Mateus 3:12 - O Novo Testamento na língua Kaingáng

¹² “Ti kãtĩg vỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ. Ti kanẽ hã vin han ẽg tóg tĩ. Cristo kãtĩg kỹ tóg ge nĩnh mũ. Ti to há nỹtĩ ag mỹ tóg: “ha kãmũ jẽg,” henh ke mũ. Kỹ tóg ti to há tũ ag vãm ke mũ, pĩ ki, hã ra tóg nhyn kenh ke tũ pẽ nĩ,” he tóg, João ti.

Mateus 3:12 Iomraidhean Croise

Mateus 13:30

Vãnh hỹn tóg inh jakré mré mog mũ gé. Kỹ sóg ẽg tỹ krenh ken kỹ ũ tỹ krég mũ ag mỹ: “vãnh kre vén nĩ,” henh ke mũ. “Kỹ tugfĩn nĩ, ẽg tỹ pũn jé. Kar kỹ ãjag tóg inh jakré krenh ke mũ, sỹ pãjó krẽm vin han jé,” he tóg, ag patrão ti,” he tóg, Jesus ti. Ti tỹ ũ tỹ ón kỹ Topẽ ki ge kỹ nỹtĩ ẽn ag tón hã vẽ.

Mateus 13:41

Ẽprã ke fi kósin ẽn, inh hã vỹ, isỹ jẽgnẽ jafã ẽn ag jẽgnẽnh ke mũ sir, kỹ ag tóg, ũ tỹ vẽjykre pãno han mũ kar ag génh kãn ke mũ, ũ tỹ ũ ag mỹ: “ha jatun mỹ Topẽ vĩ mranh,” he mũ kar ag ke gé.

Mateus 13:42

Ag génh kỹ ag tóg, pĩ gru mág ẽn ki ag vãm ke mũ sir. Tá ag tóg vẽsỹrénh tãvĩ han ke mũ. Ag jã tỹ ag tóg gyngyn kenh ke mũ, jũ kỹ, vẽsỹrénh kỹ ke gé.

Mateus 13:43

Ag jãvo ũn jykre kuryj ag vỹ, hapẽ nỹtĩnh mũ, sĩnvĩ, kókov, rã gru ri ke, ag tỹ ag jóg tá nỹtĩn kỹ sir, ag tỹ ũ tỹ kanhkã tá nĩ ẽn tỹ tỹ ẽg pã'i nĩ ven kỹ. Ha mẽ há han,” he tóg, Jesus ti.

Lucas 3:16

Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.

Lucas 3:17

“Ti kãtĩg vỹ tỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ, kar kỹ ẽg tóg pãjó krẽm ti kanẽ vin han tĩ. Cristo kãtĩg kỹ tóg ri ke nĩ. Ũ tỹ ti to há ag mỹ tóg: “ha kãmũ jẽg,” henh ke mũ. Ũ tỹ ti to kórég ag vãm jé tóg ke mũ, pĩ ki, hã ra tóg nhyn kenh ke tũ pẽ nĩ,” he tóg.

João 15:2

Kỹ ãjag uva tóg pẽ ri ke nỹtĩ. Ũ tỹ inh vĩ han sór tũ ẽn ag hã vỹ tỹ uva pẽ kanẽn vãnh ẽn ri ke nỹtĩ. Ẽn kym kỹ tóg fón tĩ, inh panh ti. Kỹ tóg ũn kanẽn há han mũ ẽn ki rĩr há han tĩ, ẽn féj rógrãm tóg tĩ, ti tỹ kanẽ e han jé.