Mateus 22:13 - O Novo Testamento na língua Kaingáng

¹³ Kỹ tóg: “ti mrĩnh ra, ti pẽn, ti nĩgé. Re tá ti fón,” he mũ. Re tán kuty nĩ. Tá ag tóg jagtar tĩ. Ag jã tỹ ag tóg gángán ke tĩ sir, vẽso jũgjũ kỹ.

Mateus 22:13 Iomraidhean Croise

Mateus 12:29

“Ẽg tỹ ũn jũ mẽ tũ mãn sór kỹ ẽg tóg ti se vén tĩ, ke tũ nĩ mũ ra tóg ti tũ ki rĩr ke mũ. Ẽg tỹ ti se kar kỹ hã ẽg tóg ti tũ mãn ke mũ sir,” he tóg. “Ge ti nĩgtĩ, sỹ nén han mũ ti. Japo vỹ tar nĩ. Hã ra sóg hur ti sé, hã kỹ sóg ti tũ ag kygvãn ke mũ sir. Ag jagrẽ kórég pan jé sóg ke mũ gé,” he tóg.

Mateus 13:30

Vãnh hỹn tóg inh jakré mré mog mũ gé. Kỹ sóg ẽg tỹ krenh ken kỹ ũ tỹ krég mũ ag mỹ: “vãnh kre vén nĩ,” henh ke mũ. “Kỹ tugfĩn nĩ, ẽg tỹ pũn jé. Kar kỹ ãjag tóg inh jakré krenh ke mũ, sỹ pãjó krẽm vin han jé,” he tóg, ag patrão ti,” he tóg, Jesus ti. Ti tỹ ũ tỹ ón kỹ Topẽ ki ge kỹ nỹtĩ ẽn ag tón hã vẽ.

Mateus 13:42

Ag génh kỹ ag tóg, pĩ gru mág ẽn ki ag vãm ke mũ sir. Tá ag tóg vẽsỹrénh tãvĩ han ke mũ. Ag jã tỹ ag tóg gyngyn kenh ke mũ, jũ kỹ, vẽsỹrénh kỹ ke gé.

Mateus 13:50

Ũn jykre pãno ag vãvãm jé ag tóg ke mũ, pĩ gru mág ẽn ki. Tá ag vẽsỹrénh ke vẽ sir. Ag jã tỹ ag tóg gyngyn kenh ke mũ, tỹ ag gangan kenh ke mũ, jũ kỹ, vẽsỹrénh kỹ,” he tóg, Jesus ti.

Mateus 24:51

Ti kãtĩg kỹ tóg ti kapãn mũ sir, kỹ tóg ti fón ke mũ gé, ũn jykre régre ag mré. Tá ag tóg jagtar ke mũ, ag jã tỹ ag tóg gyngyn kenh mũ, jũ kỹ, ũn jykre kórég ẽn ag,” he tóg, Jesus ti. Ti tỹ ũ tỹ ti rãnhrãj han kónãn mũ kãmén hã vẽ.

Mateus 25:30

“Kỹ inh camarada kórég tag fón, kutyg ja ẽn kã tá. Tá ag tóg jagtar tĩ, ag jã tỹ ag tóg gangan ke tĩ, vẽso jũ kỹ,” he tóg, patrão ti,” he tóg, Jesus ti, ti tỹ ti kãtĩg mãn ke kãmén kỹ.

Mateus 8:12

Ag jãvo Israel krẽ'krẽ ag tóg, kuty ki vár ke mũ. Ag tỹ ũ tỹ kanhkã tá nĩ ẽn tỹ tỹ ẽg pã'i nĩ venh ke vẽ vẽ, hã ra ag tóg venh ke tũ nĩ. Kỹ ag tóg vẽsỹrénh ke mũ, ag jã tỹ ag tóg gángán kenh mũ, vẽso jũn kỹ, fag ke gé,” he tóg, Jesus ti.

Lucas 13:28

Ãjag tỹ ra mũnh ke tá ãjag tóg vẽsỹrénh ke mũ, tá ãjag tóg ãjag jã tỹ gángán kenh ke mũ. Kór há tá ãjag tóg Abraão venh ke mũ, tá, Isaque ke gé, Jacó ke gé, Topẽ vĩ tó tĩ ag kar ke gé. Ẽn ag kar vỹ, Topẽ tỹ tỹ ẽg pã'i nĩ venh mũ sir, ãjag jãvo.

