Mateus 23:5 - O Novo Testamento na língua Kaingáng

⁵ Ag tỹ nén ũ há han kỹ ag tóg tỹ ũn mág nỹtĩ sór mũ sir, vẽnh kar tỹ ag ve jé. Ag tỹ Topẽ mré vĩ jé ag tóg, ti vĩ rá tỹ ag nĩgé tógfĩg tĩ, ag kakã ke gé. Vẽsógfĩn ja tãpér tỹ ag tóg vẽsógfĩg tĩ. Topẽ jykre han jé ag tóg kur tóv mág tu tĩ gé.

Mateus 23:5 Iomraidhean Croise

Mateus 9:20

Ag mũ ra ũ fi tóg, ti tá jun mũ, ũn kaga ũ fi. Kyvénh krỹg ja tũ han kỹ fi tóg nĩ, prỹg tỹ 12 (ke) ki.

Lucas 16:15

Hã ra tóg ag mỹ: “ẽprã ke ag mỹ ãjag tóg tỹ ũn jykre há nỹtĩ ve nĩ,” he mũ. “Hã ra Topẽ vỹ ãjag tỹ nén to jykrén mũ ẽn vég nĩ, ti mỹ ãjag tóg kavéj nỹtĩ,” he tóg. “Ẽprã ke mỹ nén sĩnvĩ nĩ ve tóg Topẽ mỹ kórég nĩ,” he tóg.

Lucas 20:47

“Hã ra ag tóg ũn mén ter ja fag tũ mãn kãn tĩ. Kar kỹ ag tóg ón kỹ Topẽ mré vĩ mág han mũgtĩ, ẽg tỹ ag to: “ũn há vỹ tỹ ag nỹtĩ,” he jé. Hã to ag vẽsỹrénh mág tãvĩ han ke mũ,” he tóg, Jesus ti.

João 12:43

Ẽprã ke ag tỹ ag to vĩ há han mũ tag vỹ ag mỹ sér tĩ, kỹ Topẽ tỹ ag mỹ vĩ há han mũ vỹ ag mỹ pãgsĩ nĩ.

João 5:44

Inh ki ge sór tũ ãjag nỹtĩ, ãjag tỹ ẽprã ke ag vĩ jẽmẽn kỹ. Ag tỹ ãjag mỹ vĩ há han kỹ tóg ãjag mỹ sér tĩ. Kỹ ãjag tóg Topẽ tỹ ãjag mỹ nén tónh ke mũ mĩ ẽkrég tũ nĩgtĩ. “Inh jykre mỹ ti mỹ há nĩ vỹ?” he sór tũ ãjag nĩ.

João 7:18

Ũ tỹ vẽsóg ki ti tỹ nén to jykrén mũ ẽn tó kỹ tóg tỹ ũn mág nĩ sór mũ. Hã ra sóg ũ tỹ inh jẽnẽg mũ ẽn to: ũn mág vỹ tỹ ti nĩ, he mũ. Inh pijé vẽjykre vẽnh mỹ tó tĩ'.

Filipos 1:15

Ũ ag tóg iso jũ nỹtĩ, ha kỹ ag tóg Jesus tó tĩ, ag tỹ inh ri ke han sór kỹ. Kỹ ũ ag tóg iso há nỹtĩ, hã kỹ ag tóg ti tó tĩ sir.

Filipos 2:3

Vẽsỹ ũn mág han sór tũg nĩ. Jagnẽ kãfór han sór tũg nĩ. “Tỹ inh ũn sĩ nĩ,” hem nĩ. Jagnẽ mỹ: “inh kãfór ti nĩ,” hem nĩ gé.

2 Tessalônica 2:4

Topẽ vĩ mranh tĩ pẽ vẽ. Hã kỹ Topẽ vỹ nũgme ki ti fón ke mũ. Ẽn vỹ tóg Topẽ kato tẽnh ke mũ ver, vẽnh kãgrá tỹ topẽ kato ke gé. Kỹ tóg vãhã sir Jerusalem tá Topẽ ĩn krẽm rãnh mũ, Topẽ nĩg ja ẽn tá tóg nĩnh mũ. Kỹ tóg vẽso: “tỹ sóg Topẽ nĩ,” henh ke mũ, ón kỹ.