Mateus 24:16 - O Novo Testamento na língua Kaingáng

¹⁶ Ãjag tỹ ti ve kỹ ga tỹ Judéia ki ke kar jé, vẽnh pigjunh mũjẽg, pãnónh ra.

Mateus 24:16 Iomraidhean Croise

Mateus 2:1

Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ.

Mateus 24:15

“Kejẽn ãjag tóg, ãjag tỹ nén kamẽg tĩ ẽn venh ke mũ sir, ẽg kavénh tĩ ẽn ti,” he tóg. “Topẽ vĩ tó tĩ tỹ Daniel vỹ ti tó ja nĩgtĩ. Topẽ ĩn tá tóg jẽnh mũ, ẽg kavénh tĩ ẽn ti. Ũ tỹ vẽnh rá tag to ke mũ jé ki kanhró nĩ.

Mateus 24:17

Kỹ ũ tỹ re tá nĩ ẽn jé, ti ĩn kã ra rã tũg, ti tũ mãn jé. Vẽsỹmér tóg vẽnh péjunh tĩg ke mũ.

Hebreu 11:7

Noé vỹ Topẽ ki rã kỹ nĩ ja nĩgtĩ gé. Hã kỹ Topẽ vỹ ti mỹ: “ta vỹ kutẽnh ke mũ,” he mũ. Kỹ tóg Topẽ vĩ kri fi kỹ canoa mág ẽn han mũ. Kỹ tóg ki rã kỹ kren mũ, ti prũ fi mré, ti krẽ mré ke gé. Topẽ ki rã kỹ tóg ũ tỹ Topẽ kato vãsãnsãn mũ ag mré tĩg mãn ja tũ nĩ. Hã kỹ Topẽ vỹ, ti mỹ ũn jykre kuryj ag tỹ nén venh ke ẽn ven.