Mateus 26:13 - O Novo Testamento na língua Kaingáng

¹³ Ag tỹ vẽnh vĩ sér tugtón kỹ ag tóg, fi tỹ nén han mũ tag tónh ke mũ gé, ga kar mĩ hã. Kỹ vẽnh kar vỹ, fi tỹ nén han mũ mẽnh ke mũ, ha vem nĩ. Ki hã sóg tó mũ,” he tóg.

Mateus 26:13 Iomraidhean Croise

Mateus 24:14

Kỹ nação kar vỹ, vẽnh vĩ sér ẽn mẽnh mũ, ga kar mĩ hã, kỹ ag tóg, Topẽ tỹ tỹ ẽg pã'i nĩnh ke ẽn mẽnh mũ. Ag tỹ mẽ kãn kỹ kurã tỹ ẽgno vẽ sir,” he tóg, Jesus ti.

Mateus 28:19

“Hã kỹ mũjẽg, povo kar kanhrãn jé. Ag tỹ inh ki ge kỹ nỹtĩn kỹ ag kygpem nĩ gé. Inh panh jiji tó kỹ, ti kósin jiji tóm nĩ gé, kỹ Topẽ kuprĩg jiji tóm nĩ gé, ãjag tỹ ag kygpe kỹ, fag ke gé.

Marcos 13:10

Kỹ inh kãtĩg ke to hã povo kar vỹ inh vĩ sér mẽnh ke mũ,” he tóg.

Marcos 14:9

Ag tỹ vẽnh vĩ sér tugtó kỹ ag tóg fi tỹ nén han mũ tag tónh ke mũ gé, kỹ vẽnh kar vỹ fi tỹ nén han mũ tag mẽgmẽnh mũ sir, ha vem nĩ. Ki hã sóg tó mũ,” he tóg.

Marcos 16:15

Kỹ tóg ag mỹ: “ga kri mũ kỹ ẽmã kar mĩ vẽnh vĩ sér kãmén nĩ, Topẽ tỹ há kar ag mỹ,” he mũ.

Lucas 24:47

“Kỹ ũ ag tỹ vẽnh kar mỹ inh kãmén ke vẽ. Ijiji tó jé ag tóg ke mũ. Vẽnh kar mỹ ag tóg: “ãjag jykre pãno tovãnh ra. Kỹ Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” henh ke mũ. Povo kar mỹ ag tóg tónh ke mũ, hã ra ag tóg tag ki tó vén ke mũ, Jerusalém ki.

Han Kãme 10:4

Ti tỹ ti ve kỹ ti fe tóg jũrũn ke mũ, kỹ tóg: “ne nẽ?“ he mũ. Hã ra tóg ti mỹ: “Topẽ vỹ ã vĩ mẽg mũ. Ã tỹ ũn jagãgtar ag mỹ nén nĩm tĩ ẽn vég tóg mũ gé. Hã kỹ tóg ã to jykrén mũ,” he tóg.

Roma 10:18

Kỹ ãjag hỹn inh mỹ: “Judeu ag mỹ mẽ ja tũ nĩ, hã kỹ ag mỹ ti ki ge ja tũ nĩ?“ he sór mũ, ãjag tỹ inh carta tag ve kỹ. Vó, mẽ kỹ ag nỹtĩ vẽ. Tag vỹ rán kỹ nĩ, ha mẽ: “ga kar mĩ ag tóg mẽ ja nĩgtĩ, ã vĩ ti. Ga fyr tá tóg jun gé, ã vĩ ti,” he ja ti nĩ, Topẽ vĩ rá ki.

Roma 15:19

Nén ve vãnh han sóg tĩ gé, Topẽ tỹ isar han kỹ. Ti kuprĩg tỹ inh krĩn kỹ sóg han tĩ. Kỹ sóg vẽnh kar mỹ ti vĩ tó ja nĩgtĩ, Jerusalém tá. Tá kãkutẽ kỹ sóg ga kar mĩ tĩg ja nĩgtĩ gé, ga tỹ Ilíria mĩ hã. Vẽnh kar mỹ sóg Cristo kãme sér tó ja nĩgtĩ.

2 Corinto 10:18

Ẽg tỹ vẽso: “ũn há vỹ tỹ inh nĩ,” he mũ ra ẽg pijé tỹ ũn há nỹtĩ'. Ẽg Senhor tỹ ẽg to: “ũn há vỹ tỹ ti nĩ,” hen kỹ hã ẽg tóg tỹ ũn há nỹtĩ.

Colossos 1:23

Hã kỹ ti ki ge tovãnh tũg nĩ. Tar nỹtĩm nĩ, ti to krónh ke tũg nĩ. Ãjag tỹ Jesus kãme sér ẽn mẽ kỹ ãjag tóg Topẽ tỹ ẽg mỹ nén ũ vin ke mũ ẽn kãme mẽ ja nĩgtĩ gé. Ga kri mũ kar ag vỹ mẽg mũ ha, Jesus kãme sér ẽn. Inh rãnhrãj hã vẽ, sỹ ag mỹ tónh ke ti, inh, hã vỹ: Paulo, he mũ.

Colossos 1:6

Ga kar mĩ tóg tĩ ha, vẽnh vĩ há tag. Hã kỹ tóg ãjag ki jun ja nĩ gé. Vẽnh vĩ há tag tóg Topẽ mỹ ẽkré kanẽn ri ke nĩ, vẽnh kar tỹ ti ki ge kỹ. Hã kỹ ãjag tóg ti ki ge gé, ãjag tỹ ti vĩ mẽ vén kỹ. Ẽn kã ãjag tóg Topẽ tỹ ẽg jagãgtãn ki kanhrãn ja nĩ. Kỹ ãjag tóg ki kanhró nỹtĩ ha.

1 Timóteo 2:6

Ti hã ne vẽnh fẽg', ti tỹ vẽnh kar kygjãm jé. Topẽ tỹ ti mỹ kurã nĩm ja ẽn kã ke ja vẽ. Kỹ vẽnh kar vỹ mẽnh ke mũ, ũri, ũ tỹ ti ve ja ag vĩ ti.

Hebreu 6:10

Rãnhrãj há han ãjag tóg tĩ. Ti to ãjag há tãvĩ nỹtĩ. Ti tũ ki rĩr há han ãjag tóg tĩ gé. Topẽ vỹ tag vég tĩ, ãjag rãnhrãj há tag. Ti pijé kã jatu nĩgtĩ'. Vẽjykre vẽnh mỹ han tũ pẽ ti nĩgtĩ, Topẽ ti.

Nén Venh Ke 14:6

Kỹ sóg Topẽ tỹ jẽnẽ jafã ũ vég mũ gé. Kanhkã krẽm tóg tẽ tĩ mũ. Kỹ tóg Topẽ vĩ ma kãtĩ mũ. Topẽ vĩ ẽn vỹ tũ' henh ke tũ nĩ. Ti tỹ ẽprã ke kar ag mỹ Topẽ vĩ tónh ke vẽ, nação kar ag mỹ, povo kar mỹ ke gé, vyr mỹ vĩ nỹtĩ kar ag mỹ ke gé.