Mateus 26:39 - O Novo Testamento na língua Kaingáng

³⁹ Kỹ tóg tĩg sĩ han kỹ mũg ke mũ sir, ga kri tóg nỹ mũ. Topẽ mré tóg vĩ mũ. “Panh',” he tóg. “Mỹ ã tỹ inh jagtar ke tag tỹ tũ' he jãvãnh?“ he tóg. “Hã ra isỹ ã mỹ nén to vĩ mũ tag han tũg nĩ. Ã tỹ nén han ke mũ ẽn hã han nĩ,” he tóg.

Mateus 26:39 Iomraidhean Croise

Mateus 20:22

Kỹ Jesus tóg fi krẽ ag mỹ: “ãjag tỹ nén to vĩ mũ ki kagtĩg ãjag tóg nỹtĩ,” he mũ. “Jagy ti nỹ. Ãjag mỹ inh ri kén jagtar sór mũ'? Ãjag mỹ tovãnh ke tũ nĩ'?“ he tóg. Kỹ ag tóg ti mỹ: “hỹ, tovãnh ke tũ ẽg nĩ,” he mũ.

Mateus 24:24

Ón kỹ Cristo ag vỹ vẽnh venven ke mũ, ón kỹ Topẽ vĩ tó tĩ ag ke gé. Ẽn ag vỹ ẽg tỹ nén han vãnh hynhan ke mũ, milagre tỹ hẽn ri ke ti. Ag tỹ vẽnh kar krĩn kónãn sór vẽ, ag tỹ kygnẽ jé, Topẽ tỹ ũn kuprẽg ja ẽn ag mré hã, hẽn ri ke mũn.

Mateus 26:42

Kỹ tóg tĩg mãn mũ sir, kỹ tóg Topẽ mré vĩ mãn mũ. Kỹ tóg: “panh',” he mãn mũ. “Ã tỹ inh jagtar ke tag tỹ tũ' he jãvãnh tĩn kỹ sóg jagtar ke mũ. Ã tỹ isỹ nén han ke mũ ẽn han nĩ,” he tóg.

Marcos 13:22

Ón kỹ Cristo vỹ vẽnh venven ke mũ, ón kỹ Topẽ vĩ tó tĩ ag ke gé. Kỹ ag tóg ón kỹ milagre tỹ hẽn ri ke hynhan ke mũ. Ag tỹ vẽnh kar krĩn kónãn sór vẽ, Topẽ tỹ ũn kuprẽg ja ẽn ag mré hã, hẽn ri ke mũn.

Lucas 17:16

Ti tỹ tá jun kỹ tóg ti krẽm mũg ke mũ. Ti mỹ tóg: “inh mỹ tóg há tĩ, ã tỹ isỹ há' hen kỹ,” he mũ. Samaria tá fóg ũ vẽ, ũ tỹ Jesus to kyrã mũ ẽn ti.

João 11:41

Kỹ ag tóg pó ẽn kunũg mũ. Kỹ tóg kanhkã ki ẽvãnh kỹ: “panh', inh mỹ tóg há tĩ. Inh vĩ tag jẽmẽg ã tóg mũ,” he mũ.

João 14:31

Hã ra sóg ẽprã ke kar ag mỹ inh jykre ven sór mũ, isỹ inh panh to há tãvĩ nĩ ti. Hã kỹ sóg inh panh tỹ inh mỹ nén tó mũ ẽn han kãn tĩ. Mũ jé ha, re ra,” he tóg.

João 18:11

Kỹ Jesus tóg Pedro mỹ: “ã rógro fẽg han ra,” he mũ. “Inh panh tỹ inh mỹ: “vẽsỹrénh jé ã tóg ke mũ,” he ja vẽ, hã kỹ sóg ag mỹ vẽnh fẽg ke mũ ha. Vẽnh nenh ke tũ sóg nĩ,” he tóg.

João 5:19

Kỹ tóg ag mỹ vẽnh kãmén mũ. “Ki hã sóg tó mũ, ha mẽ. Ẽg jóg mág kósin vỹ ti pir mỹ nén ũ han ki kagtĩg nĩ. Ti panh vég ti tĩ, kỹ tóg ti tỹ ti panh ki nén vég mũ ẽn hã han tĩ. Ẽg jóg mág tỹ nén han mũ ẽn hã han tóg tĩ gé.

João 5:30

“Inh pijé isỹ vẽsóg ki nén to jykrén mũ ẽn han tĩ'. Inh panh tỹ inh mỹ nén tó mũ ẽn hã tó sóg tĩ, isỹ vẽnh kar jykre tugnỹm ken kỹ. Hã kỹ sóg ki hã tó tĩ,” he tóg, Jesus ti.

João 6:38

Inh pijé isỹ vẽsóg ki nén to jykrén mũ ẽn han sór mũ'. Ũ tỹ inh jẽnẽg mũ tỹ inh mỹ nén tó mũ ẽn hã han sóg tĩ, hã jé sóg kanhkã tá kãtére ja nĩ.

Han Kãme 10:25

Pedro tỹ tá jun kỹ Cornélio tóg ti kato kãtĩg kỹ ti jo mũg ke mũ, “ti hỹn tỹ Topẽ nĩ,” hen kỹ.

Filipos 2:8

Vẽsỹ ũn mág han ja tũ tóg nĩ. Kỹ tóg ti jóg vĩ hã han ja nĩgtĩ. Ti vĩ han kỹ tóg ter ja nĩ. Krunh to sa kỹ tóg ter ja nĩ, mỹr, ha mẽ.

Hebreu 5:7

Jesus vỹ, ti tỹ ga mĩ tĩg kỹ jagtar nĩn kỹ Topẽ mỹ to vĩ', to vĩ' he ja nĩgtĩ, ti tỹ ti kren han jé, ti ter tũ nĩ jé. Kỹ tóg fỹ gé, Topẽ mré vẽmén kỹ. Vẽsỹrénh jagy han tóg. Kỹ Topẽ vỹ ti vĩ jẽmẽ ja nĩ, ti tỹ ti mỹ to vĩn kỹ.

Nén Venh Ke 19:10

Kỹ sóg ti krẽm mũg ke mũ, sỹ ti mỹ: “Topẽ vỹ tỹ ã nĩ,” he jé. Hã ra tóg inh mỹ: “ke tũg ra,” he mũ. “Topẽ mỹ rãnhrãj tĩ vỹ tỹ inh nĩ, ã ri ke, ã kanhkã ag ri ke.Ũ tỹ Jesus tỹ ki hã tó mũ ki króm mũ ẽn ag kar ri ke sóg nĩ,” he tóg. “Topẽ hã mỹ: Topẽ vỹ tỹ ã nĩ, hem nĩ,” he tóg inh mỹ, Topẽ tỹ jẽnẽ jafã ẽn ti. Topẽ vĩ tó tĩ ag vỹ Jesus tỹ ki hã tó mũ ẽn hã kãmén tĩ.