Mateus 4:21 - O Novo Testamento na língua Kaingáng

²¹ Kỹ ag tóg mũ mũ, goj fyr jagma. Ag mũ sĩ han mũ ra tóg, ũn régre ũ ag ve mãn mũ gé, hã vỹ: Tiago mré ti jãvy tỹ João he mũ. Zebedeu krẽ ag vẽ. Canoa kã ki ag nỹtĩ, kur tỹ pirã kugmĩ jafã ki ag tóg han nỹtĩ nĩ. Ag panh vỹ, ag mré nĩ nĩ. Kỹ Jesus tóg, ag mỹ: “inh mré kãmũjẽg,” he mũ.

Mateus 4:21 Iomraidhean Croise

Mateus 10:2

Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,

Mateus 17:1

Kar kurã tỹ 6 tũg kỹ Jesus tóg ag mỹ: “mũ nỹ, vyr mỹ,” he mũ. Pedro mỹ tóg ke mũ. Tiago mỹ ke gé, ti jãvy tỹ João mỹ ke gé. Ag hã mré tóg tĩ mũ, pãnónh ra.

Mateus 26:37

Kỹ tóg Pedro mré Zebedeu krẽ ag mỹ: “inh mré kãmũ jẽg,” he mũ. Fe kaj tóg nĩ sir. Mũmẽg tóg mũ gé.

Mateus 4:20

Kỹ ag tóg vẽsỹmér ti mré mũ mũ, ag tỹ nén tovãnh kỹ.

Mateus 4:22

Kỹ ag tóg vẽsỹmér, ag tỹ nén tovãnh kỹ ti to kãmũ mũ, canoa tovãnh kỹ, ag panh ti tovãnh kỹ ke gé. Jesus mré ag tóg mũ mũ.

Marcos 3:17

Tiago ke gé, ti jãvy tỹ João mré, Zebedeu krẽ tag ag. Jesus tỹ ag jiji ũ hã vỹ: Boanerges, he mũ, ẽg vĩ ki ke hã vỹ: ta tỹ tỹrỹr he ri ke ag, he mũ,

Marcos 5:37

Kỹ tóg ũn e ag mũ kamẽg kỹ ag mỹ: “Pedro hã vỹ tĩg mũ inh mré, Tiago ke gé, Tiago jãvy tỹ João ke gé,” he mũ.

João 21:2

Simão Pedro vỹ tá nĩ, Tomé ti ke gé, ag tỹ ũ to: “ũn vẽgni,” he mũ ẽn ti, kar kỹ Natanael ti ke gé, ẽmã tỹ Caná tá ke ẽn, ga tỹ Galiléia tá ke ẽn, kar kỹ Zebedeu krẽ ag vỹ tá nỹtĩ gé, Jesus mré mũ tĩ régre ũ ag ke gé.

Han Kãme 12:2

Kỹ tóg soldado jẽnẽg mũ, ti tỹ Tiago tén jé, João kãke ẽn. Kyfé téj tỹ tóg ti tén mũ, rógro téj tỹ.