João 21:18

“Ã mỹ sóg ki hã tó mũ, ha mẽ. Ã kyrũ kã ã tóg ã kur rĩnh kỹ ã tỹ hẽn ra tĩg sór mũ ẽn ra tĩ' he ja nĩgtĩ. Kejẽn ã kófa nĩnh ke mũ. Ẽn kã ã tóg ag mỹ ã nĩgé tỹ vẽnh kri tỹ tam kenh mũ, kỹ ag tóg ã senh mũ, ha vem nĩ, kỹ ag tóg ã pére mũnh mũ, ã tỹ hẽ ra tĩg sór tũ ẽn ra,” he tóg, Pedro mỹ.

Han Kãme 21:11

Ẽn tóg Paulo vẽsógfĩn ja tỹ ti nĩgé sigség mũ, ti pẽn ke gé. Kỹ tóg: “Topẽ kuprĩg tỹ tón hã vẽ, ha mẽ: ũ tỹ vẽsógfĩn ja tag tỹ tũ nĩ ẽn se jé ag tóg ke mũ, Judeu ag. Kỹ ag tóg fóg ag mỹ ti fẽg ke mũ, he tóg, Topẽ kuprĩg ti,” he tóg, Ágabo ti.

Han Kãme 7:54

Ũ tỹ tá nỹtĩ ag tỹ ti vĩ mẽ kỹ ag fe tóg gỹm ke mũ. Kỹ ag tóg ag jã tỹ gángán ke mũ.

2 Tessalônica 1:9

Ag vóg kónãn jé tóg ke mũ. Kỹ ag vẽsỹrénh vỹ tũ' henh ke tũ nĩ. Ẽg Senhor mré ag nỹtĩnh ke tũ nĩ sir. Ti jykre há ẽn venh ke tũ ag nĩ, ti tỹ tỹ pã'i mág pẽ nĩ ẽn ti.

2 Pedro 2:17

Ón kỹ Topẽ vĩ tó tĩ ag vỹ goj nĩhỹg ja ki goj tũ ẽn ri ke nỹtĩ. Kanhkã góg ri ke ag tóg nỹtĩ gé. Kãka tỹ vẽjo vóg kỹ tỹ tũ' he ẽn ri ke ag nỹtĩ, ũ tỹ ón kỹ Topẽ vĩ tó tĩ ag. Topẽ vỹ kuty tãvĩ tá ag vin ke mũ.

2 Pedro 2:4

Topẽ tỹ jẽgnẽ jafã ũ ag vỹ Topẽ vĩ mranh. Ẽn ag vóg kónãn tóg huri, ag pijé krenkren'. Nũgme ki tóg hur ag vãm, Topẽ ti. Tá ag tóg sigse kỹ nỹtĩ, ferro tỹ corrente tỹ. Tá tóg kuty nỹ. Tá ag tóg Topẽ tỹ vẽnh kar jykre tugnỹm ke kurã ẽn jãvãnh nỹtĩ.

Judas 1:13

Kejẽn goj kafã tũ tóg krém ke mũ, kỹ tóg jẽngéj tĩ. Tag ri ke ag nỹtĩ gé. Ti jẽngéj vỹ tỹ ag jykre pãno nĩ. Vẽnh ven ti tĩ. Krĩg tĩ tĩ ri ke ag tóg nỹtĩ gé. Sĩnvĩ nĩ ve tóg nĩ, krĩg ti. Hã ra tóg ón kỹ tĩ tĩ. Tag ri ke ag nỹtĩ. Topẽ vỹ kuty ki ag vãm ke mũ, kỹ ag tóg tá kãpa mãn ke tũ pẽ nĩ, ũ tỹ Topẽ to ón mũ ag.

Judas 1:6

Kỹ kanhkã tãn ag vỹ ge ja nĩgtĩ gé. Ag kã mĩ ũ ag tóg Topẽ tỹ ag mỹ nén nĩm ja ẽn tovãnh. Ag jamã tovãnh ag tóg. Kỹ Topẽ vỹ ag sigsé, kỹ tóg ẽmã kuty tá ag vin. Ag se vỹ tũ' henh ke tũ nĩ. Topẽ tỹ ẽg kar jykre tugnỹm ke kurã ẽn kã tóg ag jykre tugnỹm ke mũ gé.

Nén Venh Ke 21:27

Hã ra nén ũ kórég vỹ kãrãnh ke tũ pẽ nĩ. Ũ tỹ vẽjykre pãno han mũ ag vỹ ra genh ke tũ nĩ, ũn ón mũ ag ke gé. Ũn jygji tỹ livro ki ránrán kỹ nỹtĩ ẽn ag hã vỹ ra genh ke mũ. Ũ tỹ rĩr krỹg ja tũ vég mũ ẽn ag jygji vỹ ránrán kỹ nỹtĩ, cordeiro livro ẽn ki.