Mateus 28:5 - O Novo Testamento na língua Kaingáng

⁵ Kỹ Topẽ tỹ jẽnẽ jafã tóg, ũn tỹtá fag mỹ: “kamẽg tũg nĩ,” he mũ. “Jesus kanẽg ãjag tóg mũ, ag tỹ krunh to ũn sãg mũ ẽn ti.

Mateus 28:5 Iomraidhean Croise

Mateus 14:27

Hã ra Jesus tóg ag mỹ: “inh kamẽg tũg nĩ, inh hã vẽ, jũrũn ke tũg nĩ,” he mũ.

Mateus 28:10

Kỹ Jesus tóg fag mỹ: “kamẽg tũg nĩ,” he mũ. “Ha mũjẽg, inh régre ag mỹ tó jé, ag tỹ ga tỹ Galiléia ra mũ jé. Tá ag tóg inh venh ke mũ,” he tóg.

Mateus 28:4

Kỹ porisa ag tóg jũrũn ke mũ, kamẽg kỹ ag tóg kãgter ve nĩ.

Marcos 16:6

Kỹ kyrũ ẽn tóg fag mỹ: “vẽnh mỹ' he tũg,” he mũ. “Ãjag hỹn Jesus jãvãnh mũ, Nazaré tá ke ti, ag tỹ krunh to ũn sãg mũ ẽn ti. Rĩr ti jẽ nĩ, tag ki ti tũ nĩ ha. Ag tỹ ti fi jan hã vẽ ha,” he tóg.

Lucas 1:30

Kỹ Topẽ tỹ jẽnẽ jafã tóg fi mỹ: “inh kamẽg tũg ra,” he mũ. “Topẽ vỹ ã jagãgtãn mỹr,” he tóg.

Lucas 24:5

Kỹ fag tóg kanẽ junjur mũ sir. Ẽprã fag tóg ẽvãnh mũ. Hã ra ag tóg fag mỹ: “ãjag ne tóg vẽser jãvãnh mũ', ti rĩr ja ra',” he mũ.

Han Kãme 2:24

Hã ra Topẽ tóg ti rĩn mãn ja nĩ, hã kỹ tóg vẽser jagtar ẽn tỹ tũ' he ja nĩ, ti mỹ. Hã kỹ tóg vẽser jamã tá nĩg mág ja tũ nĩ, Jesus ti,” he tóg.

Hebreu 1:14

Ti tỹ jẽgnẽ jafã ag vỹ vẽnh kuprĩg ri ke nỹtĩ. Topẽ vỹ ag jẽgnẽg tĩ, ag tỹ ti tũ ag jy nĩgãn jé, ũn krenkren ke mũ ẽn ag jy.