Mateus 23:15 - O Novo Testamento na língua Kaingáng

¹⁵ “Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ãjag ne tóg kuvar há ra mũ tĩ', ga mĩ, goj mĩ ke gé, ãjag tỹ ũ tỹ Israel ag jykre han sór mũ ũ jãvãnh jé. Ãjag tỹ ũ ven kỹ ãjag tóg ti tỹ Japo krẽ han mũ sir, ti tỹ ón kỹ Topẽ vĩ mẽ jé, ãjag ri ke, ti tỹ ãjag mré nũgme ki kutẽ jé. Kỹ ti jykre pãno vỹ ãjag jykre pãno kãfór nỹ sir,” he tóg, Jesus ti.

Mateus 23:15 Iomraidhean Croise

Mateus 23:13

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.

Mateus 3:7

Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?

Mateus 5:22

Sỹ ũri ãjag jyvẽn hã vẽ, ha mẽ. Ã tỹ ã régre to ã fe tỹ gỹm ke kỹ tóg ã tỹ ti tén ri ke nĩ, fi ke gé. Ag tỹ tag to ã se kỹ tóg inh mỹ há tĩnh mũ. Kỹ ã régre mỹ féfén tũg nĩ gé. Jãvo ã tóg, nũgme ki kutẽnh ke mũ, pĩ ẽn ki,” he tóg.

Mateus 5:29

à tỹ nén ũ ki vẽ'ĩ tugrĩn Topẽ vĩ mranh kỹ ã kanẽ tỹ nám kem nĩ, ã tỹ ki vẽ'ĩ mãn tũ nĩ jé. à kyvó nĩn kỹ tóg, ã mỹ jagy tĩ vẽ. à tỹ hã ra nũgme ki kutẽ kỹ tóg, ti jagy kãfór nĩ. Kỹ tag hã ve sór tũg nĩ.

João 8:44

Japo krẽ vỹ tỹ ãjag nỹtĩ, kỹ ãjag tóg ti tỹ nén tó mũ ẽn hã han tĩ. Topẽ tỹ ẽprã ke ag hynhan ẽn kã tóg ag kãgtén sór tĩgtĩ, Japo ti. Vãsỹ ti jykre vẽ, kỹ tóg ũri tỹ ti jykre nĩ gé ver. Ti pijé ki hã tó tĩ'. Ki hã tó to ti kórég pẽ nĩ, Japo ti. Vẽnh ó vỹ tỹ ti tũ pẽ nĩ. Ti hã vỹ tỹ ũn ón tĩ ag jóg kar nĩ.

Han Kãme 13:10

Kỹ tóg: “tỹ ã tóg ũn ón mé nĩ,” he mũ. “Jykre pãno ã nĩ. Japo kósin vỹ tỹ ã nĩ, vẽjykre kuryj kato tẽ ã nĩ. Hã kỹ ã tóg vẽjykre pãno to krónh ke tũ nĩgtĩ.

Han Kãme 13:43

Kỹ Judeu tỹ hẽn ri ke ag tóg Paulo ag nón mũ mũ. Fóg ag tóg ag nón mũ mũ gé, fóg tỹ Judeu jykre han mũ ag, ũ tỹ Topẽ kamẽg mũ ag. Kỹ Paulo ag tóg ag jyvẽn mũ, ag tỹ Topẽ to tar nỹtĩ jé, ag tỹ ti tỹ ẽg jagãgtãn to jykrén kỹ nỹtĩ jé.

Han Kãme 14:19

Kar kỹ ẽmã tỹ Antioquia tá ke ag tóg tá junjun mũ, ẽmã tỹ Icônio tá ke ag ke gé. Judeu ag vẽ. Ẽn ag tóg vẽnh kar krĩn kónãn mũ, kỹ ag tóg Paulo pin mũ, pó tỹ. “Ter ti huri,” he ag tóg mũ sir. Kỹ ag tóg ti raran kỹ ẽmã fyr tá ti fón mũ sir.

Han Kãme 14:2

Kỹ Judeu tỹ Jesus ki ge jãvãnh ag tóg fóg ag krĩn kónãn mũ sir, Jesus mré ke ag to.

Han Kãme 17:13

Kỹ Judeu ag tóg mẽg mũ, Tessalônica tá. Paulo tỹ Beréia tá Topẽ vĩ tó mẽg ag tóg mũ sir. Kỹ ag tóg Beréia tá junjun mũ, ag tỹ tá vẽnh kar jũgjũ han jé.

Han Kãme 2:10

Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé.

Han Kãme 6:5

Ag vĩ vỹ vẽnh kar mỹ há nĩ ha, kỹ ag tóg Estêvão fẽg mũ sir, ũ tỹ Jesus ki rã kỹ jẽ ẽn ti, kỹ Topẽ kuprĩg vỹ tỹ ti jagrẽ nĩ. Ti mré ag tóg Filipe fẽg mũ gé, Prócoro ke gé, Nicanor ke gé, Timom ke gé, Pármenas ke gé, Nicolau ke gé, ẽmã tỹ Antioquia tá ke tag ti, fóg tỹ Judeu jykre han mũ tag ti.

Galácia 4:17

Ũ ag tóg ón kỹ ãjag mỹ vĩ há han sór mũ. Ag tỹ ãjag tỹ inh kato tẽ han sór vẽ, ãjag tỹ ag hã nón mũ jé sir, isovãnh kỹ.

Galácia 6:12

Ũ ag tóg: “ãjag fár kym nĩ,” he tĩ. Ag tỹ vẽsỹ ũn mág han sór vẽ, ha mẽ. Judeu ũ ag tóg ẽg to jũ tĩ, ẽg tỹ fóg ag mỹ: Judeu jykre han tũg nĩ,” hen kỹ. Hã ra ag tóg inhhã ag tỹ ag vóg kónãn kamẽg mũ. Cristo tỹ krunh to sa ja ra ag tóg ag vẽsỹrénh ke kamẽg mũ. Ag vĩ jẽmẽ tũg nĩ.

Éfeso 2:3

Vãsỹ ẽg tóg tỹ ti tũ nỹtĩ ja nĩgtĩ gé, ti krẽ ag ri ke. Ẽn kã ẽg tóg ẽg tỹ nén to én mũ ẽn han ja nĩgtĩ, ẽg tỹ nén to jykrén mũ kar ẽn ti. Kỹ Topẽ tóg ẽg vóg kónãn mũ vẽ, ti tỹ ag vóg kónãn ke ẽn ri ke.