Mateus 26:45 - O Novo Testamento na língua Kaingáng

⁴⁵ Kỹ tóg ag venh tĩg mãn kỹ ag mỹ: “ãjag ne tóg ver nũgnũr nỹtĩ',” he mũ. “Vẽnhkán ja ãjag tóg nĩ'. Pétẽm ti huri, óra ti. Ti tỹ Topẽ vĩ mranh tĩ ag mỹ inh fẽg ke nẽ ha, isỹ tỹ ẽprã ke fi kósin nĩn kỹ,” he tóg.

Mateus 26:45 Iomraidhean Croise

Mateus 26:18

Kỹ tóg ag mỹ: “ẽmã mág ẽn ra ũ tỹ ẽg to há nĩ ẽn venh mũjẽg,” he mũ. “Ti mỹ: “ẽg Senhor vỹ ã mỹ: inh kurã vỹ kakó tĩ ha, kỹ tóg sỹ ã ĩn krẽm Páscoa konh há tĩ, inh mré mũ tĩ ag mré, he ti,” hem nĩ ti mỹ,” he tóg.

Mateus 26:2

“kurã régre tũg kỹ tóg tỹ, ẽg fénhta mág tỹ Páscoa nĩ,” he mũ. “Ẽn kã ag tóg, ẽprã ke fi kósin ti senh ke mũ, kỹ ag tóg, ka to ti sanh ke mũ. Inh hã vẽ,” he tóg, Jesus ti.

Mateus 26:44

Kỹ tóg ag mỹ vĩ mẽ kã tĩ mũ sir, Topẽ mré vĩ mãn jé. Ti mỹ tóg ti tỹ tó ja ẽn tó mãn mũ.

Mateus 26:46

“Nĩgnĩ ra, ag kato mũ jé ha. Ũ tỹ ag mỹ inh ven mũ tóg jun ke mũ ha,” he tóg.

Marcos 14:35

Kỹ tóg tĩg sĩ han mãn kỹ mũg ke mũ. Ga kri tóg nỹ mũ sir. Ti jóg mré tóg vĩ mũ sir, “isỹ hẽn ri ke mũn nén venh ke mũ ẽn vég tũ nĩ jé, óra ẽn ki,” he tóg.

Lucas 22:53

“Kurã kar ki sóg Topẽ ĩn krẽm ãjag mré nĩ ja nĩgtĩ, hã ra ãjag tóg tá ise sór ja tũ nĩ, ãjag tỹ ag kamẽg kỹ. Hã ra tóg ũri jun, ãjag kurã ti, Japo tỹ ti tỹ nén han sór mũ ẽn han jé, ãjag tỹ. Jykre ki kuty ti nĩ,” he tóg.

João 12:23

Hã ra Jesus tóg ag mỹ: “inh kurã vỹ hur jun. Topẽ vỹ isỹ ũn mág han ke mũ ha. Tỹ sóg ẽprã ke fi kósin nĩ,” he mũ.

João 12:27

“Ũri tóg inh mỹ e tĩ,” he tóg. “Krĩ kufy jagy isóg nĩ. Ge ra sóg inh panh mỹ: inh kren han nĩ, inh jagtar tũ nĩ jé, he sór tũ nĩ. Inh vẽsỹrénh hã jé sóg kãtĩg, ti tỹ inh mỹ jagy pẽ (hã) ra.

João 13:1

Hã ra fénhta tỹ Páscoa vỹ kakó tãvĩ tĩ sir, hã ra tóg tá krỹg tũ nĩ ver. Kỹ Jesus vỹ ki kanhró nĩ, ti tỹ ũri ter ke ẽn ti. Ti kurã vỹ jun ja nĩ, ti tỹ ti panh ra tĩg jé. Ti mré mũ tĩ ag to tóg há tãvĩ ja nĩgtĩ, ag tỹ tỹ ti tũ nỹtĩn kỹ. Kỹ tóg ti ter ke kurã ẽn kã ag to há tãvĩ nĩ gé, tag ki, ẽprã.

João 17:1

Jesus tỹ ti mré mũ tĩ ag mỹ tag kãmén kãn kar kỹ tóg kanhkã ki ẽvãnh mũ, kỹ tóg: “panh', inh óra tán krỹg huri,” he mũ. “Ag mỹ isỹ tỹ ũn mág nĩ ven nĩ, isỹ tỹ ã kósin nĩn kỹ. Kỹ sóg ag mỹ ã tỹ tỹ ũn mág nĩ ven ke mũ gé.