Mateus 24:13 - O Novo Testamento na língua Kaingáng

¹³ Hã ra ũ tỹ isovãnh tũ pẽ ẽn ag tóg, krenkren ke mũ.

Mateus 24:13 Iomraidhean Croise

Mateus 10:22

Vẽnh kar vỹ ãjag to jũ kỹ ãjag vóg kónãn sór nỹtĩ, isugrĩn. Hã ra ũ tỹ isovãnh tũ ẽn ag hã vỹ, krenkren ke mũ, kurã tỹ ẽgno ẽn kã,” he tóg.

Mateus 24:12

Kỹ vẽnh kar vỹ vẽjykre pãno han ke mũ, hã kỹ ũ tỹ ón kỹ iso há nỹtĩ ve ẽn ag tóg, isogvãnh ke mũ gé, ũn e ag.

Mateus 24:6

Vẽnh génh kãme mẽgmẽ jé ãjag tóg ke mũ, tag ki vẽnh génh to, kuvar há tá vẽnh génh to ke gé. Mũmẽg tũg nĩ, hã ra. Vẽnh génh enh ke vẽ. Hã ra kurã tỹ ẽgno to hã ke vẽ ver.

Marcos 13:13

Vẽnh kar vỹ tóg ãjag to vĩ kónãn ke mũ gé, ijiji tugrĩn. Hã ra ũ tỹ isovãnh tũ pẽ ẽn kren ke vẽ,” he tóg.

Lucas 21:19

To tar nỹtĩm nĩ, ãjag vẽsỹrénh ke to, kỹ ãjag tóg rĩr krỹg ja tũ ẽn venh ke mũ,” he tóg, Jesus ti.

Lucas 8:15

Kar ga há ki krãn kỹ nỹtĩ ag vỹ, ge nỹtĩgtĩ gé. Jẽmẽg ag tóg tĩ. Kỹ ag tóg, ag fe tỹ ti ki rã mũ sir, ag tỹ ti vĩ ki króm jé. Kỹ ag tóg, kanẽn há han mũ sir. Komẽr hã ag tóg, kanẽn há han', han', he mũ, ag tỹ nén ũ jagy vég mũ ra,” he tóg.

Roma 2:7

Ẽn kã tóg ẽg mỹ ẽg rĩr krỹg ja tũ ven ke mũ, ũn jykre kuryj ag mỹ, fag mỹ ke gé. Ẽg tỹ ti jykre há to tar nỹtĩn kỹ tóg ẽg mỹ ẽg rĩr krỹg ja tũ ven ke mũ, ẽg tỹ tá tỹ ũn mág nỹtĩ jé.

1 Corinto 1:8

Ti hã vỹ ãjag tar han mũ', ãjag tỹ ti tovãnh tũ nĩ jé, ãjag tỹ kygnẽg tũ nĩ jé. Kỹ ẽg Senhor tỹ Jesus Cristo tóg ti kãtĩg mãn kỹ ãjag tỹ kygnẽ ja tũ ẽn venh ke mũ sir.

Hebreu 10:39

Ẽg pijé ti tovãnh ke mũ'. Kỹ ẽg tóg, ũ tỹ ti tovãnh mũ ẽn ag vãgfor ẽn ri ke han ke tũ nĩ gé. Ti ki ge kỹ ẽg tóg nỹtĩ, hã kỹ ẽg krenkren ke mũ.

Hebreu 3:14

Ha mẽ, Cristo tũ vỹ tỹ ẽg nỹtĩ, ẽg tỹ ti tovãnh sór tũ nỹtĩn kỹ. Ẽg tỹ ti ki rã vén mũ kã ẽg tóg ti to tar nỹtĩ ja nĩgtĩ. Ẽg tỹ ẽn ri ke ti to tar nỹtĩn kỹ ẽg tóg tỹ ti tũ nỹtĩ.

Hebreu 3:6

Cristo vỹ tỹ Topẽ kósin nĩ. Kỹ tóg Topẽ tũ ag ki rĩr há han tĩ. Hã ra ag tóg tỹ ti tũ nỹtĩ, ti ĩn krẽm ke kar ẽn ag, fag ke gé. Ẽg hã vẽ. Ti tũ vỹ tỹ ẽg nỹtĩ, ẽg tỹ ti to tar nỹtĩn kỹ, ẽg tỹ ti kãmén há han kỹ, ti tỹ ẽg mỹ sér nĩn kỹ, ẽg tỹ tá nén venh ke ti.

Nén Venh Ke 2:10

Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.