Mateus 24:3 - O Novo Testamento na língua Kaingáng

³ Kar kỹ tóg krĩ tỹ Oliveiras ra tĩ mũ sir. Ti tỹ tá nĩ kỹ ti mré mũ tĩ ag tóg ti mỹ: “ẽg tỹ ne ve kỹ ẽg ki kanhró nỹtĩnh mũ, ã kãtĩg mãn ke kurã ẽn ti, nén kar tũg ke kurã ẽn ti?“ he mũ.

Mateus 24:3 Iomraidhean Croise

Mateus 13:36

Ag mỹ kãmén kãn kar kỹ tóg, vẽnh e ẽn ré kỹ ĩn kã ra rã mũ, Jesus ti. Kỹ ti mré mũ tĩ ag tóg, ti to kãmũ mũ, ti ki jẽmẽ jé. “Ẽg mỹ ã tỹ ag mỹ kãmén ja ẽn ti tó mãn nĩ, ã tỹ ag mỹ ẽkré mré vãnh tó ja ẽn ti. Ẽg tỹ ver to jykrén tũ tóg tĩ,” he ag tóg mũ.

Mateus 13:49

Ge ti nĩnh mũ, kurã tỹ ẽgno kã. Topẽ tỹ jẽgnẽ jafã ag tóg, ũn jykre kuryj ag kuprẽg ke mũ, Topẽ mỹ.

Mateus 15:12

Kỹ ti mré mũ tĩ ag tóg ti to kãmũ kỹ ti mỹ: “ha mẽ,” he mũ. “Pã'i ag vỹ ã to jũ nỹtĩ, ã tỹ ag mỹ: vẽjẽn pijé ẽg kavénh tĩ', hen kỹ,” he ag tóg ti mỹ.

Mateus 16:27

“Tỹ sóg ẽprã ke fi kósin nĩ. Kãtĩg mãn jé sóg ke mũ, kanhkã tá, isỹ jẽgnẽ jafã ag mré, inh jóg tỹ isỹ ũn mág han kỹ. Kỹ sóg vẽnh kar mỹ ag tỹ nén han ja ẽn kajãm ke mũ.

Mateus 16:28

Ha vé, ki hã sóg tó mũ. Ãjag kã mĩ ũ ag tóg Topẽ tỹ tỹ ẽg pã'i nĩ venh ke mũ, ag ter ke to hã, tag ki ẽg mré nỹtĩ ũ ag. Ẽprã ke fi kósin ẽn ve jé ag tóg ke mũ, ti tỹ tỹ pã'i nĩ ti. Inh hã vẽ,” he tóg, Jesus ti.

Mateus 17:19

Kỹ Jesus mré mũ tĩ ag tóg ti ki jẽmẽ sór mũ. Vyr mỹ ag tóg Jesus mỹ: “ẽg ne tóg ti tỹ hẽ ri ke ja tũ nĩ',” he mũ. “Hẽ ri ken kỹ hỹn?“ he ag tóg mũ.

Mateus 21:1

Ag mũn kỹ ag tóg Jerusalém to hã junjun mũ, ẽmã tỹ Betfagé tá, krĩ tỹ Oliveiras tá. Kỹ Jesus tóg ũn régre ag mỹ:

Mateus 24:27

Inh kãtĩg mãn ke vỹ, ta tỹ kóm kóm ke ri ke nĩnh mũ. Ti tỹ kóm kóm ke kỹ ẽg tóg, nén kar vég tĩ, rã jur ja tá, rã pur ja tá ke gé. Inh kãtĩg mãn ke vỹ ri ke nĩnh mũ. Tỹ sóg ẽprã ke fi kósin nĩ,” he tóg.

Mateus 24:30

Kỹ vãhã ẽprã ke fi kósin vỹ vẽnh ven ke mũ, kanhkã tá. Kỹ ga kri mũ kar vỹ kygfỹ kãn ke mũ sir, povo kar ti, vẽnh kar tỹ inh kãtĩg ven kỹ. Kanhkã góg kã mĩ sóg kãtérenh ke mũ. Tar pẽ sóg nĩnh mũ, ha vem nĩ, kỹ inh ve vỹ kókov pẽ nĩnh mũ gé.

Mateus 24:37

Inh kãtĩg mãn ke kurã vỹ Noé tỹ ga mĩ tĩg ja ẽn ri ke nĩnh mũ.

Mateus 24:39

Hã ra tóg ag mỹ tỹ nén ũ tũ tĩ, ti tỹ canoa kã ra rã ẽn ti. Kejẽn ta tóg kutẽ mũ, kỹ goj tóg var mũ sir. Kỹ ag tóg vãhã, kãgter kãn mũ sir. Ge ti nĩnh mũ, ẽprã ke fi kósin kãtĩg mãn kỹ mỹr.

Mateus 24:43

“Kỹ tag to jykrén nĩ, ha mẽ. Ẽg pijé, ũ tỹ ẽg tỹ nén péju sór mũ kãtĩg ke ki kanhró nỹtĩ'. Ẽg tỹ ki kanhró nỹtĩ ra ẽg tóg, ti jo ẽg tỹ nén ki rĩr ke mũ vẽ, kỹ ũ pijé, ẽg ĩn kã ra rãnh ke mũ vẽ'.

Mateus 28:20

Kỹ isỹ ãjag mỹ nén tó mũ kãmén kãn nĩ gé, ag tỹ ki króm jé. Ha mẽ, ãjag mré sóg jẽ nĩ, kurã kar ki, ãjag tovãnh ke tũ sóg nĩ ha, ga tũg ke kurã ki ke gé,” he tóg, Jesus ti, ti tỹ ti mré mũ tĩ ag jẽgnẽn kỹ.

Lucas 21:7

Kỹ ag tóg ti mỹ: “kurã tỹ ne kã ke nẽ hỹn'?“ he mũ. “Ẽg hỹn hẽn ri ken kỹ ti kurã ki kanhró nỹtĩnh mũ? Topẽ hỹn ne han vén ke mũ, ẽg tỹ kurã ẽn ki kanhró nỹtĩ jé?“ he ag tóg.

Han Kãme 1:7

Hã ra tóg ag mỹ: “vó, Topẽ hã vỹ ki kanhró nĩ. Ãjag tũ pijé',” he mũ. “Kurã ẽn ki kanhrãn ke tũ ãjag tóg nĩ, Topẽ tỹ ãjag pã'i mág fẽg mãn ke kurã ti,” he tóg.

Hebreu 9:26

Ti tỹ prỹg kar ki vẽnh fẽg ra tóg ter tỹ hẽn ri ke han ke mũ vẽ, Topẽ tỹ ga han kar kỹ. Hã ra tóg vãsỹ vẽnh ven ja tũ nĩ. Ũri, kurã tỹ ẽgno to hã tóg, vẽnh ven pir han, kỹ tóg vẽnh fẽg pir han, ti tỹ ẽg tỹ Topẽ vĩ mranh ẽn tỹ tũ' he jé, ti ter tugrĩn.