Mateus 24:7 - O Novo Testamento na língua Kaingáng

⁷ Nação ag tỹ jagnẽ kato tẽgtẽnh ke vẽ, pã'i ag ke gé. Ũ tỹ hẽn ri ke ag tỹ, jagnẽ to jũnh ke vẽ gé. Ga tỹ ragra ke tỹ hẽn ri ke han ke vẽ, ẽmã tỹ hẽn ri ke mĩ. Vẽjẽn tỹ tũ' henh ke vẽ gé.

Mateus 24:7 Iomraidhean Croise

Lucas 21:11

“Ga tỹ ragrag ke jagy tỹ hẽn ri ke han ke vẽ gé, ẽn kã. Kỹ vẽjẽn tóg tũ' henh ke mũ gé. Vẽnh kaga kórég vỹ vẽnh vinven ke mũ, ẽn kã sir. Nén ũ vẽnh mỹ vỹ vẽnh vinven ke mũ gé, kanhkã tá, kỹ vẽnh kar vỹ kanẽ junjur ke mũ,” he tóg.

Han Kãme 11:28

Ag kã ũ jijin hã vỹ: Ágabo, he mũ. Ẽn vỹ Topẽ kuprĩg tỹ ti krĩn kỹ: “kejẽn ẽg tóg prỹg venh ke mũ, kãnhmar,” he mũ, “ga kar mĩ hã,” he tóg. Kỹ tóg Cláudio tỹ tỹ pã'i tỹ imperador nĩn kỹ ge nĩ.

Han Kãme 2:19

“Ãjag tỹ nén han vãnh han jé sóg ke mũ gé, ãjag mỹ, kanhkã tá, ga tá ke gé, ẽprã, kyvénh mỹr, pĩ mỹr, nĩja mỹr.

Hebreu 12:27

Ti tỹ: “ke pir han mãn jé sóg ke mũ,” hen kỹ ẽg tóg, ki kanhró nỹtĩ, ti tỹ ga tỹ ragra kenh ken ki. Topẽ jamã hã tá ẽg tóg nén tỹ ragra kenh ke ẽn ve mãn ke tũ nĩ ha.

Nén Venh Ke 6:12

Kỹ sóg cordeiro ve mãn mũ. Kỹ tóg livro tógfĩ ũ kavãg mũ gé. Ti tógfĩ tỹ 6 (ke) tá krỹg vẽ sir. Kỹ ga tóg jũrũn ke mũ. Rã vỹ kuty' he mũ, kur sá kuty ẽn ri ke. Kysã vỹ kusũg' he mũ gé.

Nén Venh Ke 6:5

Kỹ cordeiro ẽn tóg ti tógfĩ ũ kavãg mũ gé. Ti tógfĩ tãgtũ tá krỹg vẽ sir. Kỹ nén nẽ ag kã mĩ ũ tóg: “tág',” he mũ gé. Kỹ sóg vẽsỹjãm ẽvãnh kỹ kãvãru sá vég mũ sir. Ũ tỹ kri nĩ ẽn vỹ ẽg tỹ nén ũ kar kufyg jafã mãn kỹ nĩ nĩ, ẽg tỹ nén ũ kar kãmun jafã ti.

Nén Venh Ke 6:6

Kỹ sóg nén nẽ tỹ 4 (ke) ẽn ag kã ũ vĩ mẽg mũ gé, kỹ tóg: “trigo tỹ quilo pir mãn jé ag tóg ke mũ ha, por dia kaja to,” he mũ, kỹ tóg kaja e tĩ. “Ke tũ nĩn kỹ ag tóg cevada tỹ quilo tãgtũ mãn ke mũ, por dia kaja ẽn to, (kỹ tóg kaja e tĩ gé). Azeite vóg tũg nĩ hã ra, vinho vóg tũg nĩ gé, kaja si ẽn to ti fón nĩ,” he tóg mũ, vẽnh vĩ ti.

Nén Venh Ke 6:8

Kỹ sóg kãvãru ũ vég mũ. Hã ra tóg vẽser jógtánh ẽn ri ke nĩ. Ũ tỹ kri nĩ ẽn tóg ẽg tén tĩ. Kỹ vẽnh kuprĩg ag vỹ ti nón kãmũ mũ gé. Ag tỹ ẽprã ke ag vẽnh kãpóv tỹ 4 (ke) ag kã ti vẽnh kãpóv pir ag kãgtén ke vẽ, rógro tỹ, ag kókĩr tỹ ke gé, vẽnh kaga tỹ ke gé, mĩg tỹ ke gé.