Mateus 27:4 - O Novo Testamento na língua Kaingáng

⁴ Kỹ tóg ag mỹ: “ti kórég han inh,” he mũ. “Ti pijé, nén ũ kórég han ja nĩgtĩ', hã kỹ tóg vẽnh mỹ nĩ, ti tỹ inh vĩ to ter kỹ,” he tóg.

Mateus 27:4 Iomraidhean Croise

Mateus 27:19

Ti tỹ vẽnh jyvẽn jafã tá nĩ ra ti prũ fi tóg, ti mỹ vẽnh vĩ jẽnẽg mũ, kỹ fi tóg ti mỹ: “vẽjykre kuryj han ti tĩ,” he mũ, Jesus to. “Hã kỹ ti vóg sór tũg nĩ. Kuty tag kã sóg ti to vẽnh péti kónãn. Ẽg tỹ ti tugrĩn jagtar ke ve inh, inh vẽnh péti ki,” he fi tóg.

Mateus 27:54

Hã ra capitão tóg, porisa ag mré Jesus ki rĩr jẽ nĩ. Ga tỹ ragra ke ẽn vég ag tóg mũ, nén kar ti, Jesus ter ẽn kã. Kỹ tóg ag mỹ e tĩ. Kỹ ag tóg: “Topẽ kósin ja vẽ mỹr,” he mũ.

Lucas 23:22

Kỹ tóg ag mỹ vĩ tãgtũ han mũ gé. “Ti kórég tỹ ne han ti? Sỹ vég tũ tóg tĩ. Ti tỹ ne to ter ke nẽ? Sỹ ki kagtĩg tóg tĩ. Hã kỹ sóg ti mrãnmrãn kar kỹ ti tovãnh ke mũ,” he tóg.

Lucas 23:41

Ẽg tỹ ẽg tỹ nén han ja kajãm vẽ jãvo. Ẽg jykre pãno to ẽg vẽsỹrénh nỹtĩ nĩ. Ẽg jãvo tóg jykre kuryj nĩ. Ti pijé nén ũ kórég han ja nĩ',” he tóg.

Lucas 23:47

Hã ra fóg tỹ capitão tóg ti ter vég mũ. Kỹ tóg Topẽ mỹ vĩ há han mũ. “Vẽnh vĩ ja vẽ, ũn há ja vẽ,” he tóg mũ.

João 19:7

Kỹ ag tóg: “hã ra tóg: “tỹ inh Topẽ kósin nĩ,” he tĩ, ẽg mỹ,” he mũ. “Ẽg tỹ ũ tỹ ge tén ke vẽ. Hã tó ja ti nĩ, ẽg mỹ, Topẽ ti, hã kỹ tóg rán kỹ nĩ,” he ag tóg mũ sir.

Han Kãme 13:28

Nén ũ kórég han ja tũ ti nĩ, kỹ ti ter ke tũ vẽ vẽ, hã ra ag tóg Pilatos mỹ: “ẽg tỹ ti tén há tóg tĩ vẽ,” he ja nĩgtĩ.

Roma 3:19

Hã ra ẽg kar vỹ tag ki kanhró nỹtĩ, ha mẽ. Ẽg hã mỹ ti rán kỹ nĩ, Topẽ vĩ ti, ẽg tỹ ki króm jé. Hã ra ẽg tóg mranh kãn. Kỹ Topẽ tỹ ẽg mỹ: “ti kórég han ã,” he mũ ra, ẽg tỹ ti mỹ ne tónh ke tóg tũ tĩ. Hã jé tóg ẽg mỹ ti vĩ jẽnẽ ja nĩgtĩ, ẽg tỹ to ẽg kórég nĩ tag ki kanhrãn jé.

1 Timóteo 4:2

Ũ tỹ tỹ Japo mré ke nĩ hã vỹ ónón tĩ. Hã kỹ ag tóg ũn tỹ ge vĩ jẽmẽ kỹ Jesus tovãnh ke mũ, fag ke gé. Jykre régre han ag tóg tĩ. Ag jykre há tỹ tũ' he ja ag nĩgtĩ, kỹ ag tóg ki kagtĩg nỹtĩ ha. “Vẽnh vĩ há vẽ,” he ag tóg tĩ ha, vẽnh ó to.

Tito 1:16

“Topẽ ki kanhró ẽg tóg nỹtĩ,” he ag tóg tĩ, ón kỹ. Hã ra ag tóg ti jykre han tũ nĩgtĩ. Ag tỹ ti jykre han vãnh ki ẽg tóg vég tĩ, ag ón mũ ti. Ũ tỹ ge to ti kórég nĩ, Topẽ ti.

Hebreu 7:26

Ẽg to ti há nĩ, ti tỹ ẽg jagfy Topẽ tũ ki rĩr nĩn kỹ. Topẽ kósin vỹ tỹ ti nĩ. Kygnẽ ja tũ pẽ ti nĩ. Nén ũ kórég venh ke tũ ẽg nĩ, ti ki. Topẽ vĩ mranh tĩ ag mré ke tũ vẽ. Kỹ tóg tỹ, kanhkã tãn kar ag kri ke nĩ gé sir, ũri.

1 Pedro 1:19

Hã ra tóg ti kyvénh hã to ẽg kygjãm. Kỹ tóg tũ' he jãvãnh nĩ. Nén ũ kaja kãfór kar ti nĩ, ti kyvénh ti. Ũn há tãvĩ vỹ tỹ ti nĩ, ũ tỹ ti kyvénh tỹ ẽg kygjãm mũ ẽn ti, hã vỹ: Cristo, he mũ. Kygnẽ ja tũ pe ti nĩ.

1 João 3:12

Ẽg pijé Caim jykre han ke mũ'. Satanás mré ke ja vẽ, Caim ti, hã kỹ tóg ti jãvy tén. Ne nỹ hỹn ti jũ han, kỹ tóg ti tãnh? Jykre kórég ja ti nĩ. Jãvo ti jãvy vỹ jykre há ja nĩ. Hã kỹ tóg ti tãnh, ti jykre há ẽn to. Hã kỹ jagnẽ jykre vég mũ ra jagnẽ to jũ tũg nĩ.

Nén Venh Ke 11:10

Ẽprã ke kar ag mỹ tóg sér tĩ, ag kãgter ti. Fénhta mág han ag tóg mũ. Jagnẽ mỹ ag tóg presente jẽgnẽg mũ. Topẽ vĩ tó tĩ tag ag vỹ ẽprã ke ag vóg kónãn jagy han ja nĩgtĩ, hã kỹ tóg ag kãgter kỹ vẽnh kar mỹ sér gy tĩ sir.