Mateus 3:6 - O Novo Testamento na língua Kaingáng

⁶ Ti tỹ ag mỹ: “ãjag jykre pãno tovãnh nĩ,” hen kỹ ũ ag tóg: “Topẽ vĩ mranh ja sóg nĩgtĩ,” he mũ. Ẽn ag kygpég tóg mũ sir, goj tỹ Jordão ki.

Mateus 3:6 Iomraidhean Croise

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Marcos 1:5

Kỹ ga tỹ Judéia tá ke ag tóg ti to kãmũ kãn mũ sir, ẽmã tỹ Jerusalém tá ke ag ke gé. Kỹ tóg ag kygpég mũ sir, goj tỹ Jordão ki, ag tỹ: “Topẽ vĩ mranh ja sóg nĩgtĩ, tag han kỹ,” hen kỹ.

Lucas 1:16

Israel ag mỹ tóg Topẽ vĩ tónh mũ, kỹ ũ tỹ hẽn ri ke ag vỹ ti vĩ mẽ kỹ, kri fi kỹ, ag jykre pãno tovãnh ke mũ, Topẽ jykre kuryj hã han jé, fag ke gé.

Lucas 3:16

Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.

Han Kãme 1:5

“João vỹ goj tỹ ẽg kygpe ja nĩgtĩ,” he tóg. “Hã ra ãjag tóg kãnhmar Topẽ kuprĩg tỹ jagrẽ nỹtĩnh ke mũ. Sỹ ãjag kygpenh ken hã vẽ,” he tóg, Jesus ti.

Han Kãme 11:16

Kỹ sóg Jesus vĩ to jykrén mũ, ti tỹ ẽg mỹ: João tóg goj tỹ ag kygpe ja nĩgtĩ, hã ra Topẽ kuprĩg tóg ag kã ra rãnh mũ, tỹ vẽnh kype ri ke vẽ sir, he ẽn to.

Han Kãme 19:18

Kỹ Jesus ki ge kỹ nỹtĩ ag tóg ag jykre kórég tugtó mũ sir, jagnẽ mỹ.

Han Kãme 22:16

Kỹ ẽmẽ kã nĩ tũg nĩ. Jẽgnẽ ra, ã tỹ kype kỹ jẽ jé, Topẽ tỹ ã tỹ ti vĩ mranh tỹ tũ' he jé. Ti mré vĩ, ti jiji tó kỹ,” he tóg inh mỹ, Ananias ti,” he tóg, Paulo ti.

1 Corinto 10:2

Ẽg vẽnh kygpe ri ken hã vẽ. Ẽn kã Moisés vỹ ag jãmĩ tĩg ja nĩgtĩ, Jesus tỹ ẽg ki rĩr nĩ tag ri ke.

Colossos 2:12

Ti mré ter ri ke han kỹ ẽg tóg vẽnh kej kã kã nỹ ri ke han mũ gé. Vẽnh kype to ken hã vẽ, batismo to ken hã vẽ. Kỹ ẽg tóg ti mré rĩr mãn ri ke han mũ gé sir, ẽg tỹ goj kã tá kãkutẽ kỹ. Topẽ vỹ Cristo rĩn mãn, ti ter kỹ. Ẽg tỹ ti ki ge kỹ tóg ẽg rĩn mãn mũ gé sir.

Hebreu 6:2

ũ tỹ ti ki rã mũ ẽn kype, ti kri ẽg nĩgé fi, ti tỹ ẽg mré Jesus ki rã kỹ jẽn kỹ, ẽg tỹ ẽg ter kar kỹ rĩr mãn ke ẽn to jykrén ke, Topẽ tỹ ẽg jykre tugnỹm ke ẽn to. Kỹ tag kar vỹ gĩr tỹ ti pafa ja kron ẽn ri ke nĩ.

Hebreu 9:10

Kỹ ag tóg ag tỹ ti mỹ pũn há han jé, vẽjykre tỹ ge han tĩ gé, ha mẽ. Vẽjẽn to ag tóg jykrén tĩ, kỹ ag tóg vẽjẽn ũ to: “tag konh ke tũ ẽg nĩ, tag kron ke tũ ẽg nĩ,” he tĩ. Kỹ ag tóg goj tỹ vẽnh kype tỹ hẽn ri ke han tĩ gé. Tag ki vẽjykre kar vẽ, ẽprã. Kỹ Topẽ tỹ vẽjykre tãg han kỹ ẽn vỹ tóg tũ' he mũ sir.

Tiago 5:16

Hã jé jagnẽ mỹ tó, ãjag tỹ Topẽ vĩ mranh ja ti. “Ti vĩ mranh inh, tag han kỹ,” hem nĩ jagnẽ mỹ. Kỹ jagnẽ to Topẽ mré vĩm nĩ gé, ti tỹ ãjag tỹ há' he jé, ti tỹ ãjag kaga tỹ tũ' he jé. Ẽg tỹ vẽjykre kuryj han kỹ tóg ẽg vĩ mẽ kỹ han mũ sir, Topẽ ti, ẽg tỹ ti mỹ nén ũ to vĩ', to vĩ' hen kỹ.

1 Pedro 3:21

Goj tỹ ãjag tóg kygpe kỹ nỹtĩ, ãjag krenkren jé. Barco tỹ goj kri tĩg ri ken hã vẽ, hã vỹ: batismo, he mũ. Ãjag mro pijé'. Topẽ tỹ ẽg fe kavéj tỹ jãnhkri' he to ken hã vẽ. Ẽg tỹ Topẽ mỹ vẽnh fẽg to ken hã vẽ. Topẽ vỹ Jesus Cristo rĩn mãn ja nĩ, hã kỹ tóg ẽg krenkren han ke mũ gé.

1 João 1:9

Ẽg tỹ Topẽ vĩ mranh kỹ ẽg tóg ti mỹ tónh ke mũ. “Ã vĩ mranh inh, tag han kỹ,” he jé ẽg tóg ke mũ. Kỹ tóg ẽg mỹ vẽnh pãte fón ke mũ sir. Tag tó ja ti nĩ, kỹ tóg han ke mũ. Kuryj ti nĩ mỹr. Kỹ tóg ẽg kykũnh ke mũ sir, ẽg jykre pãno tỹ tũ' he jé.