Mateus 4:10 - O Novo Testamento na língua Kaingáng

¹⁰ Kỹ tóg ti mỹ: “ha tĩg, Satanás,” he mũ. “Ẽg pã'i tỹ Topẽ hã krẽm ẽg tóg ẽg jakrĩ tỹ grĩnh ke tĩ, ti hã to ẽg tóg: “Topẽ vẽ,” he tĩ, hã kỹ tóg rán kỹ nĩ, Topẽ vĩ tỹ rán kỹ nĩ ki,” he tóg.

Mateus 4:10 Iomraidhean Croise

Mateus 16:23

Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.

Marcos 1:13

Kurã tỹ 40 (ke) han tóg mũ, ẽmã tũ ja tá nĩ ki. Kỹ vãhã Satanás vỹ ti tỹ ti jóg vĩ mranh han sór mũ, hã ra tóg ke tũ nĩ. Tá misu ag vỹ nẽn kã mĩ mũgtĩ gé, ẽmã tũ ja ẽn tá. Hã ra Topẽ tỹ jẽgnẽ jafã ag tóg tá ti ki rĩr mũ sir.

Lucas 10:18

Kỹ tóg: “vãsỹ inh Japo vé, ti tỹ kanhkã tá kãtére kỹ,” he mũ. “Ti fĩn rãm sóg, hã kỹ sóg ti fón. Tỹ tóg ta tỹ kómkóm ke ri ke nĩ ja nĩ.

Lucas 11:18

Ge ti nĩ, Nén-Kórég ag jykre ti. Nén-Kórég ag tỹ jagnẽ kato tẽn kỹ ag tóg, jagnẽ tỹ tũ' henh ke mũ gé. Hã kỹ tóg vẽnh mỹ nĩ, ãjag tỹ iso: “Satanás jykre tỹ tóg, Nén-Kórég ag pan tĩ,” he mũ ti,” he tóg.

Lucas 13:16

Kỹ tag fi vỹ se kỹ jẽ ẽn ri ke ja nĩ gé, ha mẽ. Satanás hã vỹ fi sé', prỹg tỹ 18 (ke) ki. Ẽg jógjóg ve tỹ Abraão krẽ'krẽ ũ fi vẽ. Ẽg mẽg kãfór fi tóg jẽ. Hã ra ã tóg jũ sór mũ, isỹ vẽnh kán ke kurã ki fi tỹ há' hen kỹ. Isỹ fi kavãn ri ke vẽ,” he tóg.

Lucas 22:3

Ẽn kã Judas Iscariotes he mũ ẽn vỹ Satanás tỹ ti jagrẽ vég mũ sir, Jesus tỹ ũn vin mũ ag kã ũ ẽn ti.

Lucas 22:31

Kỹ tóg Pedro mỹ: “Simão', Simão',” he mũ. “Satanás vỹ ãjag to vĩ, Topẽ mỹ. Ti tỹ ãjag jykre ve sór vẽ. Trigo tỹ ẽg tóg peneira ki kãkag tĩ, ẽg tỹ ti fár pan jé. Ẽn ri ke han jé tóg ke mũ, ãjag tỹ, Satanás ti.

Lucas 4:8

Kỹ tóg ti mỹ: “tag vỹ rán kỹ nĩ, ha mẽ: “ẽg pã'i tỹ Topẽ hã krẽm ẽg tóg ẽg jakrĩ tỹ grĩnh' ke tĩ, ti hã to ẽg tóg: Topẽ vẽ, he tĩ,” he tóg, Topẽ vĩ tỹ rán kỹ nĩ ki. Hã kỹ tóg sỹ mranh jãvãnh tĩ,” he tóg.

João 13:27

Kỹ Judas tóg ko mũ. Ti tỹ ko kar mũ ra vẽsỹmér Satanás tóg ti kã ra rã ja nĩ sir. Kỹ Jesus tóg ti mỹ: “ã tỹ nén han sór mũ ẽn han tĩg nĩ, to fũrũn nĩ,” he mũ.

