá. Kỹ ũn régre ag tóg ti kato tẽgtẽ mũ, ũn jagrẽ kórég ag. Vẽnh kej tá ag tóg kãmũ mũ. Ag jamã vẽ, vẽnh kej ti. Jũgjũ mẽ ag tóg nỹtĩ, kỹ ũ ag tóg hẽn ra mũ vãnh nỹtĩ, ag kamẽg kỹ.

Mateus 8:33

Kỹ porko ki rĩr tĩ ag tóg, pétẽ kãn mũ sir, ẽmã ra, kamẽg kỹ. Tá ag tóg kãmén kãn mũ, Jesus tỹ ũ ag ki vẽjagrẽ kórég pan ja ẽn ti.

Mateus 8:6

Kỹ tóg ti mỹ: “Senhor,” he mũ. “Inh camarada tóg nỹ nĩ, inh ĩn tá. Kãnhgrĩn kãn kỹ tóg nỹ, hã ra tóg kaga jagy nỹ gé,” he tóg.

Mateus 9:26

Kỹ ti tỹ fi rĩn mãn tag kãme tóg vẽnh kar kri rũm mũ sir, ga kar mĩ hã.

Mateus 9:35

Kỹ Jesus tóg ẽmã kar mĩ tĩ mũ, ẽmã kãsir mĩ ke gé. Vẽnh kanhrãn jafã krẽm tóg ag kanhrãn tĩ. Ag mỹ tóg ũ tỹ kanhkã tá nĩ ẽn tỹ tỹ ẽg pã'i nĩ ẽn kãmén tĩ. Kỹ tóg ũn kagyga ag hynhan tĩ gé sir.

Marcos 1:28

Kỹ ti kãme tóg vẽnh kar kri rũm mũ, Galiléia tá ke kar kri.

Marcos 1:32

Kurã ẽn kã kuty tá ag tóg ũn kagyga ag tatĩ kãmũ mũ, ũn jagrẽ kórég ag mré hã.

Marcos 2:3

Hã ra ũ ag tóg ũn kãnhgrĩ vyn kỹ tá junjun mũ sir. Ũ tỹ 4 (ke) ag vẽ.

Marcos 2:4

Hã ra ag tóg vẽnh e ẽn tugrĩn ti pétẽm tũ nĩn kỹ ti kri ĩn nón mũ. Kỹ ag tóg nor ẽn ki ũn kaga ẽn térem mũ, kur kã kã ti fi kỹ.

Marcos 2:9

“Ne nỹ ãjag mỹ vẽnh mỹ nỹ? Ũn kãnhgrĩn kỹ nỹ tag mỹ sóg: ã tỹ Topẽ vĩ mranh ja ẽn vỹ tũ tĩ ha, hé. Kỹn mỹ ãjag mỹ vẽnh mỹ? Sỹ ti mỹ: nĩ ra, ã kur gég tĩg, henh ke nẽ ha. Kỹn mỹ ãjag mỹ vẽnh mỹ ke gé'?

Lucas 2:2

Ag tỹ vãhã vẽjykre tag han. Cirênio vỹ tỹ ga tỹ Síria kri pã'i tỹ governador nĩ, Augusto tỹ vẽnh vĩ jẽnẽg mũ ẽn kã.

Lucas 4:14

Kỹ tóg tĩ mũ sir, Topẽ kuprĩg tỹ ti krĩn kỹ. Ga tỹ Galiléia ra tóg tĩ mũ. Kỹ vẽnh kar tóg ti kãme mẽ kãn mũ sir, ga ẽn tá ke kar ag.

Lucas 4:38

Kỹ tóg vẽnh kanhrãn jafã ẽn ki kutẽ kỹ Simão Pedro ĩn ra tĩ mũ. Hã ra ti má fi vỹ kaga kỹ nỹ nĩ. Rỹg jagy han kỹ fi tóg nỹ nĩ. Kỹ ag tóg ti mỹ fi tó mũ.

Lucas 5:15

Kỹ ti kãme tóg vẽnh kar kri rũm ke mũ. Kỹ ũ tỹ hẽn ri ke ag tóg ti vĩ mẽnh kãmũ mũ, ti tỹ ag tỹ há' he jé gé.

Lucas 5:24

“Isỹ ãjag mỹ inh jykre ven sór vẽ. Tỹ sóg ẽprã ke fi kósin nĩ. Topẽ vĩ mranh tỹ vẽnh pãte fón ke tá sóg krỹg ke mũ. Hã ven jé sóg ke mũ ãjag mỹ,” he tóg. Hã kỹ tóg ũn kãnhgrĩ mỹ: “nĩ ra, ã kur gé tĩg, ã ĩn ra,” he mũ.

Lucas 7:17

Kỹ ti kãme tóg vẽnh kar kri rũm ke mũ sir, ga tỹ Judéia kar tá, ga kar ẽn mĩ hã ke gé, ti tỹ ũn ter mũ rĩn mãn ja ẽn ti.

João 10:21

Hã ra ũ ag tóg: “ ũ pijé ti jagrẽ kórég hã ra vẽnh vĩ há tó tĩ',” he mũ. “Ũn kyvó tỹ há' he ki kagtĩg tóg nĩ gé, ũn jagrẽ kórég ti,” he ag tóg mũ, ũ tỹ Jesus to há nỹtĩ ag.

Han Kãme 10:38

Kỹ Topẽ tóg Jesus mỹ ti kuprĩg jẽnẽ ja nĩ. Kỹ tóg ti mỹ vẽjykre nĩm ja nĩ. Ga kar mĩ tóg tĩg ja nĩgtĩ. Nén há kar han ja tóg nĩgtĩ. Japo tỹ ũn vóg kónãn mũ ag tỹ tóg há' he ja nĩgtĩ gé. Topẽ hã ne ti mré han ja nĩgtĩ hã ra'.

Han Kãme 15:23

Ag mỹ ag tóg vẽnh rán nĩm mũ gé. Ag tỹ rán hã vẽ, ha mẽ: “Jesus tỹ ũn vin mũ ag tỹ rán hã vẽ, kófa ag ke gé, Jesus mré ke ag. Ẽg tỹ ẽmã tỹ Antioquia tá ke ag mỹ rán hã vẽ, fóg tỹ Jesus mré ke ag mỹ, ga tỹ Síria tá ke ag mỹ, ga tỹ Cilícia tá ke ag mỹ ke gé. Ãjag mỹ há?

Han Kãme 15:41

Kỹ ag tóg ga tỹ Síria mĩ pa mũ, ga tỹ Cilícia mĩ ke gé. Jesus ki ge kỹ nỹtĩ kar jyvẽn tóg mũ, Paulo ti.

Han Kãme 28:9

Ti han kỹ vẽnh kagyga kar ag vỹ tá junjun mũ sir, goj vãso ẽn tá. Kỹ tóg ag tỹ há' he kãn mũ gé, Paulo ti.

Han Kãme 8:7

Vẽjagrẽ kórég tỹ hẽn ri ke pan tóg mũ. Ti tỹ ag pan kỹ ag tóg jamã há ra prẽr mũ, kỹ ag tóg kãpa mũ. Ũn kãnhgrĩ ag tỹ há' he tóg mũ, ũn vagvá ag tỹ ke gé.