Mateus 4:22 - O Novo Testamento na língua Kaingáng

²² Kỹ ag tóg vẽsỹmér, ag tỹ nén tovãnh kỹ ti to kãmũ mũ, canoa tovãnh kỹ, ag panh ti tovãnh kỹ ke gé. Jesus mré ag tóg mũ mũ.

Mateus 4:22 Iomraidhean Croise

Mateus 10:37

Iso há kãfór nỹtĩm nĩ, ãjag han mũ fag kri, ke tũ nĩ mũ ra ãjag tóg inh mỹ há tũ nỹtĩ. Iso há kãfór nỹtĩm nĩ, ãjag krẽ kri, ke tũ nĩ mũ ra ãjag tóg inh mỹ há tũ nỹtĩ.

Mateus 4:21

Kỹ ag tóg mũ mũ, goj fyr jagma. Ag mũ sĩ han mũ ra tóg, ũn régre ũ ag ve mãn mũ gé, hã vỹ: Tiago mré ti jãvy tỹ João he mũ. Zebedeu krẽ ag vẽ. Canoa kã ki ag nỹtĩ, kur tỹ pirã kugmĩ jafã ki ag tóg han nỹtĩ nĩ. Ag panh vỹ, ag mré nĩ nĩ. Kỹ Jesus tóg, ag mỹ: “inh mré kãmũjẽg,” he mũ.

Mateus 4:23

Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.

Marcos 1:20

Kỹ Jesus tóg vẽsỹmér ag jé prẽr mũ. Kỹ ag tóg ag panh ré kỹ mũ mũ. Ag mỹ rãnhrãj tĩ ag vỹ ag panh mré canoa kã ki nỹtĩ nĩ. Ag ré kỹ ag tóg Jesus mré mũ mũ sir.

Lucas 14:26

“ũ tỹ inh mré tĩg pẽ han sór mũ jé inh hã to há kãfór nĩ, ti han mũ fag kri, ti prũ fi kri, ti krẽ kri, ti kãke ag kri, ti jãvy ag kri, ti ve fag kri, vẽnh kri ke gé, mỹr, ha mẽ,” he mũ. “Ke tũ nĩ mũ ra tóg inh mré kãtĩg ke tũ nĩ, kỹ tóg tỹ inh mré ke nĩnh ke tũ nĩ gé.

Lucas 14:33

“Hã kỹ inh mré mũ pẽ han ke to jykrén nĩ. Iso há kãfór nỹtĩm nĩ, ãjag tũ kar kri. Ke tũ nĩ mũ ra ãjag pijé inh mré mũ pẽ han mũ',” he tóg.

Lucas 5:11

Kỹ ag tóg ag canoa tỹ nig fyr tá fi han kar kỹ, ag tũ tovãnh kãn kỹ Jesus mré mũ mũ sir.

2 Corinto 5:16

Vãsỹ ẽg tóg, ẽg tỹ vẽsóg ki nén ũ to jykrén kỹ ẽprã ke jykre to: “tag vỹ há nĩ, tag vỹ kórég nĩ,” he ja nĩgtĩ. Ũri ẽg tóg, vẽsóg ki tag to jykrén mãn ke tũ nĩ ha. Cristo to ẽg vẽsóg ki jykrén mãn ke tũ nĩ gé.