Mateus 23:4 - O Novo Testamento na língua Kaingáng

⁴ Ãjag mỹ ag tóg, vẽjykre kufy vin tĩ, hã ra ag hã tóg han sór tũ nĩgtĩ, vẽjykre kufy ẽn ti.

Mateus 23:4 Iomraidhean Croise

Mateus 23:23

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ ãjag ve kónãn,” he tóg. “Ón kỹ ãjag tóg, Topẽ mỹ ãjag jakré ki dízimo vin tĩ. Ãjag jakré tỹ hortelã tỹ 10 (ke) nỹtĩn kỹ ãjag tóg Topẽ mỹ ũn pir nĩm tĩ, ãjag jakré tỹ erva doce tỹ ke gé, ãjag jakré tỹ cominho tỹ ke gé. Há ti nĩ vẽ. Hã ra ãjag tóg, ti tỹ ẽg jyvẽn mũ ẽn han tũ nĩgtĩ. Vẽjykre kuryj han tũ ãjag tóg nĩgtĩ. Ũn jagtar ag jagãgtãn tũ ãjag tóg nĩgtĩ. Topẽ vĩ kri fig tũ ãjag tóg nĩgtĩ. Ãjag tỹ ti vĩ ki króm mré hã ãjag jakré ki dízimo vin ra tóg, há tĩ vẽ, ha mẽ. Hã ra ãjag tóg ki króm sór tũ nĩgtĩ.

Mateus 23:3

Ag vĩ ki króm nĩ. Ag tỹ nén han mũ ri ke han tũg nĩ jãvo, ag jykre kórég ẽn han tũg nĩ. Ãjag kanhrãn há han ag tóg tĩ, hã ra ag tóg ki króm sór tũ nĩgtĩ.

Lucas 11:46

Kỹ tóg: “ón kỹ ẽg kanhrãn tĩ',” he mũ. “Hỹ, Topẽ vỹ ãjag ve kónãn gé,” he tóg. “Vẽnh kar mỹ ãjag tóg vẽjykre kufy nĩm tĩ. Ti kufy jagy nĩn kỹ ãjag tóg han sór tũ nĩgtĩ. Ge ra ãjag tóg ag mỹ: “ki króm nĩ,” he tĩ.

Han Kãme 15:10

Topẽ tỹ há vẽ. To: vẽnh mỹ ti nĩ, he tũg nĩ. Ag mỹ ãjag tóg vẽjykre jagy ẽn nĩm sór mũ, ti tỹ ẽg mỹ han jagy ja ra. Ẽg jógjóg ag mỹ tóg han jagy ja nĩ, kỹ tóg ag mỹ ag tỹ ki króm tũ nĩnh ha mẽ tĩ, ẽg mỹ ke gé. Hã ra ãjag tóg ag mỹ nĩm sór mũ.

Han Kãme 15:28

Ãjag mỹ ẽg vẽjykre jagy ẽn nĩm tũ nĩ. Topẽ kuprĩg vỹ ẽg mỹ tó tũ nĩ. Tag hã han jé ãjag tóg ke mũ, ha mẽ:

Galácia 6:13

Ha vé, ag tỹ ag fár kym ja ra ag tóg Topẽ tỹ vãsỹ ẽg jyvẽn ja ẽn han kãn tũ nĩgtĩ. Ge ra ag tóg ãjag mỹ “ha ké,” he tĩ, vẽnh kar ag tỹ ag to vĩ há han jé.

1 João 5:3

Ẽg tỹ Topẽ to há nỹtĩ sór kỹ ẽg tóg ti vĩ ki króm ke mũ gé. Ti to há nĩ to ken hã vẽ. Ti vĩ pijé kufy nĩ', ẽg tỹ nén ki króm ke ti.

Nén Venh Ke 2:24

Ãjag kã mĩ ũ ag tóg hã ra fi jykre han ja tũ nĩgtĩ, ag tỹ Tiatira tá nỹtĩ ra. Ag pijé fi tỹ vẽjykre han mũ han ja nĩ'. Ag tỹ nén ũ to: “Satanás jykre jagy,” he mũ ẽn han sór ja tũ ag nĩgtĩ. Hã kỹ sóg ag mỹ nén ũ jagy tónh ke tũ nĩ gé.