Mateus 28:2 - O Novo Testamento na língua Kaingáng

² Hã ra ga tóg, ragra ke tar han mũ sir. Kỹ Topẽ tỹ jẽnẽ jafã tóg, kanhkã tá kãtére mũ. Kỹ tóg pó tỹ ti kej jãnkã nĩfé ẽn tĩn mũ, kỹ tóg kri nĩ mũ sir, pó ẽn kri.

Mateus 28:2 Iomraidhean Croise

Mateus 27:60

Kỹ tóg, vẽnh kej kã kã ti fig mũ sir. Pó kã ki tóg han ja nĩgtĩ, kỹ tóg tãg nĩ, vẽnh kej ti. José tũ vẽ. Ẽn kã kã tóg ti fig mũ sir, kỹ tóg, pó tãpér tĩn kỹ tỹ vẽnh kej jãnkã nĩfénh mũ sir. Kar kỹ tóg tĩ mũ.

Mateus 27:66

Kỹ ag tóg, mũ kỹ ti kej to ag vin mũ, ag tỹ ki rĩr jé sir. Ti kej nĩfe ẽn jy ag tóg tógfĩn mũ gé, vãfe tỹ, pãró to. Ẽn ki ag tóg nỹtĩ nĩ, porisa ag, ũ tỹ ti kej nĩfe kunũg tũ nĩ jé.

João 20:1

Tỹ vaj ũn kỹ, semana ki kurã ve ki Maria Madalena fi tóg Jesus kej venh tĩ mũ. Kusã pẽ ki fi tóg ti kej ra tĩ mũ, kurã sĩn hã mỹ. Tá jun kỹ fi tóg pó tỹ ti kej nĩfe kunũnh kỹ nĩ ẽn vég mũ.

Han Kãme 16:26

Kỹ vãhã ga tóg jũrũn ke mũ. Vẽse ja krẽm tóg jũrũn ke mũ. Kỹ vẽsỹmér jãnkã kar vỹ nognor kr kãn mũ. (Rómróm kãn tóg mũ.) Kỹ vẽsigse ag kar se ja tỹ ferro ẽn tóg kygvar' he kãn mũ.

Han Kãme 5:19

Hã ra kuty tá Topẽ tỹ jẽnẽ jafã tóg tére kỹ vẽse ja jãnkã nugnón mũ. Ag gé tóg tĩ mũ, ag kygvãn kỹ, kỹ tóg ag mỹ:

1 Timóteo 3:16

Ha vé, Topẽ tỹ ũri ẽg mỹ nén tó mũ tag vỹ tỹ nén ũ há tãvĩ nĩ. Vãsỹ ag tóg mẽ ja tũ nĩ. Ti jykren hã vẽ, ha mẽ: Jesus Cristo vỹ ẽg ri ke mur, ga kri, kỹ Topẽ tóg ti tỹ ũn mág han, tá, ti tỹ jykre kuryj nĩn kỹ. Kỹ tóg ti tỹ jẽgnẽ jafã ag mỹ ti ven. Kỹ ti mré mũ tĩ ag vỹ povo kar mỹ ti tó. Hã kỹ ga kri mũ ag vỹ ti ki ge mũ, Ẽg tỹ Jesus kãmén hã vẽ.

1 Pedro 1:12

Hã ra Topẽ tóg ag mỹ: “inh pijé ãjag hã mỹ tag ven ke mũ',” he ja nĩ. “Ãjag nón ke ag hã mỹ ke vẽ,” he ja tóg nĩ, vãsỹ ti vĩ tó tĩ ag mỹ. Ti tỹ ag mỹ ãjag tó jan hã vẽ. Hã kỹ ãjag tóg hur mẽ, ti mré ke ũ ag tỹ ãjag mỹ Jesus kãme sér kãmén kỹ. Topẽ kuprĩg vỹ ag tar han ja nĩ, hã kỹ ag tóg ãjag mỹ ti kãmén kãmũ ja nĩ. Ha vé, Topẽ tỹ jẽnẽ jafã ag tỹ ki kanhrãn há tóg tĩ, ãjag tỹ ti kãme mẽg mũ tag ti, hã ra ag tóg ver ki kagtĩg nỹtĩ.

Nén Venh Ke 11:19

Kỹ ũ tóg Topẽ ĩn nón mũ, ĩn tỹ kanhkã tá jẽ ẽn. Kỹ Topẽ caixa ẽn tóg ve há' he kỹ nỹ nĩ, Topẽ tỹ ti tũ ag mré jykrén kỹ ag mỹ caixa fig mũ ẽn ri ke. Kỹ ta tóg kómkóm ke kỹ tỹrỹr he mũ. Ga vỹ ragra ke jagy han mũ sir. Kỹ nãfy vỹ vár mũ gé sir, nãfy mág.