Mateus 27:1 - O Novo Testamento na língua Kaingáng

¹ Tỹ vaj kỹ kusãg ki ag tóg Jesus tén ke to jykrén mũ sir, Topẽ tũ to pã'i kar ag.

Mateus 27:1 Iomraidhean Croise

Mateus 23:13

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.

Marcos 15:1

Tỹ vaj kỹ vẽnh jyvẽn tĩ kar ẽn ag tóg kusãg ki Jesus to jykrén mũ jagnẽ mré, Topẽ tũ to pã'i ag, kófa ag mré hã, Topẽ vĩ to ẽg kanhrãn tĩ ag mré hã ke gé. Kỹ ag tóg ti mrĩnh kỹ ti pére mũ mũ, Pilatos mỹ ti fẽg jé.

Lucas 13:1

Kejẽn fóg tỹ pã'i tỹ Pilatos tóg, ga tỹ Galiléia tá ke ũ ag kãgtén ja nĩ, ag tỹ Topẽ mỹ ag mẽg tãnh kỹ pũn mũ ẽn kã. Kỹ ag kyvénh tóg, ag mẽg kyvénh mré kutẽ ja nĩ. Kỹ ũ ag tóg, Jesus mỹ kãmén mũ, ag tỹ Pilatos tỹ ũn kãgtén mũ ag to: “ag hỹn Topẽ vĩ mranh mág,” hen kỹ.

Lucas 22:66

Tỹ vaj kỹ kófa kar ag tóg vẽnh mãn mũ, Topẽ tũ to pã'i ag mré hã, Topẽ vĩ to ẽg kanhrãn tĩ ag mré hã. Ag vẽnh mãn kỹ ag tóg ti jé prẽr kỹ ag rĩnja tá ti fẽg mũ, ag tỹ ón kỹ ti jykre ve jé. Ag tỹ ti tén sór vẽ.

João 18:28

Kusã pẽ ki ag tóg, Caifás ĩn tá Jesus pére kã mũ kỹ, pã'i tỹ governador ĩn ra ti pére mũ mũ, ti vẽmén jafã ra, palácio ẽn ra. Hã ra ag tóg kã ra ge sór tũ nĩ. Ag tỹ fénhta tỹ Páscoa han ke vỹ kakó tĩ ha, hã ra ũ tỹ pã'i tỹ governador ĩn kã ra ge mũ vỹ fénhta tỹ Páscoa ẽn ko tũ nĩgtĩ. Ag jykre vẽ. Hã ra ag tóg ko sór mũ, hã kỹ ag tóg kã ra ge sór tũ nĩ sir.

Han Kãme 5:21

Tỹ vaj kỹ ag tóg kusãg pẽ ki Topẽ ĩn ra mũ mũ, tá Topẽ vĩ tó jé. Hã ra Topẽ tũ to pã'i mág tóg ti mré ke ag jẽgnẽg mũ, ag tỹ kófa ag jé prẽr jé, pã'i kar ag ke gé. Kỹ ag tóg vẽse ja ra porisa ag jẽgnẽg mũ, ag tỹ vẽsigse ag tatĩ kãmũ jé.