Mateus 26:12 - O Novo Testamento na língua Kaingáng

¹² Fi tỹ inh kãn vẽ, ag tỹ vẽnh kej tá inh fón ke jo, hã jé fi tóg, ger há tag tỹ inh kri kujẽg mũ.

Mateus 26:12 Iomraidhean Croise

Marcos 14:8

“Fi tỹ nén han sór mũ han fi tóg huri. Inh kãn fi tóg huri, vẽnh kej tá inh fón ke to.

Marcos 16:1

Vẽnhkán ke kurã tũg kỹ, kuty ẽn kã fag tóg nén ger há mãg mũ. Maria Madalena fi vẽ, kar kỹ Salomé fi ke gé, kar kỹ Maria tỹ Tiago mỹnh fi ke gé. Fag tỹ ti fár ger há han sór vẽ.

Lucas 23:56

Ve kar kỹ fag tóg kyrãgrã kỹ nén ger há han mũ sir, ti tãg jafã ti, ti to tĩn jé. Hã ra fag tóg vẽnhkán mũ ver, vẽnhkán ke kurã kã, Topẽ tỹ Judeu ag mỹ kurã nĩm ja ẽn ki króm jé.

João 12:7

Hã ra Jesus tóg ti mỹ: “fi to vĩ tũg,” he mũ. “Fi tỹ nén ger há ẽn nĩm han ja vẽ, fi tỹ iser jé inh kri kujẽn jé, isỹ inh kej kã kã nỹ jé. Ki hã fi tóg han ja nĩ.