Mateus 27:2 - O Novo Testamento na língua Kaingáng

² Kỹ ag tóg ti mrĩnh mũ sir. Ti pére mũ kỹ ag tóg pã'i mág tỹ governador mỹ ti fẽg mũ sir, Pilatos mỹ.

Mateus 27:2 Iomraidhean Croise

Mateus 20:19

Kỹ ag tóg fóg ag mỹ inh fẽg ke mũ sir, ẽn ag tỹ iso é he jé, ag tỹ inh mrãnmrãn jé, ag tỹ ka to isa jé. Kurã tãgtũ ki sóg hã ra rĩr mãn ke mũ,” he tóg, Jesus ti.

Mateus 28:14

“Hẽn ri ke mũn pã'i tỹ governador tóg mẽnh mũ, ãjag nũgnũr ja ti. Kỹ ẽg tóg, ti mré vẽmén ke mũ, ti tỹ ãjag vóg kónãn tũ nĩ jé,” he ag tóg, porisa ag mỹ.

Lucas 13:1

Kejẽn fóg tỹ pã'i tỹ Pilatos tóg, ga tỹ Galiléia tá ke ũ ag kãgtén ja nĩ, ag tỹ Topẽ mỹ ag mẽg tãnh kỹ pũn mũ ẽn kã. Kỹ ag kyvénh tóg, ag mẽg kyvénh mré kutẽ ja nĩ. Kỹ ũ ag tóg, Jesus mỹ kãmén mũ, ag tỹ Pilatos tỹ ũn kãgtén mũ ag to: “ag hỹn Topẽ vĩ mranh mág,” hen kỹ.

Lucas 20:20

Kỹ ag tóg hã ra ti tỹ rĩr mũ. Ti to ag tóg vãjig mũ, ag tỹ ti vĩ to fóg tỹ pã'i mỹ: “ha ti vóg kónãn,” he jé. Hã jé ag tóg ũn jykre kuryj nỹtĩ ve ag jẽgnẽg mũ, ag tỹ Jesus ki jẽmẽ jé.

Lucas 23:1

Hã ra tá ke kar ag vỹ Jesus pére mũ mũ, fóg tỹ pã'i tỹ Pilatos mỹ.

Lucas 23:12

Kurã ẽn kã Pilatos vỹ Herodes mỹ vĩ há han mũ. Jagnẽ to há' he mãn ag tóg mũ. Ag tỹ Jesus venh ke jo ag tóg jagnẽ kato tẽ ja nĩgtĩ.

Lucas 3:1

Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.

João 18:12

Kỹ soldado ag mré, porisa ag tóg, ag pã'i mré, Jesus mrĩnh mũ sir, vãfe tỹ.

João 18:24

Tag pãte Anás tóg Jesus jẽnẽg mũ sir, Caifás mỹ, Topẽ tũ to pã'i ag pã'i mág ẽn mỹ. Ti mrĩnh kỹ jẽ kỹ tóg ti jẽnẽg mũ.

João 18:28

Kusã pẽ ki ag tóg, Caifás ĩn tá Jesus pére kã mũ kỹ, pã'i tỹ governador ĩn ra ti pére mũ mũ, ti vẽmén jafã ra, palácio ẽn ra. Hã ra ag tóg kã ra ge sór tũ nĩ. Ag tỹ fénhta tỹ Páscoa han ke vỹ kakó tĩ ha, hã ra ũ tỹ pã'i tỹ governador ĩn kã ra ge mũ vỹ fénhta tỹ Páscoa ẽn ko tũ nĩgtĩ. Ag jykre vẽ. Hã ra ag tóg ko sór mũ, hã kỹ ag tóg kã ra ge sór tũ nĩ sir.

Han Kãme 12:6

Tỹ vaj kỹ Herodes vỹ ag mỹ ti ven sór mũ. Kuty ẽn kã Pedro tóg soldado régre ag kuju ki nũr mũ. Ferro régre tỹ tóg se kỹ nỹ, ag mré. Soldado ũ ag tóg vẽse ja jãnkã ki rĩr mũ.

Han Kãme 21:33

Hã ra pã'i mág tóg: ti kãgmĩ ra! Ti se ra!“ he mũ. “Ũ nẽ? Ti tỹ ne han nẽ?“ he tóg.

