Mateus 24:10 - O Novo Testamento na língua Kaingáng

¹⁰ Kỹ ũ tỹ hẽn ri ke vỹ, isogvãnh ke mũ sir, ẽn kã. Ãjag mré ke fag tó jé ag tóg ke mũ, inh kato vãsãnsãn mũ ag mỹ, kỹ ag tóg jagnẽ to vĩ kónãn ke mũ gé.

Mateus 24:10 Iomraidhean Croise

Mateus 10:21

“Ũ ag tóg, ag mré pafa mũ fag kãmén ke mũ, pã'i ag mỹ, ag tỹ fag kãgtén jé. Kỹ ũ ag tóg ag krẽ kãmén ke mũ gé. Kỹ ũ ag tóg ag han mũ fag kãmén ke mũ gé, pã'i ag mỹ, ag tỹ fag kãgtén jé, mỹr, ha mẽ.

Mateus 11:6

Kỹ tóg ti tỹ iso jykrén kónãn tũ nĩn kỹ há tĩ. Kỹ Topẽ tóg ti ve há han mũ gé. Tag tóm nĩ, ti mỹ,” he tóg.

Mateus 13:21

Hã ra tóg tỹ nén ũ kré jãre tũ ẽn ri ke nĩ mỹr. Hã kỹ tóg tĩg sĩ han mũ, Topẽ mré. Nén ũ jagy kutẽ kỹ tóg, Topẽ tovãnh mũ sir, ũ tỹ Topẽ vĩ tugrĩn ti kato tẽ kỹ.

Mateus 13:57

Kỹ tóg ag mỹ tỹ ũ nỹ. Kỹ Jesus tóg ag mỹ: “ẽmã ũ tá ag tóg Topẽ vĩ tó tĩ to é he tũ nĩgtĩ. Jãvo ti jamã tá ke ag tóg ti to é he tĩ, ti mré ke ag, ti kanhkã ag,” he mũ.

Mateus 24:11

Ón kỹ inh vĩ tó tĩ ag vỹ junjun ke mũ gé, ag tỹ ũn e krĩn jé sir, ag tỹ isogvãnh jé.

Marcos 13:12

“Ũ vỹ tóg ti régre senh ke mũ, ti ter jé, ẽn kã. Kỹ ũ panh tóg ti kósin senh ke mũ gé. Kỹ ũ krẽ tóg ti han mũ fag sigsenh ke mũ gé, fag kãgtén jé.

Marcos 4:17

Hã ra ag tóg nén fy kré jãre tũ ri ke nỹtĩ, kỹ ag tóg mũ sĩ han mũ, Topẽ mré. Nén ũ jagy kutẽ kỹ ag tóg sir tovãnh mũ vẽsỹmér, ũ tỹ Topẽ tugrĩn ag kato tẽ kỹ.

Lucas 21:16

Ẽn kã ãjag han mũ ẽn vỹ ãjag senh ke mũ, ãjag mré pafa mũ ag ke gé, ãjag mré ke ag ke gé, ãjag to há kar ag mỹr. Ãjag kã mĩ ũ ag kãgtén jé ag tóg ke mũ gé, ha vem nĩ.

2 Timóteo 1:15

Ha vé, ga tỹ Ásia tá ke kar ag vỹ isovãnh kãn, Fígelo ke gé, Hermógenes ke gé. Tag mẽ ã hỹn huri.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.

2 Timóteo 4:16

Fóg tỹ pã'i vỹ inh ki inh jykre jẽmẽ pin huri. Ẽn kã ũ tóg inh mré ve ja tũ nĩ. Isovãnh kãn ag tóg. Topẽ mỹ sóg to vĩ tĩ, ti tỹ ag mỹ vẽnh pãte fón jé.