Mateus 24:11 - O Novo Testamento na língua Kaingáng

¹¹ Ón kỹ inh vĩ tó tĩ ag vỹ junjun ke mũ gé, ag tỹ ũn e krĩn jé sir, ag tỹ isogvãnh jé.

Mateus 24:11 Iomraidhean Croise

Mateus 24:12

Kỹ vẽnh kar vỹ vẽjykre pãno han ke mũ, hã kỹ ũ tỹ ón kỹ iso há nỹtĩ ve ẽn ag tóg, isogvãnh ke mũ gé, ũn e ag.

Mateus 24:24

Ón kỹ Cristo ag vỹ vẽnh venven ke mũ, ón kỹ Topẽ vĩ tó tĩ ag ke gé. Ẽn ag vỹ ẽg tỹ nén han vãnh hynhan ke mũ, milagre tỹ hẽn ri ke ti. Ag tỹ vẽnh kar krĩn kónãn sór vẽ, ag tỹ kygnẽ jé, Topẽ tỹ ũn kuprẽg ja ẽn ag mré hã, hẽn ri ke mũn.

Mateus 24:5

“Cristo vỹ tỹ inh nĩ,” he jé ag tóg ke mũ, inh jiji tó kỹ, ũ tỹ hẽn ri ke ag. Kỹ ũ tỹ hẽn ri ke ag tóg ag vĩ kri nĩm ke mũ.

Mateus 7:15

“Ón kỹ Topẽ vĩ tó tĩ ẽn ag vĩ kri nĩm tũg nĩ. Há nỹtĩ ve ag tóg nĩ, hã ra ag tóg, ãjag kókén sór nỹtĩ. Ãjag kókén sór to ag tóg, mĩg jũ ẽn ri ke nỹtĩ, mỹr, ha mẽ.

Marcos 13:22

Ón kỹ Cristo vỹ vẽnh venven ke mũ, ón kỹ Topẽ vĩ tó tĩ ag ke gé. Kỹ ag tóg ón kỹ milagre tỹ hẽn ri ke hynhan ke mũ. Ag tỹ vẽnh kar krĩn kónãn sór vẽ, Topẽ tỹ ũn kuprẽg ja ẽn ag mré hã, hẽn ri ke mũn.

Han Kãme 20:30

Ãjag kã mĩ ũ tóg vẽnh ó tónh ke mũ gé, Jesus mré mũ ag tỹ ag mré mũ kónãn han jé.

1 Timóteo 4:1

Ha vé, Topẽ kuprĩg vỹ ẽg mỹ nén ũ jagy tó tĩ, ha mẽ. Jesus kãtĩg mãn ke tỹ kakó ẽn kã ũ ag nẽji ti tovãnh ke mũ, ag tỹ vẽnh ó hã kri nĩm jé, Japo tỹ ag kanhrãn mũn ki.

2 Pedro 2:1

Hã ra ũ ag tóg ón kỹ Topẽ vĩ tó ja nĩgtĩ gé, vãsỹ, Israel ũ ag. Tag ve jé ãjag tóg ke mũ gé. Ũ ag tóg ón kỹ ãjag mỹ Topẽ vĩ kãmén sór ke mũ, ha vem nĩ. Ẽn ag vĩ vỹ ón kỹ ãjag mỹ mẽ há tĩ mẽ tĩnh ke mũ, hã ra tóg ãjag kókén ke mũ. Kỹ Topẽ vỹ vãhã ag tỹ tũ' henh ke mũ.

1 João 2:18

Inh krẽ', kurã tỹ ẽgno vỹ kakó tĩ ha. Kurã ẽn kakó nĩn kỹ Cristo kato tẽ pẽ ẽn vỹ vẽnh ven ke mũ. Tag mẽ ãjag huri. Hã ra ag tóg hur vẽnh vinven, ũ tỹ ti kato tẽ mũ tỹ hẽn ri ke ag. Hã ki ẽg tóg ki kanhró nỹtĩ, kurã tỹ ẽgno kakó nĩ ti.

1 João 2:26

Ũ ag tóg ãjag krĩn kónãn sór mũ, ãjag mỹ ón kỹ, ti vĩ tón kỹ. Hã kỹ sóg ãjag mỹ vẽnh rán tag han mũ.

1 João 4:1

Ãjag to sóg há tãvĩ nĩ, ha mẽ. Kãnhmar ũ vĩ jẽmẽ sór tũg nĩ, ti tỹ: “Topẽ kuprĩg vỹ tỹ inh jagrẽ nĩ,” he mũ ra. Komẽr hã ti vĩ tugnỹm nĩ, ãjag tỹ ti jagrẽ ve jé. Ón kỹ Topẽ vĩ tó tĩ ag vỹ mĩ mũgtĩ, ũ tỹ hẽn ri ke ag, ha mẽ.

Judas 1:4

Ha vé, ũ ag tóg Topẽ to ónón tĩ, ãjag krĩn kónãn jé. Ũn jykre pãno ag vẽ, hã ra ag tóg jykre há nỹtĩ ve nĩ. Hã kỹ ãjag tóg ag vĩ kri fi sór mũ. Hã ra ag tóg ón kỹ: “ẽg jóg tỹ Topẽ vỹ ẽg jagãgtãn mũ. Hã kỹ ẽg jatun mỹ vẽjykre vẽnhmỹ kar han ke mũ,” he tĩ. Ẽg Senhor tỹ Jesus Cristo to ag tóg: “ti vĩ han ke tũ ẽg nĩ,” he tĩ. Ti hã ne tỹ ẽg kri ke nĩ', Jesus ti. Hã ra tóg vãsỹ rán kỹ nĩ, ũ tỹ ti vĩ han sór tũ ag to. Kỹ ag tóg Topẽ tỹ ũ tỹ ge ag vóg kónãn ke ẽn tó ja nĩgtĩ gé.

Nén Venh Ke 19:20

Kỹ ag tóg mĩg ẽn ség mũ, ũ tỹ ón kỹ Topẽ vĩ tó tĩ ẽn ag mré, ũ tỹ mĩg rĩnve nén ve vãnh tỹ hẽn ri ke hynhan ja ẽn ti. Ti tỹ milagre hynhan tugrĩn ag tóg ti vĩ kri nĩm ja nĩgtĩ, ũ tỹ ti rá tỹ ránrán kỹ nỹtĩ kar ag, ũ tỹ ti kãgrá to: “Topẽ vẽ,” he mũ kar ag. Kỹ ũ tỹ mĩg ẽn ség mũ ag tóg pĩ gru fir ki ti fón mũ, pĩ mág pẽ ki, ũ tỹ ón kỹ Topẽ vĩ tó tĩ ẽn ag mré. Ag rĩnrĩr ra ag tóg ki ag vãm mũ, pó tỹ enxofre pũr nĩja ri ke ẽn ki.