Mateus 27:16 - O Novo Testamento na língua Kaingáng

¹⁶ Ẽn kã ũ tóg se kỹ jẽ nĩ, vẽnh kar tỹ ũn ki kanhró ẽn, ti jijin hã vỹ: Jesus Barrabás, he mũ.

Mateus 27:16 Iomraidhean Croise

Mateus 27:15

Hã ra Pilatos tóg ag mỹ fénhta tỹ Páscoa kar ki vẽse pir kavãg tĩ, ag tỹ ũn to vĩ mũ. Ti jykre vẽ.

Mateus 27:17

Jãvo ag tóg tá vẽnhmãn kỹ nỹtĩ, Judeu kar ag. Kỹ Pilatos tóg ag mỹ: “inh ãjag mỹ ũ tỹ hẽ kavãn ha? Mỹ Jesus Barrabás, Jesus Cristo mỹ vó?” he mũ.

Marcos 15:7

Hã ra ũ tóg se kỹ nĩ, ti jijin hã vỹ: Barrabás, he mũ. Vẽnh génh kutẽm tĩ ag mré tóg se kỹ jẽ nĩ. Vẽnh génh kỹ ag tóg ũ kãgtén ja nĩgtĩ, hã kỹ ag tóg sigse kỹ nỹtĩ.

Lucas 23:25

Kỹ tóg ũ ẽn kavãg mũ sir, ũ tỹ vẽnh génh to se kỹ jẽ ẽn ti, ũ tỹ ũ tén ja ẽn ti. Kỹ tóg ag mỹ Jesus ti fẽg mũ sir, ag tỹ ti ki ag tỹ nén han sór mũ ẽn han jé.

João 18:40

Hã ra ag kar tóg prẽnprẽr mũ sir. “!..Jesus pijé'..! Barrabás kava ra..!“ he ag tóg mũ sir, prẽnprẽr kỹ. Hã ra Barrabás ẽn vỹ tỹ ũn jykre kórég pẽ nĩ.

Han Kãme 3:14

Hã ra ãjag tóg ũ tỹ vẽjykre kuryj han mũ to, nejé, he ja nĩgtĩ, Topẽ tỹ ũn kuprẽg mũ ẽn to, Jesus ẽn to. Hã ra ãjag tóg ũ tỹ ũn tén mũ to: ti kava ra, he ja nĩgtĩ.

Roma 1:32

Topẽ vỹ ũ tỹ tag han mũ to: “kãgter jé ag tóg ke mũ,” he ja nĩgtĩ. Ag tỹ tag ki kanhró ra ag tóg han tĩ sir. Kỹ ag tóg ũ tỹ tag han mũ to há nỹtĩ gé, mỹr, ha mẽ.

Roma 16:7

Kỹ sóg Adrônico mĩ ẽkrég tĩ gé, Júnia fi mĩ ke gé. Inh kanhkã fag vẽ. Inh mré fag tóg sigse kỹ nỹtĩ ja nĩgtĩ gé. Apóstolo ag kã mĩ fag tóg tỹ ũn mág nỹtĩ. Vãsỹ fag tóg Jesus ki ge jẽg, isỹ ti ki rã tũg ki.