Mateus 22:16 - O Novo Testamento na língua Kaingáng

¹⁶ Kỹ ag tóg Jesus to ũ ag jẽgnẽg mũ, pã'i mág tỹ Herodes mré ke ũ ag mré hã, ag tỹ ón kỹ ti ki jẽmẽ jé. “Senhor,” he ag tóg mũ. “Ã jykre kuryj nĩn kỹ ã tóg, Topẽ to ẽpry ki ẽg kanhrãn há han tĩ. Ũ tỹ vẽjykre há hã han ve ra ã tóg, ti jykre ki kanhró kar nĩ.

Mateus 22:16 Iomraidhean Croise

Mateus 22:24

Kỹ ag tóg: “Senhor,” he mũ gé. “Moisés tỹ ẽg mỹ vẽjykre nĩm kỹ tóg: “ã régre tỹ krẽ tũ ra ter kỹ ã tỹ ti prũ fi tỹ prũg ke vẽ. Ã tỹ ã régre mỹ ã krẽ han ke vẽ, fi ki,” he ja nĩgtĩ.

Mateus 22:26

hã ra tóg ti kósin tũ ra ter mũ gé, ti jãvy ũ ke gé, hã ki ag kar vỹ, kósin tũ ra kãgter kãn mũ sir.

Mateus 26:18

Kỹ tóg ag mỹ: “ẽmã mág ẽn ra ũ tỹ ẽg to há nĩ ẽn venh mũjẽg,” he mũ. “Ti mỹ: “ẽg Senhor vỹ ã mỹ: inh kurã vỹ kakó tĩ ha, kỹ tóg sỹ ã ĩn krẽm Páscoa konh há tĩ, inh mré mũ tĩ ag mré, he ti,” hem nĩ ti mỹ,” he tóg.

Mateus 26:49

Hã kỹ tóg vẽsỹmér Jesus to grẽn ke kỹ ti mỹ: “ã mỹ há, Senhor'?“ he mũ. Kỹ tóg ti ki nhun ke mũ, Judas ti.

Marcos 10:17

Kỹ Jesus tóg tĩg mãn mũ gé sir. Hã ra kyrũ ũ tóg ti to vẽnhvãg kãtĩ mũ, kỹ tóg ti jakrĩ tỹ jẽ mũ, kỹ tóg ti mỹ: “Senhor, hapẽ ã tóg jẽ,” he mũ. “Sỹ inh rĩr krỹg ja tũ venh há tóg tĩ. Kỹ inh hỹn vẽjykre há tỹ ne han mũ?“ he tóg.

Marcos 12:13

Hã ra ag tóg ti to Fariseu ũ ag jẽgnẽg mũ gé sir, pã'i tỹ Herodes mré ke ũ ag ke gé, ag tỹ ti vĩ to ti se jé.

Marcos 12:14

Ag tỹ ti tá junjun kỹ ag tóg ón kỹ ti mỹ: “Senhor, ã jykre kuryj nĩ ki kanhró ẽg nỹtĩ,” he mũ. “Vẽjykre pir hã han ã tóg tĩ, vẽnh kar mỹ. Hã kỹ ã tóg Topẽ japry to ẽg kanhrãn há han tĩ. Mỹ há nỹ', ẽg tỹ governo mỹ jãnkamy nĩm ke ti', imposto kajãm ke ti'?

Marcos 3:6

Kỹ vãhã Fariseu ag tóg mũ mũ sir, jagnẽ mré ti to jykrén jé, pã'i mág tỹ Herodes mré ke ag mré ke gé. “Ẽg hỹn hẽ ri ken kỹ ti tén mũ?“ he ag tóg mũ.

Marcos 8:15

Hã ra tóg ag mỹ: “ha mẽ, Fariseu tỹ fermento há kamẽg nĩ. Herodes tỹ fermento há kamẽg nĩ gé,” he mũ.

Lucas 20:21

Kỹ ag tóg ón kỹ Jesus mỹ: “Senhor',” he mũ. “Vẽjykre kuryj hã tó ã tóg tĩ, hã kãmén ã tóg tĩ. Hã kỹ ẽprã ke ag ve tóg ã mỹ tỹ nén ũ tũ nĩ. Hã kỹ ã tóg Topẽ japry to ẽg kanhrãn há han tĩ,” he ag tóg.

Lucas 7:40

Hã ra Jesus tóg ki kanhró nĩ. Kỹ tóg ti mỹ: “Simão', sỹ ã mré vẽmén ke vẽ,” he mũ. Kỹ tóg ti mỹ: “ha tó,” he mũ.

João 14:6

Kỹ Jesus tóg ag mỹ: “ti to ẽmĩn vỹ tỹ inh nĩ,” he mũ. “Vẽnh vĩ há hã tó sóg tĩ. Inh hã vỹ ãjag rĩnrĩr han ke mũ. Ũ tỹ hã ra inh ki rã tũ nĩn kỹ tóg inh panh venh ke tũ pẽ nĩ.

