Mateus 22:5 - O Novo Testamento na língua Kaingáng

⁵ Ge ra ag tóg kãmũ sór tũ nĩ. Ũ tóg ti japỹ ra tĩ mũ, jó ũ tóg ti tỹ nén han sór mũ nón tĩ mũ gé, pã'i ẽn to é he kỹ.

Mateus 22:5 Iomraidhean Croise

Mateus 13:22

Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.

Mateus 22:4

Kỹ tóg: “hẽn ri ke mũn ag mẽ há han tũ nĩ, ti kurã ti,” he mũ. Kỹ tóg ag mỹ vẽnh vĩ jẽnẽ mãn mũ, ag mỹ: “ũri ke vẽ,” he jé.

Mateus 22:6

Ũ ag tóg ti tỹ ũn jẽnẽg mũ ag kugmĩ kỹ ag vóg kónãn mũ. Ũ ag kãgtén ag tóg mũ sir, mỹr, ha mẽ.

João 2:16

Ũ tỹ sórãg vẽne he tĩ ag mỹ tóg: “ãjag tũ ma mũjẽg,” he mũ. “Inh panh ĩn krẽm nĩgóso han sór tũg nĩ. Bodega pijé', inh panh ĩn ti,” he tóg.

Han Kãme 2:13

Ũ ag tóg hã ra nyg mũ. “Kronkron kỹ ag kãgter nỹtĩ mỹr,” he ag tóg.

Han Kãme 24:25

Kỹ tóg fag mỹ vẽjykre kuryj kãmén há han mũ sir. Ẽg tỹ vẽso jykrén kỹ nén ũ vẽnh mỹ han ke tũ kãmén tóg mũ gé. Topẽ tỹ kar kỹ ẽg jykre tugnỹm ke tó tóg mũ. Kỹ Félix tóg jũrũn' ke mũ sir, ti tỹ ti jykre pãno to jykrén kỹ. Kỹ tóg ti mỹ: “ha ver tĩg. Kejẽn sóg ã ki jẽmẽ mãn mũ gé,” he mũ.

Roma 2:4

Ver tóg ẽg to há nĩ, ver tóg ẽg to fen nĩnh mũ, ver tóg jũ vãnh nĩ, Topẽ ti. Ti tỹ ẽg tỹ ẽg jykre kórég tovãnh ve sór vẽ, hã kỹ tóg ver ẽg to há tãvĩ nĩ. Hã ra tóg ag mỹ tỹ nén ũ tũ nĩ ve nĩ.

Roma 8:6

Ẽg tỹ nén to én mũ ẽn han kỹ ẽg nũgme ki vár ke mũ vẽ. Ẽg tỹ Topẽ kuprĩg tỹ ẽg mỹ nén tó mũ ẽn han kỹ ẽg tóg vẽjykre tãg han kỹ nỹtĩ. Kỹ ẽg jatun mỹ mũgtĩ sir.

2 Timóteo 3:4

Ag régre ag vatánh tá ag tóg ag to vĩ kónãn ke mũ gé. Ũ tỹ ag jykre kórég to ag vóg kónãn ke tag kamẽg ke tũ ag nĩ. Vẽso ag tóg: “vẽnh kar kãfór vỹ tỹ inh nĩ,” henh ke mũ gé. Ag tỹ Topẽ to há nỹtĩnh ke vẽ vẽ. Hã ra ag tóg ag tỹ nén to én mũ ẽn hã han sór ke mũ.

Hebreu 2:3

Kỹ ẽg tóg ũri kren ke tũ nĩ gé, ẽg tỹ ti to é hen kỹ. Nén ũ mág pẽ vẽ mỹr, Topẽ tỹ ẽg krenkren han sór mũ tag ti. Ẽg Senhor vỹ ti mré mũ tĩ ag mỹ tó vén. Ũ tỹ ti vĩ mẽg mũ ag vỹ ẽg mỹ tó ja nĩgtĩ gé. Hã kỹ ẽg tóg ki kanhró nỹtĩ ha.

2 Pedro 2:3

Ag tỹ jãnkamy mág ve sór vẽ, hã kỹ ag tóg ón kỹ vẽme sĩnvĩ tó sór mũ, ag tỹ ãjag lograr he jé. Hã ra ũ tỹ ag vóg kónãn ke mũ ẽn tóg ag vég tĩ. Ag tỹ tũ' he jé tóg ke mũ, kãnhmar, ha vem nĩ.