Mateus 4:13 - O Novo Testamento na língua Kaingáng

¹³ Ẽmã tỹ Nazaré tá kãkutẽ kỹ tóg, ẽmã tỹ Cafarnaum ra tĩ mũ, tá nĩ jé, goj nig mág ẽn tá, Zebulom ag jamã tá, Naftali ag jamã tá.

Mateus 4:13 Iomraidhean Croise

Mateus 11:23

“Sỹ ẽmã tỹ Cafarnaum tá ke ag mỹ tag tó sór vẽ gé, ha mẽ. Ũri tóg ãjag mỹ sér tĩ. Kanhkã ra ẽg mũnh mũ, he ãjag tóg tĩ, to jykrén kỹ. Hã ra ãjag tóg nũgme ki vár kãn ke mũ, ha vem nĩ. Ẽmã tỹ Sodoma tá ke ag vỹ, ag jykre pãno to kãgter. Ag tỹ sỹ nén han mũ ve ra ag vãsỹ to jykrén mũ vẽ, kỹ ag kãgter ke tũ nĩ vẽ. Kỹ ag ũri ẽg mré nỹtĩnh mũ vẽ.

Mateus 17:24

Kỹ ag tóg mũ mãn kỹ ẽmã tỹ Cafarnaum tá junjun mũ sir. Kỹ imposto kaja mãg tĩ ag tóg Pedro mỹ vĩ mũ, Topẽ ĩn jé imposto mãg tĩ ag. Imposto ẽn kaja hã vỹ: jãnkamy régre, he mũ. Pedro mỹ ag tóg: “ãjag Senhor mỹ kajãm tũ nĩgtĩ'?“ he mũ.

Mateus 4:14

Hã ra tag tóg rán kỹ nĩ gé. Vãsỹ Topẽ vĩ tó tĩ tỹ Isaías tóg:

Mateus 4:15

“Zebulom ag jamã tá ti nĩnh mũ, Naftali ag jamã tá, goj nig mág tá, goj tỹ Jordão mã tá. Fóg ag jamã tá ti nĩnh mũ, Israel tũ ag jamã tá, ũ tỹ Topẽ ki kagtĩg ag jamã tá, goj nig mág tỹ Galiléia fyr ki.

Mateus 9:1

Kỹ Jesus tóg, canoa ki rã kỹ goj nig mág kafã ũ ra tĩg mãn mũ sir, ti mré mũ tĩ ag mré. Kỹ tóg ti jamã tá jun mũ.

Marcos 1:21

Kỹ ag tóg ẽmã tỹ Cafarnaum tá junjun mũ sir. Vẽnhkán ke kurã ki tóg Judeu ag vẽnh kanhrãn jafã kã ra rã mũ, ag kanhrãn jé, Jesus ti.

Marcos 2:1

Kejẽn Jesus tóg kurã ũ kã ẽmã tỹ Cafarnaum tá jun mãn mũ, kỹ ag tóg mẽg mũ sir, ti tỹ tá nĩ ẽn ti.

Lucas 10:15

Kỹ tóg: “sỹ ẽmã tỹ Cafarnaum ki ke ag mỹ tag tó sór vẽ gé, ha mẽ,” he mũ. “Ũri tóg ver ãjag mỹ sér tĩ. “Kanhkã ve jé ẽg tóg ke mũ,” he ãjag tóg tĩ, ón kỹ. Hã ra ãjag tóg nũgme ki vár ke mũ,” he tóg.

Lucas 4:23

Kỹ Jesus tóg ag mỹ: “ãjag hỹn iso jykrén kónãn sór mũ,” he mũ. “Médico mỹ ẽg tóg: kur vẽsỹ há' hé,” he tũ nĩgtĩ. Ãjag hỹn inh mỹ: ẽmã tỹ Cafarnaum tá ã tóg ũn kagyga ag tỹ há' hé, kỹ kur tag ki ẽg tỹ há' he gé, ã tỹ vẽnh kar tỹ há' he sór nĩn kỹ, he sór mũ,” he tóg.

João 2:12

Kar kỹ tóg ẽmã tỹ Cafarnaum ra tĩ mũ, ti mỹnh fi mré, ti jãvy ag mré hã, ti mré mũ tĩ ag mré ke gé. Tá ag tóg nỹtĩg mág sĩ han.

João 4:46

Kỹ tóg ẽmã tỹ Caná ra tĩg mãn mũ. Tá tóg goj tỹ vinho han ja nĩgtĩ. Cafarnaum tá pã'i mág tóg nĩgtĩ. Ti kósin vỹ kaga nỹ nĩ.

João 6:17

Kejẽn tóg kuty pẽ nỹ, hã ra tóg ver ag to vỹn ke ja tũ nĩ. Kỹ ag tóg canoa kã mĩ goj fĩn rãm kỹ Cafarnaum ra mũ sór mũ.

João 6:24

Ag tỹ ti vég tũ nĩn kỹ ag tóg canoa tỹ tá junjun mũ ki ge kỹ mũ mũ sir, Cafarnaum ra, ti ve jé.

João 6:59

Cafarnaum tá tóg ag kanhrãn mũ, ag tỹ vẽnh kanhrãn jafã ẽn krẽm.