Mateus 22:11 - O Novo Testamento na língua Kaingáng

¹¹ Kỹ pã'i mág tóg kãrã mũ sir, ag vigve jé. Kỹ ũ tóg tá jẽ nĩ, hã ra tóg fénhta to kur tu tũ nĩ.

Mateus 22:11 Iomraidhean Croise

Mateus 13:30

Vãnh hỹn tóg inh jakré mré mog mũ gé. Kỹ sóg ẽg tỹ krenh ken kỹ ũ tỹ krég mũ ag mỹ: “vãnh kre vén nĩ,” henh ke mũ. “Kỹ tugfĩn nĩ, ẽg tỹ pũn jé. Kar kỹ ãjag tóg inh jakré krenh ke mũ, sỹ pãjó krẽm vin han jé,” he tóg, ag patrão ti,” he tóg, Jesus ti. Ti tỹ ũ tỹ ón kỹ Topẽ ki ge kỹ nỹtĩ ẽn ag tón hã vẽ.

Mateus 22:10

Kỹ ag tóg mũ mũ sir. Vẽnh kar mỹ ag tóg tó mũ, ũn jykre há ag mỹ, ũn jykre kórég ag mỹ ke gé. Hã kỹ tóg fór mũ sir, clube ti.

Mateus 3:12

“Ti kãtĩg vỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ. Ti kanẽ hã vin han ẽg tóg tĩ. Cristo kãtĩg kỹ tóg ge nĩnh mũ. Ti to há nỹtĩ ag mỹ tóg: “ha kãmũ jẽg,” henh ke mũ. Kỹ tóg ti to há tũ ag vãm ke mũ, pĩ ki, hã ra tóg nhyn kenh ke tũ pẽ nĩ,” he tóg, João ti.

Roma 13:14

Ẽg Senhor tỹ Jesus Cristo jykre tãg hã han nĩ. Ẽg tỹ nén to én mũ ẽn han mãn sór tũg nĩ. Ẽg jykre pãno kórég tovãnh kãn nĩ.

1 Corinto 4:5

Kỹ ũ jykre to vĩ sór tũg nĩ, kurã tỹ ẽgno to hã, ẽg Senhor kãtĩg ke to hã. Ti ha ne nén kar vẽnh ven han kãn ke mũ', ẽg tỹ vẽnh vatánh tá nén han mũ mré hã, ẽg tỹ kuty tá nén han mũ mré hã, ẽg tỹ nén ũ to jykrén mũ ẽn mré hã ke gé. Kỹ ẽg tóg mẽnh mũ sir, Topẽ tỹ ẽg mỹ vĩ há han ke ti. Vyrmỹ tóg ẽg mỹ tónh ke mũ, ẽg kar mỹ, ẽg tỹ nén han ja ti.

2 Corinto 5:3

Ẽg tỹ kur tu kỹ ẽg kator tũ nỹtĩ. Kanhkã tá ẽg jamã vỹ ẽg mỹ kur ri ke nĩ, ẽg tỹ ẽg fár tãg tun kỹ.

Galácia 3:27

Ti jiji tó kỹ ẽg kygpe kỹ nỹtĩ, kỹ ẽg tóg tỹ ti ri ke nỹtĩ ha.

Éfeso 4:24

Vẽjykre tãg hã han sórm nĩ, Topẽ tỹ ẽg mỹ vẽjykre tãg nĩm mũ ẽn ti. Kỹ ẽg tóg ti ri ke nỹtĩnh mũ. Kuryj ẽg nỹtĩnh mũ. Há ẽg nỹtĩnh mũ, ti há ri ke.

Nén Venh Ke 16:15

“Ha vé, ãjag tỹ nén ũ péju tĩ ẽn kãtĩg ri ke ti nĩnh mũ, inh kãtĩg mãn ke ti. Ãjag nũgnũr tũ nĩn kỹ tóg há tĩ, ãjag kur kynkar kỹ nỹtĩn kỹ. Kỹ mỹ sér nỹtĩm nĩ. Kỹ ãjag tóg kator nỹtĩnh ke tũ nĩ. Mỹ'ãg'ãg ke tũ ãjag nĩ, ũ ag tỹ ãjag vég mũ ra,” he tóg, ẽg Senhor ti, ẽg mỹ.

Nén Venh Ke 19:8

Fi kur kupri ẽn tu kỹ fi tóg jẽ nĩ, fi kur jẽngrẽ ẽn,” he ag tóg, ũn e ag, jãnjãn kỹ. Ũ tỹ Topẽ ki ge kỹ nỹtĩ kar ag to ken hã vẽ, hã vỹ: cordeiro prũnh ke, he mũ.

Nén Venh Ke 2:23

Fi krẽ kãgtén kãn jé sóg ke mũ gé. Kỹ inh ki ge kỹ nỹtĩ kar ag vỹ inh jykre ki kanhró nỹtĩnh mũ. Vẽnh kar tỹ nén to jykrén mũ ẽn ve kãn sóg tĩ, ag tỹ nén han sór mũ ẽn ke gé. Ãjag tỹ nén han mũ ẽn ri ke han jé sóg ke mũ, ãjag mỹ, ha vem nĩ.

Nén Venh Ke 3:18

Hã kỹ sóg ãjag mỹ: “inh ki ouro há ẽn mãn kãmũ jẽg,” he sór mũ, “ãjag tỹ riko nỹtĩ jé. Kur kupri kajãm nĩ, ãjag tỹ kator nỹtĩ tũ nĩ jé, ãjag mỹ'ãg tũ nĩ jé. Vẽnh kagta kajãm nĩ, ãjag kanẽ mỹ, ãjag tỹ ve há han mãn jé.