Mateus 22:10 - O Novo Testamento na língua Kaingáng

¹⁰ Kỹ ag tóg mũ mũ sir. Vẽnh kar mỹ ag tóg tó mũ, ũn jykre há ag mỹ, ũn jykre kórég ag mỹ ke gé. Hã kỹ tóg fór mũ sir, clube ti.

Mateus 22:10 Iomraidhean Croise

Mateus 13:38

“Ga hã to sóg: ẽpỹ, he mũ. Kỹ inh jakré vỹ tỹ, Topẽ krẽ ag ri ke nỹtĩ, kỹ vãnh vỹ tỹ, Nén-Kórég krẽ ag ri ke nỹtĩ gé.

Mateus 22:9

Ha ẽpry ra mũjẽg, ẽmĩn vẽnh kãpóv ja ra ke gé. Ãjag tỹ ũ ve kỹ ti mỹ inh fénhta ti tóm nĩ,” he tóg, pã'i mág ti.

Mateus 25:10

Kỹ fag tóg mũ mũ. Fag gunja tá tóg jun mũ sir, ũn prũg mũ ti. Kỹ fag tóg ti mré mũ mũ sir, ũn lampião gru nỹtĩ fag. Tá junjun kỹ ag tóg jãnkã ti nĩfénh mũ sir, ũn jykre kórég fag jy.

Mateus 9:15

Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.

2 Corinto 12:21

Kỹ tóg inh mỹ'a tĩnh mũ, sỹ ãjag ki jun kỹ. Topẽ tỹ isỹ ũn sĩ han ri ke vẽ sir. Inh fỹnh ke vẽ, ãjag tỹ ãjag jykre pãno si ẽn tovãnh tũ nĩn kỹ, nén ũ kavéj ẽn ti, ti prũ tũ fi mré nỹ, fi mén tũ mré nỹ, fag to én tĩ ẽn mỹr. Ke mãn tũg nĩ.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.

Nén Venh Ke 5:9

Cordeiro ẽn mỹ ag tóg jãn mũ. Jesus jé tag tó ag tóg mũ, ha mẽ. “Ã hã ne livro mãn kỹ ti tógfĩ kygvãg mũ ha'. Ã tén ja ag tóg nĩ, kỹ ã tóg ter kỹ ẽprã ke ag kygjãm, Topẽ mỹ, vẽnh vĩ kar tó tĩ ag kã mĩ, nação kar ag kã mĩ. Povo kar ag kã mĩ ã tóg ũ ag kygjãm ja nĩgtĩ.

Nén Venh Ke 7:9

Tag pãte sóg ũn tỹ hẽn ri ke ag vigvég mũ. E tãvĩn ag nỹtĩ. Kỹ ũ tỹ ag nĩgkrén ke tóg tũ tĩ. Tỹ ag ẽprã ke ja nỹtĩ. Nação kar kã mĩ ke ũ ag vỹ tá nỹtĩ, povo kar kã mĩ ũ ag ke gé, vẽnh vĩ kar tó tĩ ag kã mĩ ũ ag ke gé. Kur kupri rĩnh kỹ ag tóg nỹtĩ. Nĩgja sĩnvĩ ẽn pénĩn ag tóg jẽgjẽg kỹ nỹtĩ, cordeiro rĩnve. Tãnh féj génh kỹ ag tóg nỹtĩ.