Mateus 27:41 - O Novo Testamento na língua Kaingáng

⁴¹ Kỹ Topẽ tũ to pã'i ag tóg ti nyg mũ gé, Topẽ vĩ to ẽg kanhrãn tĩ ag mré hã, kófa ag ke gé. Kỹ ag tóg jagnẽ mỹ:

Mateus 27:41 Iomraidhean Croise

Mateus 27:40

“Ã mỹ Topẽ ĩn kókén kar kỹ kurã tãgtũ ki ũ han mãn sór mũ'?“ he ag tóg mũ. “Vẽnh kren han ra kema', krunh to kãtére, ã tỹ tỹ Topẽ kósin nĩn kỹ,” he ag tóg ti mỹ.

Mateus 27:42

“ũ ag krenkren han tóg, hã ra tóg vẽnh hã kren han ki kagtĩg nĩ,” he mũ. “Ẽg pã'i mág jé krunh to kãtére kema', ẽg tỹ ve jé, ẽg tỹ ti ki ge jé,” he ag tóg.

Lucas 18:32

“Fóg ag mỹ ag tóg inh fẽg ke mũ, Jerusalém tá, ha vem nĩ, ag tỹ iso é he jé, ag tỹ inh vóg kónãn jé, ag tỹ iso sug jé gé,

Lucas 22:52

Pã'i tỹ hẽn ri ke ag vỹ tá junjun ja nĩ, Topẽ tũ to pã'i ag, kófa ag ke gé. Ag kar tỹ ti senh kãmũ ja vẽ. Kỹ Jesus tóg ag mỹ: “ãjag ne tóg rógro génh kỹ iso kãmũ mũ', ka kyv génh kỹ ke gé',” he mũ. “Inh pijé tỹ bandido nĩ',” he tóg.

Lucas 23:35

Kỹ vẽnh e ag vỹ tá vég nỹtĩ. Hã ra pã'i ag tóg ti nyg mũ. Kỹ ag tóg jagnẽ mỹ: “ũ ag krenkren han ja tóg nĩgtĩ,” he mũ. “Cristo jé vẽnh kren han, Topẽ tỹ ti fẽg ja nĩn kỹ, ti tỹ ti kuprẽg ja nĩn kỹ. Hã ra tóg vẽnh kren han ki kagtĩg nĩ,” he ag tóg mũ, ti to é he kỹ.