Mateus 22:8 - O Novo Testamento na língua Kaingáng

⁸ Kỹ tóg ti tũ ag mỹ: “inh fénhta vỹ kar kỹ nĩ ha,” he mũ. “Hã ra ag tóg kãmũ jãvãnh nỹtĩ, ag jykre kórég nỹtĩn kỹ.

Mateus 22:8 Iomraidhean Croise

Mateus 22:7

Kỹ pã'i mág tóg ag to jũ mũ. Kỹ tóg ti porisa ag jẽgnẽ kỹ ag kãgtén mũ gé sir, ũ tỹ ti to é he mũ ẽn ag. Ag ĩn kugprũg ag tóg mũ sir.

Mateus 22:9

Ha ẽpry ra mũjẽg, ẽmĩn vẽnh kãpóv ja ra ke gé. Ãjag tỹ ũ ve kỹ ti mỹ inh fénhta ti tóm nĩ,” he tóg, pã'i mág ti.

Mateus 9:15

Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.

Lucas 20:35

“Ag kã ũ ag tóg ag kãgter ja tá rĩnrĩr mãn ke mũ, ti kurã tá krỹg kỹ. Ẽn ag vỹ prũg mãn ke tũ nĩ sir, mén mãn ke tũ fag tóg nĩ gé sir, rĩnrĩr mãn kỹ.

Lucas 21:36

Hã kỹ ãjag kanẽ nĩm nĩ, nũr sór tũg nĩ. Inh kãtĩg ke kã jatu to ken hã vẽ, hã vỹ: nũr, he mũ. Topẽ mré vĩ to krónh ke tũg nĩ, ãjag tỹ nén ũ jagy ẽn vég mũ ra tar nỹtĩ jé. Kỹ ãjag tóg ẽprã ke fi kósin rĩnja tá nỹtĩnh ke mũ sir. Mỹ'ãg ke tũ ãjag nĩn sir, isỹ vẽnh kar jykre tugnỹm ke kurã ẽn kã,” he tóg, Jesus ti.

Han Kãme 13:46

Hã ra Paulo ag tóg ag kamẽg tũ nĩ. Ag mỹ ag tóg: “ãjag hã mỹ ẽg tóg tó vén, Topẽ vĩ ti,” he mũ, “ti tỹ ẽg mỹ: Judeu ag mỹ tó vén, hen kỹ. Hã ra ãjag tóg mẽ jãvãnh nỹtĩ, kỹ ãjag tóg ẽg rĩr krỹg ja tũ venh ke tũ nĩ. Hã kỹ ẽg tóg sir fóg ag hã mỹ tónh ke mũ, Topẽ vĩ ti,” he ag tóg.

2 Tessalônica 1:5

Hã tugrĩn ẽg tóg Topẽ jykre kuryj ki kanhró nỹtĩ, ãjag tỹ ti tovãnh tũ nĩn kỹ. Jagtar ãjag tóg mũ, hã ra ãjag tóg ti tovãnh tũ nĩgtĩ. Ti tỹ tỹ ẽg pã'i nĩ ve jé ãjag tóg ke mũ, ha vem nĩ.

Nén Venh Ke 22:14

“Ũ ag tóg ag jykre kugrynh sór tĩ. Hã kỹ ag tóg ẽg tỹ ẽg kur kygfa ri ke han tĩ. Ẽn ag mỹ tóg vĩ há han ke mũ, Topẽ ti. Ka kanẽ tỹ ẽg rĩnrĩr han tĩ ẽn ko jé ag tóg ke mũ. Kỹ ag tóg ẽmã ẽn jãnkã ra genh ke mũ gé.

Nén Venh Ke 3:4

Ãjag kã mĩ ũ ag tóg hã ra vẽnh kavénh ja tũ nĩ, Sardes tá. Tag ag vỹ kur kupri ẽn rĩnh ke mũ. Inh mré ag nỹtĩnh ke mũ.