Mateus 4:19 - O Novo Testamento na língua Kaingáng

¹⁹ Kỹ Jesus tóg ag mỹ: “inh mré kãmũjẽg,” he mũ. “Pirã kugmĩ há ãjag nỹtĩ. Ãjag kanhrãn jé sóg ke mũ, ãjag tỹ ẽprã ke ag tỹ inh ki ge han jé,” he tóg.

Mateus 4:19 Iomraidhean Croise

Mateus 16:24

Kỹ tóg ti mré mũ tĩ ag mỹ: “ãjag tỹ inh mré kãmũ kỹ tóg há tĩnh mũ,” he mãn mũ. “Kỹ ãjag jykre tovãnh nĩ, ãjag tỹ isũ hã han jé. Ha vé, ag tỹ inh krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Isỹ tag han ri ke han nĩ, ãjag tỹ inh mré mũ sór kỹ,” he tóg.

Mateus 19:21

Kỹ Jesus tóg: “ã tỹ vẽjykre há han sór kỹ ã tũ vãm kãn tĩg,” he mũ. “Kỹ ũn jagtar ag mỹ vin, jãnkamy ti, kỹ ã tóg kanhkã tá tũ mág nĩ sir. Kar kãtĩg nĩ, ã tỹ inh mré tĩg jé,” he tóg.

Mateus 4:18

Kỹ tóg kejẽn, goj nig mág tỹ Galiléia ẽn fyr jagma tĩ mũ. Kỹ tóg tá ũn régre ag vég mũ, hã vỹ: Simão Pedro mré ti jãvy tỹ André, he mũ. Kur tỹ pirã kugmĩ jafã tỹ ag tóg, goj kã ki fón mũ. Ag rãnhrãj hã vẽ.

Mateus 4:20

Kỹ ag tóg vẽsỹmér ti mré mũ mũ, ag tỹ nén tovãnh kỹ.

Mateus 8:22

Kỹ tóg ti mỹ: “vó,” he mũ. “Ti kénh tĩ tũg,” he tóg. “Inh mré kãtĩg. Inh ki ge tũ ag vỹ ã panh kej han mũnh mũ,” he tóg.

Mateus 9:9

Kỹ Jesus tóg ti jamã tá kã kutẽ kỹ tĩ mũ sir. Kỹ tóg Mateus vég mũ. Governo mỹ tóg jãnkamy mãg tĩ, imposto kaja ti, kỹ tóg ti rãnhrãj han nĩ nĩ. Kỹ tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.

Marcos 2:14

Ti tĩg mãn kỹ tóg Levi vég mũ, Alfeu kósin. Hã ra tóg ti rãnhrãj han nĩ nĩ. Governo mỹ tóg imposto kaja mãg tĩ. Kỹ Jesus tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.

Lucas 5:27

Kar kỹ tóg tĩg mãn mũ. Kỹ tóg ũ tỹ governo mỹ imposto kaja mãg tĩ vég mũ, ti jiji hã vỹ: Levi, he mũ. Ti rãnhrãj han tóg nĩ nĩ. Kỹ tóg ti mỹ: “inh mré kãtĩg,” he mũ.

Lucas 9:59

Kỹ Jesus tóg kejẽn ũ mỹ: “mũ nỹ, inh mré,” he mũ. Hã ra tóg ti mỹ: “inh hỹn ver tĩg mũ ha, sỹ inh panh ter kỹ ga ki ti fón jé ver,” he mũ.

João 1:43

Tỹ vaj kỹ tóg ga tỹ Galiléia ra tĩg sór mũ. Kỹ tóg Filipe mỹ: “inh mré kãtĩg,” he mũ.

João 12:26

Ãjag tỹ inh rãnhrãj han sór kỹ inh ri ke han nĩ, kỹ ãjag tóg tỹ inh mré ke nỹtĩnh mũ. Kỹ ãjag tóg inh mré kanhkã tá nỹtĩnh ke mũ gé. Kỹ inh panh vỹ ãjag tỹ ũn mág han ke mũ gé,” he tóg, Jesus ti.

João 21:22

Kỹ tóg: “sỹ ti mỹ nén tó mũ vỹ vyr mỹ nĩ, kỹ sỹ ã mỹ nén tó mũ vỹ vyr mỹ nĩ gé,” he mũ. “Sỹ ti mỹ: ter ke tũ ã tóg nĩ, isỹ vỹn ke ve jé ã tóg ke mũ, he sór ra sóg ti mỹ kenh ke mũ vẽ. Ã hã mỹ sóg ã tũ tó mũ, hã kỹ sóg ã mỹ: mũ jé ha, inh mré, he mũ,” he tóg.

2 Corinto 12:16

Isỹ ãjag mré nĩn kỹ sóg ãjag mỹ: inh ki rĩr, he ja tũ nĩ. Hã ra sóg nẽji ãjag vatánh tá ãjag krĩn tĩ. Ãjag mỹ sóg nẽji ón tĩ.