João 18:37

Kỹ Pilatos tóg: “kỹ ã mỹ hã ra tỹ pã'i mág nĩ'?“ he mũ. Kỹ tóg: “ki hã ã tóg tó mũ,” he mũ. “Isỹ ki hã tó hã jé sóg ga kri mur kỹ, ga kri tĩ nĩ. Kỹ ũ tỹ ki hã tó to há nỹtĩ ẽn ag kar vỹ inh vĩ jẽmẽg mũ,” he tóg.

João 7:18

Ũ tỹ vẽsóg ki ti tỹ nén to jykrén mũ ẽn tó kỹ tóg tỹ ũn mág nĩ sór mũ. Hã ra sóg ũ tỹ inh jẽnẽg mũ ẽn to: ũn mág vỹ tỹ ti nĩ, he mũ. Inh pijé vẽjykre vẽnh mỹ tó tĩ'.

2 Corinto 2:17

Ha vé, ũ ag tóg Topẽ vĩ kãmén to jãnkamy ve sór tĩ, ke tũ nĩ kỹ ag tóg vẽsỹ ũn mág han tĩ. Ag jãvo inh pijé ti kaja ve sór tĩ'. Inh pijé vẽsỹ ũn mág han mũ'. Cristo ki rã kỹ sóg Topẽ rĩnve ti kãmén tĩ. Jykre pir han sóg tĩ mỹr. Ũ tỹ inh jẽnẽg mũ vỹ tỹ Topẽ ti nĩ.

2 Corinto 4:2

Hỹ, ũ ag tóg nén tỹ ẽg mỹ'ãg han tĩ ẽn han tĩ, kuty tá, ũ tỹ ag vég tũ nĩn jé. Vẽjykre tỹ ge tovãnh kãn inh huri. Ón kỹ sóg: “Topẽ vỹ tag tó ja nĩ,” he tũ nĩgtĩ gé. Ki hã sóg tó tĩ. Ũ tỹ isugnỹm mũ ẽn vỹ ki kanhrãn kãn ke mũ, inh jykre ki.

2 Corinto 5:16

Vãsỹ ẽg tóg, ẽg tỹ vẽsóg ki nén ũ to jykrén kỹ ẽprã ke jykre to: “tag vỹ há nĩ, tag vỹ kórég nĩ,” he ja nĩgtĩ. Ũri ẽg tóg, vẽsóg ki tag to jykrén mãn ke tũ nĩ ha. Cristo to ẽg vẽsóg ki jykrén mãn ke tũ nĩ gé.

Galácia 1:10

Vĩ tar han sóg tĩ, ẽprã ke kórég ag mỹ. Inh pijé ón kỹ ag mỹ vĩ há han sór mũ', ag tỹ iso há nỹtĩ jé'. Ag tỹ iso kórég nĩ tag tóg inh mỹ tỹ nén ũ tũ nĩ. Isỹ ẽprã ke ag jykre to jykrén ra inh hỹn Cristo tũ ki rĩr ke tũ nĩ vẽ. Hã ra sóg ti hã to jykrén tĩ. “Isỹ nén tó mũn mỹ há nĩ', mỹ kórég nĩ vó?“ he sóg tĩ, ti hã tỹ inh mỹ vĩ há han jé, Topẽ ti.

Galácia 2:6

Kỹ kófa ag tóg inh mỹ: “tó kãn ja tũ ã nĩ,” he ja tũ nĩ gé. Vãsỹ ag tóg tỹ kófa tũ ja nỹtĩgtĩ, ge ra sóg ag vĩ jẽmẽ sór tĩ, ha mẽ. Topẽ mỹ ti tỹ nén ũ tũ nĩ, ẽg tỹ ẽprã ke ag mỹ tỹ ũn mág nỹtĩ ti, tỹ ũn kãsir nỹtĩ ti ke gé.

1 Tessalônica 2:4

Topẽ hã ne inh jykre ve kỹ inh mỹ: “ha inh vĩ tó,” he ja nĩ'. Hã kỹ sóg tó mũ sir. Ẽprã ke ag tỹ iso vĩ há han tũ ra tóg inh mỹ tỹ nén ũ tũ nỹ. Topẽ tỹ iso vĩ há han ke tag hã tóg inh mỹ há nĩ'. Hã jé sóg ti vĩ hã ki króm sór mũ. Ti hã ne ẽg jykre ve kỹ ẽg ki kanhró nĩ', Topẽ ti.

Tiago 3:17

Ẽg tỹ hã ra Topẽ tỹ ẽg kanhrãn mũ han kỹ ẽg tóg jãnhkri nỹtĩ, kavéj tũ mỹr. Jagnẽ to ẽg tóg krĩ kusa nỹtĩ. Jagnẽ mỹ ẽg tóg komẽr hã vĩ tĩ gé. Jagnẽ jagãgtãn ẽg tĩ sir. Nén kar há han ẽg tĩ. Topẽ vĩ to ẽg tar nỹtĩ. Jykre régre tũ ẽg nỹtĩ.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.