Han Kãme 22:25

Kỹ ag tóg ti ség mũ, nén fár tỹ, ag tỹ ti mrãnmrãn jé. Hã ra Paulo tóg capitão ẽn mỹ: “mỹ ã mỹ há', ag tỹ inh mrãnmrãn ke ti? Tỹ sóg Romano nĩ, hã ra ag tóg inh mrãnmrãn sór mũ, ũ tỹ inh ki jẽmẽg tũ ra,” he mũ.

Han Kãme 22:29

Kỹ ag tóg ti tovãnh mũ sir, ũ tỹ ti mrãnmrãn ke mũ ẽn ag. Hã ra tóg pã'i mág mỹ e tĩ. Ti tỹ ũn tỹ tỹ Romano nĩ senh ke tũ vẽ vẽ, hã kỹ tóg ti mỹ e tĩ.

Han Kãme 24:27

Hã ki prỹg régre tóg tũg mũ sir. Kỹ Félix jẽgja kã ũ tóg jẽ mũ sir, hã vỹ: Pórcio Festo, he mũ. Kỹ Félix tóg Judeu ag to vĩ há han sór mũ, ag tỹ ti to jykrén há han jé, ti nón. Hã kỹ tóg Paulo kavãg tũ nĩ. Se kỹ tóg jẽ nĩ.

Han Kãme 28:20

“Hã kỹ sóg ãjag jé prẽr mũ, sỹ ãjag ki jẽmẽ jé. Ẽg povo tỹ Judeu kar vỹ Cristo ve sór mũ. Sỹ Cristo kãmén hã to sóg se kỹ jẽ nĩ,” he tóg, Paulo ti.

Han Kãme 3:13

“Ẽg jógjóg ve ag vỹ Topẽ to há ja nỹtĩgtĩ, Abraão ti, Isaque ti, Jacó ti ke gé. Topẽ ẽn vẽ mỹr, ũ tỹ ti tỹ há' he mũ ti. Topẽ ẽn vỹ ti kósin tỹ ũn mág han. Ti hã vỹ tỹ Jesus nĩ. Hã ra ãjag tóg fóg tỹ pã'i tỹ Pilatos mỹ ti fẽg ja nĩgtĩ, kỹ tóg: ti kavãn jé sóg ke mũ, he mũ vẽ.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.

Han Kãme 9:2

Kỹ tóg ti mỹ vẽnh rá to vĩ mũ, ti tỹ ẽmã tỹ Damasco ra tĩg jé. Tá tóg vẽnh rá ẽn tỹ pã'i ag mỹ ven sór mũ, ag tỹ ti mỹ: “ha ag venh tĩg,” he jé. Ti tỹ Jesus mré ke ũ ve kỹ se sór vẽ. Jerusalém ra tóg ag tatĩ tĩg sór mũ, ti tỹ ũn sigség mũ ag, fag ke gé.

1 Timóteo 6:13

Sỹ ã jyvẽn sór vẽ, kỹ Topẽ vỹ mẽnh mũ. Ti hã ne nén kar rĩnrĩr han tĩ'. Kỹ Jesus Cristo vỹ inh vĩ mẽnh mũ gé. Ti hã ne vẽnh kãmén há han', pã'i tỹ Pôncio Pilatos ẽn mỹ.

2 Timóteo 2:9

Hã kỹ sóg se kỹ jẽ, ferro tỹ mỹr. “Ti hỹn tỹ ũn jykre pãno nĩ,” he ag tóg tĩ iso. Hã kỹ ag tóg ferro tỹ isé. Hã ra Topẽ vĩ pijé se kỹ nĩ nĩ'. Tã mĩ tóg tĩ ha.

Hebreu 13:3

Ũn sigse kỹ nỹtĩ ag ki rĩrm nĩ, ãjag tỹ kejẽn Jesus tugrĩn sigse kỹ nỹtĩnh ke mĩ ẽkrén kỹ. Ag tỹ ũn vóg kónãn mũ ag ki rĩrm nĩ gé. Kejẽn ag tóg Jesus tugrĩn ãjag vóg kónãn ke mũ gé. Hã kỹ jagnẽ ki rĩr há han nĩ.