Han Kãme 26:18

“Ag kanẽ nugnón sór inh mũ. Ag tỹ vẽjykre pãno han kỹ tóg ag kã ki kuty nĩ sir, hã ra sóg ag kã ki jẽngrẽ han sór mũ. Japo krẽm ag nỹtĩ. Hã ra sóg ag kygvãn sór mũ. Ag tỹ inh vĩ mranh tỹ sóg vẽnh pãte fón sór mũ, ag tỹ ũ tỹ inh ki ge kỹ nỹtĩ ag mré kanhkã tá junjun jé, he tóg inh mỹ, Jesus ti,” he tóg, Paulo ti.

Han Kãme 5:3

Kỹ Pedro tóg ti mỹ: “Satanás hã ne tóg ã krĩn ja nĩ', hã ra ã tóg ti mỹ: nejé, he ja tũ nĩ,“ he mũ. “Hã kỹ ã tóg Topẽ kuprĩg mỹ ón. Hã kỹ ã tóg ti kaja vẽnh kãpóv péju kỹ nĩm ja nĩ',” he tóg.

1 Corinto 5:5

ũn jykre kórég ẽn fẽg ke mũ, Satanás mỹ, ti tỹ ti fár kókén jé. Kỹ tóg hẽn ri ke mũn to jykrén mãn ke mũ. Kỹ ti kuprĩg vỹ kren ke mũ, ẽg Senhor tỹ Jesus kurã ẽn kã.

1 Corinto 7:5

Hã kỹ jagnẽ mỹ vẽnh nenh tũg nĩ. Hẽn ri ke mũn ãjag kejẽn jagnẽ mré to jykrén sór mũ, ãjag tỹ kuty pipir ki jagnẽ mré nỹ tũ nĩ jé, ãjag tỹ Topẽ mré vẽmén jé vãsãnsãn jé. Kỹ tag pãte jagnẽ mré nỹ mãn nĩ sir, Satanás tỹ ãjag krĩn kónãn tũ nĩ jé. Ãjag tỹ ũ mré nỹ sór kỹ tóg inh mỹ to ãjag tỹ Topẽ vĩ mranh ha mẽ tĩ, Satanás tỹ ãjag krĩn kỹ. Hã kỹ tóg ãjag tỹ kãnhmar jagnẽ mré nỹ mãn kỹ há tĩ.

2 Corinto 11:14

Satanás jykre hã vẽ. Vẽsỹ tóg Topẽ tỹ jẽnẽ jafã ri ke han tĩ, ón kỹ, Nén Kórég ti.

2 Corinto 12:7

Kỹ Topẽ tóg, ti tỹ inh mỹ kanhkã ven kar kỹ to jykrén gé, sỹ vẽsỹ ũn mág han sór tũ nĩ jé. Hã jé tóg inh ki nén ũ jagy han tĩ gé. Kỹ tóg sónh tỹ inh ki já ri ke nĩ. Satanás krẽm ke ũ vẽ, kỹ tóg isãnh tĩ, isỹ vẽsỹ ũn mág han tũ nĩ jé.

2 Corinto 2:11

Satanás tỹ ẽg tỹ hẽ ri ke tũ nĩ jé sóg vẽnh pãte fón mũ. Nén kórég tỹ ẽg kókén sór mũ ẽn ki kanhró ẽg tóg nỹtĩ.

Tiago 4:7

Hã kỹ Topẽ mỹ: “he,” hem nĩ, ti tỹ ãjag krĩn kỹ. Japo mỹ: “nejé,” hem nĩ, ti tỹ ãjag krĩn sór kỹ. Kỹ tóg ãjag tovãnh ke mũ sir, ãjag tỹ ti mỹ: “nejé,” hen kỹ.

1 Pedro 5:9

Hã kỹ ti kato vãsãnsãn nĩ. Jesus Cristo ki rã tovãnh tũg nĩ gé, ũ tỹ ãjag tỹ ti tovãnh han sór mũ ra. Ha vé, ẽg kanhkã kar ag vỹ jagtar tĩ, ãjag kóm, ga kri ke kar ag. Ag mĩ ẽkrén kỹ tar nỹtĩm nĩ.