Mateus 22:44 - O Novo Testamento na língua Kaingáng

⁴⁴ ẽg jóg tỹ Topẽ vỹ inh Senhor mỹ: “nĩ ra ver, inh pẽgja tá,” he ja nĩ. “Sỹ ver ã kato vãsãnsãn mũ ag sigsenh ke vẽ,” he ja tóg nĩ, Topẽ ti, he tóg, Davi ti.

Mateus 22:44 Iomraidhean Croise

Mateus 22:45

Hã kỹ Davi tóg Cristo to: “inh Senhor,” he ja nĩ. Ti tỹ tỹ ti krẽ'krẽ nĩ ra ti mỹ tỹ ti kri ke nĩnh mũ vẽ'?“ he tóg, Jesus ti.

Mateus 26:64

Kỹ Jesus tóg: “ki hã ã tóg tó mũ,” he mũ. “Kỹ sóg ãjag mỹ tag tó mũ gé, ha mẽ. Ẽprã ke fi kósin vỹ tỹ inh nĩ,” he tóg. “Kỹ ãjag tóg ũ tỹ nén ũ kar han mũ ẽn pẽgja tá inh venh ke mũ. Kanhkã góg kã mĩ sóg kãtérenh ke mũ gé,” he tóg.

Marcos 16:19

Kar kỹ Jesus tóg kanhkã ra tãpry mũ sir, kỹ tóg tá jun kỹ Topẽ pẽgja tá nĩ mũ.

Lucas 19:27

“Kỹ inh kato tẽ mũ ag tatĩ kãmũm nĩ, ũ tỹ iso: “ti tỹ ẽg kri tỹ pã'i jẽn kỹ tóg ẽg mỹ kórég nĩ,” he mũ ẽn ag. Ag kãgtén ra, inh rĩnve,” he tóg, pã'i ti,” he tóg.

João 20:28

Kỹ Tomé tóg ti mỹ: “inh Senhor,Topẽ',” he mũ.

1 Corinto 1:2

Corinto tá ãjag tóg vẽnh mãn tĩ, Topẽ vĩ mẽ jé. Topẽ tũ vỹ tỹ ãjag nỹtĩ. Ãjag jé tóg prẽr, ãjag tỹ tỹ Jesus Cristo mré ke nỹtĩn jé. Vẽnh kar mỹ ke vẽ gé, vẽnh rá tag ti, ũ tỹ hẽ tá ẽg Senhor tỹ Jesus Cristo jiji tó tĩ ag mỹ, fag mỹ ke gé. Vẽnh kar Senhor vẽ, kỹ tóg tỹ ẽg Senhor nĩ gé.

Filipos 3:8

Kỹ, hã vẽ. Inh jykre si kar tóg inh mỹ kórég nĩ, ũri, ti tỹ inh kókén kỹ. Nén pir hã ne há nĩ, hã vỹ: isỹ ẽg Senhor tỹ Jesus Cristo ki kanhró nĩ jé, he mũ. Hã kỹ sóg inh jykre si ẽn tovãnh kãn, isỹ Cristo hã ki rã kỹ jẽn kỹ.

Hebreu 1:13

Hã ra Topẽ pijé ti tỹ jẽnẽ jafã ag kã ũ mỹ: “inh pẽgja tá nĩ,” he ja nĩ'. Ti kósin hã mỹ tóg: “nĩ ra ver, inh pẽgja tá, sỹ ã kato vĩ mũ ag tỹ ã krẽm vin jé,” he ja nĩ.

Hebreu 1:3

Ẽg tỹ Topẽ kósin ve kỹ ẽg tóg Topẽ tỹ tỹ ũn mág nĩ ki kanhró nỹtĩ. Ti ri ke pẽ ti nĩ. Ti vĩ vỹ tar nĩ. Kỹ tóg tỹ ẽg tỹ nén vég mũ kar tag ki rĩr tĩ. Ti hã vỹ ẽg tỹ Topẽ vĩ mranh ẽn tỹ tũ' he tĩ, kỹ tóg ẽg jãnhkrig kỹ ẽg fẽg ke mũ. Ẽg jagfy ter kar kỹ tóg Topẽ pẽgja tá nĩ nĩ, ũn tỹ vẽnh kar tar kãfór nĩ ẽn pẽgja tá.

Hebreu 12:2

Jesus hã mĩ ẽkrén nĩ. Ti hã vỹ ẽg tỹ Topẽ ki rã han. Kỹ tóg ẽg tỹ ti tovãnh ke tũ han ẽn ki kanhró nĩ gé. Krunh to sa kỹ tóg ter mỹr. Ag tỹ ti to é he mũ ra tóg ti mỹ tỹ nén ũ tũ tĩ. Ti tỹ kar kỹ nén venh ke ẽn mĩ tóg ẽkrén ja nĩ, nén tỹ ti mỹ sér nĩnh ke ẽn mĩ. Hã kỹ tóg ũri Topẽ pẽgja tá nĩ nĩ.

Nén Venh Ke 19:19

Kỹ sóg goj kã tá mĩg ẽn ve mãn mũ gé, ẽprã pã'i kar ag ke gé, ag soldado ag mré hã. Vẽnh mãn kỹ ag tóg nỹtĩ, ag tỹ ũ tỹ kãvãru kupri kri nĩ ẽn kato vãsãnsãn jé, ag tỹ ti krẽm ke ag kato vãsãnsãn mág han jé.