Mateus 24:4 - O Novo Testamento na língua Kaingáng

⁴ Kỹ tóg: “ker ũ ãjag mỹ ón hẽ',” he mũ.

Mateus 24:4 Iomraidhean Croise

Marcos 13:22

Ón kỹ Cristo vỹ vẽnh venven ke mũ, ón kỹ Topẽ vĩ tó tĩ ag ke gé. Kỹ ag tóg ón kỹ milagre tỹ hẽn ri ke hynhan ke mũ. Ag tỹ vẽnh kar krĩn kónãn sór vẽ, Topẽ tỹ ũn kuprẽg ja ẽn ag mré hã, hẽn ri ke mũn.

Lucas 21:8

Kỹ tóg ag mỹ: “ker ũ vĩ jẽmẽ hẽ',” he mũ. “Ũ tỹ hẽn ri ke ag vỹ ón kỹ ijiji tónh kãmũnh mũ. “Cristo vỹ tỹ inh nĩ. Inh kurã vỹ hur jun,” he jé ag tóg ke mũ. Ag nón mũ tũg nĩ.

Galácia 6:3

Kejẽn ũ tóg vẽsóg ki vẽsỹ ũn mág han sór mũ. Hã ra tóg tỹ nén ũ tũ nĩ. Ti tỹ kygnẽ vẽ. Vẽnh hã mỹ tóg ón mũ sir.

Éfeso 4:14

Ẽg tỹ gĩr ri ke nỹtĩn kỹ tóg ti mỹ há tũ nĩ. Gĩr ag tóg, ag tỹ nén ũ mẽ kỹ kãnhmar nén ũ nón tĩ', nén ũ nón tĩ', he tĩ. Ẽg tỹ ti vĩ to gĩr tỹ ki kagtĩg ẽn ri ke nỹtĩn kỹ tóg ẽg tỹ ũn ón mũ vĩ kri nĩm ja há tĩ, ẽg tỹ ki kagtĩg nỹtĩn kỹ. Ũ ag tóg Topẽ vĩ to ón tĩ. Ag tỹ ẽg tỹ ag mré kygnẽ han sór vẽ.

Éfeso 5:6

Ũ tóg ón kỹ ãjag mỹ vẽnh vĩ há tó sór tĩ. Ũ tỹ ge vĩ jẽmẽ tũg nĩ, ke tũ nĩ mũ ra Topẽ tóg ãjag to jũnh ke mũ. Ti vĩ mranh vẽ mỹr, kỹ tóg ũ tỹ ge to jũnh ke mũ.

Colossos 2:18

Ũ tóg ãjag mỹ Topẽ tỹ jẽnẽ jafã ag tó sór mũ gé. “Topẽ tỹ jẽnẽ jafã vég sóg tĩ. Kỹ sóg ag hã mỹ jãn sór tĩ,” he ag tóg tĩ, ón kỹ. Hã ra ag tóg tag hã to tỹ ũn mág nỹtĩ sór mũ. Ãjag kãfór nỹtĩ sór ag tóg mũ.

Colossos 2:8

Ha vé, vẽso jykrén. Inh mỹ tóg ũ tỹ ón kỹ ãjag krĩn kónãn sór ha mẽ tĩ. Ũ tóg krĩg tãn tó tĩ. Ũ tóg nén ũ tãn tó tĩ gé. Kỹ ũ tóg ẽprã ke jykre tó tĩ gé. Cristo jykre tũ vẽ, ẽprã ke jykre kar ti. Hã kỹ ũ tỹ ãjag mỹ tag tó sór mũ ag vĩ jẽmẽ tũg nĩ.

2 Tessalônica 2:3

Ag jykre tugnỹm ra, ũ tỹ ãjag krĩn kónãn sór mũ ag. Ũri ke tũ vẽ ver. Ti kãtĩg ke to hã ũ tỹ hẽn ri ke ag vỹ ti tovãnh ke mũ ver. Ti kato tẽgtẽ jé ag tóg ke mũ ver. Kỹ ũ tóg ver vẽnh ven ke mũ gé, hã vỹ: “ũ tỹ Topẽ vĩ mranh tĩ ẽn,” he mũ, “ũ tỹ nũgme ki kutẽnh ke mũ ẽn ti,” he mũ.

1 João 4:1

Ãjag to sóg há tãvĩ nĩ, ha mẽ. Kãnhmar ũ vĩ jẽmẽ sór tũg nĩ, ti tỹ: “Topẽ kuprĩg vỹ tỹ inh jagrẽ nĩ,” he mũ ra. Komẽr hã ti vĩ tugnỹm nĩ, ãjag tỹ ti jagrẽ ve jé. Ón kỹ Topẽ vĩ tó tĩ ag vỹ mĩ mũgtĩ, ũ tỹ hẽn ri ke ag, ha mẽ.